zingler

Walon (Rifondou)

Etimolodjeye

Tayon-bodje latén « cingula » (cingue) avou assaetchance do mot-brut « zing ! »

Prononçaedje

• AFE :
  • diferins prononçaedjes : /zɛ̃.ˈɡle/ /zɛ̃.ɡlɛ/ /zã.ˈɡe/ /zã.ˈɡle/ /sɛ̃.ɡlɛ/ Prononçaedje a radjouter
  • prononçaedje zero-cnoxheu : /zɛ̃.ˈɡle/
• Ricepeures : zin·gler

Viebe

zingler omrin (1^ire troke) (codjowaedje)

1. bouxhî avou ene sicorijhe.
   • Il a zinglé s’ valet divant les ôtes bokions.
   • Il a stî zinglé a côps d’ corijhe.
   • On a stî zinglé l’ pôve biesse pask’ ele hoûléve. — Motî Forir (fråze rifondowe).
   • Mi, dj’ esteu dins l’ oto ki louméve les lives, et lu esteut al poirtire avou l’ fizik, ki les zingléve. — Lucyin Mahin, ramexhnaedje.
2. bouxhî a ptits setch côps, copurade tot djåzant del plouve, des gurzeas.
   • Li pluve lyi zingléve li figueure.
   • Li tchén spawté hoûle ;
     L’ ouxh bate so s’ loket.
     Li froede plouve zinglêye
     A côps d’ ongue furieus
     Li finiesse ki hostêye
     Come on djeu d’ cwårdjeus— Martin Lejeune, “ Œuvres lyriques du poète Martin Lejeune” p.132, « Prumî riselèt» (fråze rifondowe).
3. bate comifåt.
   • I s’ a fwait zingler comifåt.
4. (imådjreçmint) critiker setchmint.
   • Rwanda 1995 : les corwaiteus do Rwanda ont zinglé l’ idêye amerikinne d’ on Houtouland et d’ on Toutsiland.

Parintaedje

• azingler
• zinglaedje
• zinglé, zinglêye
• zinglåde
• zinglant
• zinglantiveuzmint
• rizingler

Mots vijhéns

(bouxhî avou ene sicorijhe)

• chlaker

(bate comifåt)

• zignter

Ortografeyes

Divant 1900 :

• zenglé : E89 ^(lére)
• zinglé : E203 ^(lére)
• zengué : E89 ^(lére), E177 (1823 & 1843)
• zeinglé : E177 (1823 & 1843)

Après 1900, foû rfondou (Feller, Feller ricandjî, nén Feller) :

• zingler : C9, E1, E21, E212b, S0, S109, S117
• cinglè : C8

E rfondou walon :

• zingler : R9 ^(lére), R10 ^(lére), R13

Li mot n’ est nén dins : O4 (mins on trouve « (è)rzîgler »), FO4 (mins on trouve « (è)rzîgler », « (è)rzingler »)

Ratournaedjes

bouxhî avou ene sicorijhe

• Francès : fouetter ^(fr), flageller ^(fr), fustiger ^(fr)

bouxhî a ptits setch côps

• Francès : cingler ^(fr)

bate comifåt

• Francès : gifler ^(fr), rosser ^(fr), fesser ^(fr)

critiker setchmint

• Francès : fustiger ^(fr)