stårer

Walon (Rifondou)

Alofômes di s(i)- / (e)s-

Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
stårer	sitårer	estårer

Etimolodjeye

Tayon-bodje vî francike « stal » (pôzucion, dimorance) avou l’ cawete di codjowaedje « -er » des viebes mot cité dins l’ FEW 17 209b.

Viebe

stårer (viebe å coplemint) (1^ire troke) (codjowaedje) (å prono : si stårer)

1. fé toumer (ene sacwè ki s' sitind al tere, mins dmorer eshonne).
   • Il a ståré li schåle.
   • Il aveut ståré ene djåbe d' avoenne, et leyî des påtes al tere; et on l' a rdingué po ça
   • Dji m' aprestéve a choter å gôl, et dj' a stî ståré dins l' cwåré des baks: penalti.
   • I n’ tint pus qu’ d’on costé. Rade, on-z-a nokî ’ne cwède
     conte on strouk dimanou d’eune di sès hautès cohes,
     èt lès-omes sètchèt d’ssus. L’åbe clintche èt, tot vèrdjant,
     si r’drèsse èt ståre al tére tos lès cis qu’ l’ont moudri
     — Henri Simon.
2. fé toumer (ene sacwè ki si stind pattavå).
   • Dj' a ståré dissu mi schô tote ene boesse di botons — Odile Uyttebrouck (fråze rifondowe).
   • Dj' a ståré m' djate di cafè: ça a stî come les catarakes do Niyagara tot å dbout del tåve — Robert Mathieu (fråze rifondowe).
   • Dj' a ståré l' paket d' souke al tere.
   • Estårer ’ne coviete po s’ ashir dissu. — Motî d’ Cerfontinne (fråze rifondowe).

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

1. sitinde pattavå.
   • Li solo blame e plin do cir, stårant tcholeur et loumire sol tere ki rdoxhe di saive et d’ ameur— Henri Simon, "Mès cwate moumints" (1907) (fråze rifondowe).
   • Li rixhot ståréve ses aiwes pattavå les teres, cwand fevrî u måss si forplovént (E. Gilliard).
   • Il a ståré les grinnes so l' gurnî, po k' ele rissouwénxhe.
   • Volant scrire avou m' poite-plome, dj' a ståré l' intche so mes papîs ("R'nèthî").
   • Vos pôroz vey des cumulets sol waerglaece ki ståre si muroe — Odile Uyttebrouck (fråze rifondowe).
   • Li pont ki ståre si croufe di tere,
     Vizon vizu d' amon l' marixhå,
     A cnoxhou les tåyes do grand-pere,
     Ki soctêye la dzo l' scheuve del så— Joseph Mignolet, "Fleûrs di prétins", p.71 (1929), "Li pont" (1926) (fråze rifondowe).

   rl a: sitramer, sipåde, sitierni, ristårer. F. éparpiller, épandre. stårer l' four u : les fours u : les andeas : (mot d' cinsî): rimete pattavå l' tchamp li four fåtchî.

   • On ståre les andeas po les fé fener (J. Boulard). sitårer ås flates u : les flates° :. stårer les molinêyes (les frumoujhîs) : (mot d' cinsî): sitinde li tere des rexhowes di fougnant d' ene waide, po leyî l' yebe ribouter. sitårer (a) l' ansene : (mot d' cinsî) sitinde totavå on tchamp l' ansene k' esteut a ptits monceas. F. épandre le fumier.

   rl a: sitramer, sipåde, ristinde, disfé, schavner.

2. (imådjreçmint) sitårer les cwårs, les çanses,… : furler ses sôs.

Ratourneures

1. stårer les gueyes : fé toumer les pîces d' on djeu d' beye.
2. stårer ene kimere : fé l' amour avou leye, en ene plaece nén classike ; berôder.
3. stårer les teres  : (mot do bastimint) sitinde (les teres des fondåcions) tot åtoû d' ene nouve måjhone, cwand elle est cåzu fwaite.
   • Li måjhone serè dabôrd presse: il ont vnou stårer les teres divant-ersè — Lucyin Mahin. F. remblayer.

Parintaedje

• ståre (a ståre), ståré
• ståraedje, ståreu, ståreuse, stårêye
• stårmint, stårreye

Sinonimeye

• (fé toumer d' ene plinne pîce) : berôder, epîter, rivierser, ricvierser
• (fé tchaire ene sacwè ki s' sitind a totès pårteyes): spåde, divierser, rispåde, rivierser

Ortografeyes

Divant 1900 :

• stâré : E203 ^(lére)
• stauré : E178

Après 1900, foû rfondou (Feller, Feller ricandjî, nén Feller) :

• staurer : S25
• s(i)taurè : C8
• s(u)tårer : S117
• stârer : S0
• (è)staurer : O2, O4
• stårer : E34
• s(i)tårer : E1

E rfondou walon :

• stårer / sitårer u estårer : R10 ^(lére)
• s(i)tårer : R13

Ratournaedjes

fé toumer ene sacwè ki s’ sitind al tere, mins dmorer eshonne

• Arabe marokin : 6eyye7 (TeyyeH) =‎ طيّح
• Almand : stürzen ^(de)
• Inglès : to overthrow ^(en), to topple ^(en)
• Espagnol : derrocar ^(es), derribar ^(es)
• Francès : renverser ^(fr), culbuter ^(fr), faucher ^(fr)
• Neyerlandès : omverwerpen ^(nl)

fé tchaire ene sacwè ki s’ sitind a totès pårteyes

• Inglès : to spill ^(en)
• Francès : épandre ^(fr), répandre ^(fr), étaler ^(fr), étendre ^(fr)

Sourdants

Etimolodjeye: shonne esse li decidaedje da S0, ca gn a yeu do forbataedje.