tchiveye

Walon (Rifondou)

Plinne cogne (råle)	Spotcheye cogne
tchiveye /ʧi.'vɛj/	tchveye /ʧfɛj/

Etimolodjeye

Tayon-bodje latén « clavĭcŭla » (pitite clé), dj' ô bén li minme tcherpinte ki «clavete».

Prononçaedje

• AFE :
  • diferins prononçaedjes : /t͡ʃi.ˈvɛj/ /t͡ʃy.ˈvɛj/ /t͡ʃy.ˈviːj/ /t͡ʃɛ.ˈviːj/ /t͡ʃy.ˈviː/ (betchfessî ey)
  • prononçaedje zero-cnoxheu : /t͡ʃi.ˈvɛj/
• Ricepeures : tchi·veye

Sustantif

singulî	pluriyal
tchiveye	tchiveyes

tchiveye femrin

1. pitite ronde bårete di bwès, u d' fier metowe po fé tni eshonne deus pîces.
   • Dissu l' pas d' ouxh di s' foidje, li tcheron dit ås troes galants: «Pusk' i paret k' mi feye vos a toumé ddins l' ouy, on n' frè pont d' egzamin e scrijhant dsu ene foye; Li ci d' vozôtes ki m' sårè li tchveye li pus bele wangnrè l' procès docôp po courtizer Adele.»
2. (antomeye) oxhea do dzeu do pî ki brike difoûtrinnmint.
   • Å minme moumint, ses pîs et ses tchveyes so rafoircixhît. I potcha so ses pîs et ataca a roter. — Jean-Marie Lecomte, L’ Oûve dès-Apôtes (ratournaedje) (fråze rifondowe).
   • Elle estént plinnes di bleus, di l' awinne del djambe disk' al tchiveye. — Lucyin Mahin, Vera (fråze rifondowe).
   • Nouv moes k' ça deure, li balon: (…) çou k' ele poite e s' vinte ki lyi infele ses tchveyes — Joseph Bodson, Mârîye - One vikêrîye, p. 37 (fråze rifondowe).

Ratourneures

1. èn pus tni ni a tchveyes ni a clås : toumer e bokets, tot cåzant d' ene usteye.
2. èn pus tni ni a tchveyes ni a broke : esse tot discatibulé, fizicmint u morålmint, tot cåzant d' ene djin.

Parintaedje

• tchiviyete
• tchiviyî
• distchiviyî

Sinonimeye

• (pitite ronde bårete di bwès): broke, (tirante broke), bosson

Dizotrins mots

wesse, brokete, tchiviyete, lambert, govion / godjon, sclimbea, clipea, sera, stitchete, stitchea, doetoe, fåsset, boute-foû / tchesse-foû / tchesse-clå, clé, coûtroe

Ortografeyes

Divant 1900 :

• chuveie : E212
• chiveie / g’veie : E177a

Après 1900, foû rfondou (Feller, Feller ricandjî, nén Feller) :

• tchivèye / dj'vèye : E1, E170
• tch' fîye : S36 ^(lére)
• tchèvèye / djvèye : E165
• tchuviye / tchviye : S117
• tchèvîye : O4
• tchuvêye / djvêye : E34
• tchiviye / tchviye : C8
• tchuvî.ye : S109
• tchuvîe / tchfîe : S0

E rfondou walon :

• tchiveye / tchveye : R10 ^(lére)

Li mot n’ est nén dins : C13

Ratournaedjes

pitite ronde båre di bwès po rdjonde deus pîces

• Francès : cheville ^(fr)

oxhea do dzeu do pî

• Espagnol : tobillo ^(es)
• Francès : cheville ^(fr)

Waitîz eto

Lijhoz l’ årtike tchiveye (discramiaedje) so Wikipedia