boûkete

Walon (Rifondou)

Etimolodjeye

Bodje neyerlandès « beukweit » (frumint d' faw), a cåze del cogne des fruts del plante, ki rshonne al cene des fayenes.

Prononçaedje

• AFE :
  • diferins prononçaedjes : /buː.ˈkɛt/ /boː.ˈkɛt/ /bu.ˈkɛt/
  • prononçaedje zero-cnoxheu : /buː.ˈkɛt/
• Ricepeures : boû·kete

Sustantif

singulî	pluriyal
boûkete	boûketes

boûkete femrin

1. (plante) sôre di plante coûtivêye dins les pôvès teres, ki l’ sincieus no, c’ est : Fagopyrum esculentum.
   • Tos les ans, on ahivéve èn ectåre di boûkete dins les tchamps.
   • Çou k' vént assez bén, c' est del boûkete. C' esteut les ovrîs do tchmin d' fier ki semént ça dins les hourêyes do tchmin d' fier. — ramexhné pa Jacky Adam (sourdant a recråxhî) (fråze rifondowe).
2. farene di cisse plante la.
   • (Tinoz, la po vosse binamé efant) Ene tåte di vî stofé Ey ene vôte al boûkete. — Noyé walon (fråze rifondowe).
3. (mot d’ boledjreye-påstedjreye) vôte fwaite avou ç' farene la, pacô maxheye a del cene di frumint.
   • Li djonne ome va t amon s' crapåde ;
     C' est la k' i s' î va t amuzer !
     Magnî des boûketes totès tchôdes
     K' on fwait esprès l' nute do Noyé. — François Barillié, Li camarad′ dè l'joie, 1852, Li nute dè Noïé, p.89 (fråze rifondowe).
   • Dj' a-st apontyî ene clapante eurêye : on live, on faizan, des boûketes … — Joseph Mignolet, Li vôye qui monte, (1933), p.37 (fråze rifondowe).
   • C' esteut l' nute di Noyé; l' mame fijheut des boûkete. — Georges Ista (fråze rifondowe).
   • Vinoz s' magnî ene boûkete avou do souke di pot, Noyé. — Joseph Lahaye (fråze rifondowe)..
   • Li vint prinda dvins ene aiye et mi ptit avion mança di s' ritourner come ene boûkete. — Yvonne Gendarme (fråze rifondowe).
4. (mot d’ mousseure) hol tchapea.
   • Todi-måy astaplé
     Sol droet bresse di s' tcherete,
     On l' ôt djourmåy xhufler
     Dizo l' pene di s' boûkete. — Jean Dessard, D'ine cohe so l'aute, 1939, p.109, Lès tchèrons d’ mon Dètrîhe (1905) (fråze rifondowe).

• 
  flormint del plante
• 
  boûketes (vôtes)

Ratourneures

1. farene ås boûketes : noere farene po fé les vôtes k' on dit, avou ene pårteye do molaedje del plante k' on dit.
2. ritourner come ene boûkete

Sinonimeye

• berdele

Mots d’ aplacaedje

såvadje boûkete

Mots vijhéns

vôte, vôtion, reston

Sipårdaedje do mot

w. do Levant, w. do Coûtchant

Ortografeyes

Divant 1900 :

• boûkett : E203 ^(lére)
• boûkette : E89 ^(lére), E212 ^(lére)
• boukett : E177a ^(lére)

Après 1900, foû rfondou (Feller, Feller ricandjî, nén Feller) :

• boûquète : E3, E34
• bôkète : C9, O0, O2
• boûkète : C1, C13, E1, E21, E34
• boukète : O3, O4, O51

E rfondou walon :

• boûkete : R10 ^(lére)

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

Waitîz eto

Lijhoz l’ årtike boûkete (discramiaedje) so Wikipedia