stronner l’ poye sins l’ fé braire

Walon (Rifondou)

Etimolodjeye

Shûte des mots : « stronner » + « l’ » + « poye » + « sins » + « l’ » + « fé » + « braire »

Vierbire

stronner l’ poye sins l’ fé braire

1. acsure, fé on côp al taxhlete.
   • BIETMÉ. Ni bevans k' ene, c' est mi k' el paye.
     NAPOLEYON. - Ene boune parole a todi s' plaece.
     BETCHEYE. - Rén k' ene, dj' a on si laid bwesson !
     NAPOLEYON (å publike) C' est co onk ki stronne li poye sins l' fé braire !
     BIETMÉ. - A vosse santé ! — Joseph Vrindts, Li diale di so l'fontaine, 1889, sinne IX, p.23 (fråze rifondowe).
   • Il ont stronné l'poye di noste âme sins l'fé brêre èt s'nos-ont-i, adon, lèyî â rés, come on tape, so l'batch, in tote tchamossêye clicote!...— Paul-Henri Thomsin.
2. (secsuwelté) dijhêye po onk k' a l' air d' ene sinte-nitouche, et ki toûne li tiesse d' ene comere (et motoit lyi fè èn efant).
   • I stronne li poye sins l' fé braire. — Motî Haust (fråze rifondowe).
   • Awè, souwé, awè, ele mi l’ a dit. Dji cnoxhe tos vos calmoussaedjes ! Oho valet, c’ e-st insi k’ vos stronnez l’ poye sins l’ fé braire ? — Henri Simon, Li bleû-bîhe, 1886, p.14 (fråze rifondowe).
   • Dji vs pou dire schayetmint
     Ki dj' sai stronner l’ poye sins l’ fé braire
     Et k' dji n' dinreu nén m' pårt ås tchéns.
     Mins dj' vou co ratinde ene miete
     Po prinde po feme Båre ou Mayon,
     Ca dj' a bén trop sogne ki l' poyete
     Ni m' dene on djoû trop d' poyons. — Louis Lagauche, Amon nos autes, tchansons tchusèyes, (1908-1912), «L'istwére dè vî molin» p.86 (fråze rifondowe).
   • Åresse, ci n' est nén seulmint les Arabes, saiss, k' ont puzieurès femes. Divins les payis crustins, wice est i li rwè, li conte, li duk u l' baron k' end a nén ene dozinne ? Mins zels, voess, sont pus catchetes ki les dicipes di Mawoumet. I stronnèt l' poye sins l' fé braire — Joseph Mignolet, dins « L' amour a l' Alambra », p. 77 (fråze rifondowe).

Ôtes sicrijhas

• stronner l’ poye sins l’ fé criyî
• toirtchî l’ poye sins l’ fé criyî

Rilomêye do mot

Li mot dins on tite di live, di gazete, di soce, di marke

• onk des mots walons Gui Fontinne (tôme II) (!!! a-z aveuri)

Sipårdaedje do mot

w. do Levant

Ortografeyes

Divant 1900 :

• stronlé n’poïe sin l’fé brair : E203 ^(lére)

Ratournaedjes

fé on côp al taxhlete

• Francès : poignarder dans le dos ^(fr), faire un coup à la dérobée

hanter, coûtchî catchetmint avou ene kimere

• Francès : faire son coup en cachette