arincrin

Walon (Rifondou)

• 
  Arincrins dins les bwès.

Etimolodjeye

Aplacaedje tîxhon : « arin » (araegne), calké do picård (mins k’ egzistêye eto e gåmès, sorlon l’ ALW8, p. 340; li sfwait mot walon, «aran» n’ egzistêye ki dins l’ mot d’ aplacaedje tîxhon «arantoele») + crin; crin d’ araegne.

Prononçaedje

• AFE :
  • diferins prononçaedjes : /a.ʀɛ̃.kʀɛ̃/ Prononçaedje a radjouter, miersipepieuzmint e l’ notule ALW 8.158 .
  • prononçaedje zero-cnoxheu : /a.ʀɛ̃.kʀɛ̃/
• Ricepeures : arin·crin

Sustantif

singulî	pluriyal
arincrin	arincrins

arincrin omrin

1. (pus sovint eployî å pluriyal) toele d’ araegne (sortot des viyes ki trinnèt ene sawice, so ene sacwè).
   • Ça fjheut come ene dintele d’ arincrin.
   • Po stantchî l’ sonk, on mete l’ arincrin sol côpeure. — Motî Toussaint (fråze rifondowe).
   • Et, tot tapant å lådje li vî ouxh di si ovroe,
     Vla k’ i dåre en ene coine, dviersî on hopea d’ plantches,
     Tot covrous d’ arincrins : les waxhlins estént la ! — Henri Simon, "Li rvindje di l' åbe" (fråze rifondowe).
   • C'èst dè bon !... Li botèye èst pleinte d'arîcrès. On l'a d'pôy' mi naihance. — Joseph Mignolet, "Al bèle fontinne, comèdèye è treûs-akes", 1924, p.33.
   • Gostans l' saweur des boteyes k' on vude ouy.
     Des arincrins k' on dislaxhe l' ureus boutchon…
     Cwand l' eure vénrè d' aveur des trop ptits ouys
     Po ndè raler nos moenrans l' cråmignon. — Jean Dessard, D'ine cohe so l'aute, 1939, p.140, Tchanson d' tåve : Inte lès-åsses èt lès pots (1936) (fråze rifondowe).
   • Cwand on n’ est pus al môde, k’ on est divnou halcrosse,
     K’ on a on pî toirtchî, ou bén ene pitite bosse,
     Paf ! on t’ here e gurnî, divins les arincrins. — L. Renard, (sourdant a recråxhî).
   • Li galant, pindou après on somî, halcotéve dins les arincrin. — José Schoovaerts (fråze rifondowe).
   • Loukîz l’ tournicoter åtoû di s’ frumele come on malton åtoû d’ ene moxhe al låme ; loukîz ses pîs ; loukîz lzès texhe åtoû di s’ kipagneye èn invizibe arincrin, dismetant k’ leye tripele cåzu so plaece tot tchacant dvins ses mwins. — Jean-Pierre Dumont.
2. (imådjreçmint) pitite fråjhûle djin.
3. (éndjolike) (todi singulî) (sicrît eto «Arincrin») Daegntoele (internete).
   • Po saveur les ca et les ma so Max Stirner, les sûtis polnut cweri dsu l’ arincrin.

Ratourneures

1. fé les arincrins : rissaetchî les rantoeles.

Parintaedje

• arincriné

Sinonimeye

• (toele d’ araegne) : rantoele, arantoele, araegnreye; Loukîz a : « rantoele »
• (internete) : Loukîz a : « Daegntoele »

Sipårdaedje do mot

w. do Levant, w. do Mitan

Ortografeyes

Divant 1900 :

• arinkret : E177, E203 ^(lére)
• arîkret : E203 ^(lére), E177 (1839)
• aricrin : E212 ^(lére)
• arincret : E89 ^(lére)
• arikret : E177 (1823)

Après 1900, foû rfondou (Feller, Feller ricandjî, nén Feller) :

• alécrin : E200, G208
• arègncrin : G208
• arêcrin : G208
• arincrin : E1, E2, E170, E213, C1, C9, C13, C57, C106, G208
• arîcrin : E1, E21, G208
• èrincrin : G208
• alîcrin : G208
• arécrin : E200, G208
• arîcrè : E1
• arîcrègn : G208
• alîcrègn : G208
• arègncrègn : G208
• arincrè : E1, E170

E rfondou walon :

• arincrin : R10 ^(lére), R11 ^(lére), R13
• aréncrén : R9 (rifondaedje ricandjî e may 2008^[1]) ^(lére)

Li mot n’ est nén dins : O0, S0, C105

Ratournaedjes

toele d’ araegne Loukîz a : rantoele

• Francès : toile d’araignée ^(fr)

internete Loukîz a : Daegntoele

Waitîz eto

Lijhoz l’ årtike arincrin (discramiaedje) so Wikipedia