bresse

Walon (Rifondou)

Etimolodjeye

Tayon-bodje latén « brachium », lu-minme do bodje vî grek « βραχίων », brakhíôn (minme sinse).

Prononçaedje

• AFE :
  • diferins prononçaedjes : /bʀɛs/ /bʀɛ/ /bʀa/
  • prononçaedje zero-cnoxheu : /bʀɛs/
• Ricepeures : nén rcepåve

Sustantif

singulî	pluriyal
bresse	bresses

bresse omrin

1. (antomeye) :
   1. pårteye do coir d’ ene djin ki va del sipale al mwin.
      • Inte deus bansteas d’ orandjes, ki lyi råyént les bresses
        Ele vindeut pus k’ nole ôte. — Joseph Vrindts, Vîx Lîge, (1901), p.66, “Dihâv’lêye” (fråze rifondowe).
   2. (pus stroetmint) pårteye do coir d’ ene djin ki va del sipale å keute.
   3. (antomeye) do coir d’ on cwate-pates ki va del sipale å keute (al pate di dvant, plaké après l’ coistrece).
2. pîce di bwès ki rshonne a on bresse :
   1. pol saetchî : bresse di berwete, di tcherete, di begnon, di tchår.
      • Todi-måy astaplé
        Sol droet bresse di s' tcherete,
        On l' ôt djourmå xhufler
        Dizo l' pene di s' boûkete. — Jean Dessard, D'ine cohe so l'aute, 1939, p.109, Lès tchèrons d’ mon Dètrîhe (1905) (fråze rifondowe).
   2. po tni : bresse di rowe di molén, di balance.
      • Dji rvoe les grands bresses do bon vî molén. — Jean Dessard, D'ine cohe so l'aute, 1939, p.83, Mi Viyèdje (1927) (fråze rifondowe).
3. boket d’ ene aiwe ki vént foû do mwaisse coir d’ aiwe.

• 
  On bresse.

Ratourneures

1. a roed bresse
2. aveur li bresse long.
   1. li Bon Diu a l’ bresse long.
3. aveur so ses bresses : diveur s’ ocuper di.
4. bresse dizeu, bresse dizo : brès dzeu brès dzo : tot s’ dinant l’ bresse, tot djåzant d’ deus hanteus ki s’ porminèt. On dit eto : a cabasse.
   • Zouplant su lès cayaus, mus’linant leû tchanson,
     Dès cints di p’tits richots s’èvont brès d’zeû-brès d’zo,
     Po v’nu rabrèssî Mouse dins on dérin stoûrbion,
     Èt trèvautchî, èchone, l’Walonîye au p’tit trot. — Jean-Paul Daussain, Amon nos-ôtes lès walons.
5. croejhler les bresses, bresses croejhlés.
   • Èt, drèssî à mitan dè l′ vôye, lès deûs brès’ creûh’lés, l’ome avou ses vèrts-oûy di tchèt louke è hôt dizeû Moûse ine binde di sâvadjes canârds qui fèt volêye de costé dè solo. — Jean-François Renkin, Baraquîs, 1898.
6. dene lyi l’ mwin, i t’ prindrè l’ bresse : i n’ fåt rén dner a on parey (ene pareye).
7. dimani les bresses e croes
8. e peur les bresses : e flanele, sins mantches (E203).
9. fé aler les bresses : fr. gesticuler.
10. lever l’ bresse
11. leyî pinde les bresses.
12. n’ aveur ki ses bresses po viker
13. prinde dins ses bresses
14. si prinde pal bresse.
    • Si v’plêt mès amis, arèstéz di v’kihagnî. Nos vikant dès målåhèyes moumints, nos d’vans nos prinde po l’brèsse èt rotér l’tièsse lèvèye. — Jean Thoune.

Parintaedje

• breslet
• bressî 2, bressaedje 2, bressêye, bresseye
• bresner
• abressî
• rabressî, rabresseu, rabressaedje, rabressåjhe
• Bressou

(ôte etimolodjeye, mins assaetcance di « bresse »)

• bressî 1, bressaedje 1, bressin, bresseu, bressene, bressêye

Mots d’ aplacaedje

• bresse do dzeu / dirî-bresse, bresse do dzo / divant-bresse
• droet bresse : mwaisse aidant
• tcherete ås bresses
• å bresse di

Ortografeyes

Divant 1900 :

• bresse : E212 ^(lére)
• bress : E177a ^(lére), E203 ^(lére)
• bret : E212 (sinses nén anatomikes) ^(lére)

Après 1900, foû rfondou (Feller, Feller ricandjî, nén Feller) :

• brès : C1, C8, C9, E212b (sinses nén anatomikes), O92 ^(lére), S0, S117
• brès′ : E1, E2, E212b
• bras : O0, O4
• brèsse : E21, E34, E165

E rfondou walon :

• bresse : R9 ^(lére), R10 ^(lére), R11 ^(lére), R13

Ratournaedjes

boket do coir ki va del sipale al mwin

• Arabe : ذراع ^(ar) = ذِراع =‎ dhirâ3
• Arabe marokin : يد ^(ary) =‎ id
• Almand : Arm ^(de)
• Inglès : arm ^(en)
• Espagnol : brazo ^(es)
• Francès : bras ^(fr)
• Itålyin : braccio ^(it)
• Neyerlandès : arm ^(nl)
• Sicilyin : vrazzu ^(scn)
• Kimon amazir marokin : ⴰⴼⵓⵙ ^(zgh) =‎ afos

boket do coir ki va del sipale å keute

• Francès : bras ^(fr)
• Kimon amazir marokin : ⵜⵉⵖⵎⴰⵔⵜ ^(zgh) =‎ tighmart

Waitîz eto

Lijhoz l’ årtike bresse so Wikipedia