spès

Walon (Rifondou)

Alofômes di s(i)- / (e)s-
Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
spès	sipès	espès

Etimolodjeye

Tayon-bodje latén « spissus » (minme sinse).

Prononçaedje

AFE :
- prononçaedje zero-cnoxheu : /spɛ/ (minme prononçaedje pattavå)
Ricepeures : nén rcepåve

Addjectif

	singulî	pluriyal
omrin	s(i)pès
femrin atribut	s(i)pesse	s(i)pesses
femrin epitete (todi padvant)	s(i)pesse	s(i)pessès

spès omrin (come addjecif djondrece, todi metou padvant l’ no)

k' a bråmint del groxheur, d' on costé a l' ôte (meur, sitofe, evnd.)
- La on bea spès paltot.
- On horon di troes pôces sipès. — Motî Forir (fråze rifondowe).
- Madame mete do fård on doet spès. — Motî Forir (fråze rifondowe).
- Il a nivé on dmey pî spès. — Motî Forir (fråze rifondowe).
- Li nivaye valsant avou l’ bijhe,
  Fjheut des damabondes di påwions
  Ki acovrént d’ ene sipesse tchimijhe
  Campagne et prés, håyes et bouxhons. — Martin Lejeune, Œuvres lyriques du poète wallon Martin Lejeune, "L’iviêr èt l’amour" (fråze rifondowe).
- Et, come c' esteut on ritche, ses eritîs si djhît
  Ki c' esteut d' leu-z oneur del bén fé mete a pont :
  I faleut on waxhea, on bin spès, on solide,
  Onk ki durreut lontins. On fjha vni li scrinî sins nd abouter dpus. — Henri Simon, Li pan dè bon Diu, "Li rvindje di l' åbe" (fråze rifondowe).
- Djalter, c' est cwand i djale mins ki ci n' est nén si foirt — metans a -1 dgré —, et ki l' glaece n' est nén spesse. — Dimitri François (fråze rifondowe).
- Come les blancs påwions ki voltêynut dins l’ arêye, li nive toume, pus spesse et pus blanke, dins li noereu ki cmince a vni — Paul Moureau (fråze rifondowe).
- I oistêye li pelote di l' orandje djusse comifåt : ni trop tene, ni trop spesse — Jean-Pierre Dumont (fråze rifondowe).
(mot des cinsîs) deur et près l' onk di l' ôte (tot djåzant di grins).
- Vos grins sont bén spès. — Motî Forir (fråze rifondowe).
ki n' court nén åjheymint, come di l' aiwe, tot djåzant d' on likide.
- La ene boune sipesse sope, wai !
- Del sipesse sirôpe. — Motî Forir (fråze rifondowe).
- Djôdjet, djel va fé di m' mî ;
  [E]le ni serè nén trop spesse ;
  Dj' so seur k' ele ti va t aidî
  Cwand [e]le ti placrè ås fesses. — François Barillié, Li camarad′ dè l'joie, 1852, Li cataplame, p.111 (fråze rifondowe).
- Del boune sope bén spesse avou des årteas d’ pretcheu et ene tårtene di boure di cinse ! — R. Mathieu (fråze rifondowe).
Modele:metey k' on n' î voet nén lon dvant lu, tot cåzant d' on tins (al nute, å brouyård).
- On spès, ene sipesse nute. — Motî Forir (fråze rifondowe).
- Li brouweur est pus spesse, li rew pleure d’ anoymint,
  Sol trevén
  K’ å cir rebrôkyî po lontins,
  Li solo n’ est pus rén. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Candj’mint d’ tins », 1912, p.22 (fråze rifondowe).
- I n' esteut nole eure å matén
  K' on-z etindeut souner si eglome
  Et ki s' shoflet tchessive å vint
  Ene sipesse foumire come del schome. — Jean Dessard, D'ine cohe so l'aute, 1939, p.68, Rimimbrance (1920) (fråze rifondowe).
- Gn a des gros spès nouwaedjes k' aspitèt did låvå,
  Tot berôlant s' n' on l' ôte, etot maxhurant l' cir. — Lucyin Mahin, ratournant Baudelaire.
- C' est l' vî boulome Noyé å fond do spès tins ki fwait s' toû a sployon — Jacky Lodomez (fråze rifondowe).
ki est foirt djondant onk di l' ôte.
- Il arokéve a des spessès yebes, pa bohêyes— Lucien Somme (fråze rifondowe).
(imådjreçmint) gros, crås, tot djåzant d' ene djin.
- C' esteut on gros spès ome.