coibjhî

Walon (Rifondou)

• 
  coibjhî do vî tins
• 
  nûton coibjhî

Etimolodjeye

Tayon-bodje latén « cordobense » (do bodje espagnol « Córdoba » Coirdowe, veye d' Espagne), li K et B vinèt del veye, avou spotchaedje do mitan do mot, li jh vént do -s- del cawete espagnole «-ense» (mostrant l' provnance); avou l’ cawete « -î » mot cité dins l’ FEW 2/2 1182.

Prononçaedje

• AFE :
  • diferins prononçaedjes : /kwab.ˈʒiː/ /kwam.ˈʒiː/ /kwɛp.ˈhiː/ /koːʀ.bi.ˈʒiː/ /koːʀ.by.ˈʒiː/ /kwa.ˈpiː/ /kwɛ.ˈpiː/ (betchfessî oi), (betchfessî jh) (36 prononçaedjes)
  • prononçaedje zero-cnoxheu : /kwab.ˈʒiː/
• Ricepeures : coib·jhî

Sustantif

	singulî	pluriyal
omrin	coibjhî	coibjhîs
femrin 1	coibjhire	coibjhires
femrin 2	coirbijhresse	coirbijhresses

coibjhî omrin

1. (no d’ mestî) (coirbijhreye) onk ki fwait u rfé les solés.
   • A gåtche, on vîlwè avou des usteyes di coibjhî. Tene d' aiwe, pî d' fier, trintchet, cur, solés, passete, etc. — Joseph Mignolet, "Milionêre !" (1934), p.2 (fråze rifondowe).
   • On lzî aprind a fé les posteures come on-z aprind les coibjhîs a fé les solés. — Henri Simon, « Janète » 1911, (eplaidaedje da Jean Haust di 1936), p.115-116 (fråze rifondowe).
   • Li coibjhî prindeut onk des solés al gåtche mwin et bouxhî dsu avou on mårtea å rond tapa — Henry Matterne (fråze rifondowe).
   • Li touweu sait bén come les coibjhîs vlèt les pixhas d' pourcea — Pierre-Joseph Dosimont (fråze rifondowe).
   • Li fôrdjeû, qu’buvéve on hèna
     Avou l’maçon,
     Houka l’cwèpî qu’djåséve à ’ne cande
     Ad’lé l’gorlî. — Joseph Mignolet, "Li tchant del croes", 1932, p. 51.

Ratourneures

1. c’ est todi l’ coibjhî k’ est l’ pus må tchåssî

Parintaedje

• coirbijhreye

Sinonimeye

• choumake, côrdonî

Mots vijhéns

• savtî, gorlî

Ortografeyes

Divant 1900 :

• koiphî : E203 ^(lére), E177 (1843)
• coiphi : E177 (1823)
• coipehî : G0 p. 118

Après 1900, foû rfondou (Feller, Feller ricandjî, nén Feller) :

• cwèpehî : FG1 a "cordonnier"
• cwabjî : S0, S117, S17 (« lu Cwabjî », p. 57)
• cwabejî : C1
• = kwabžī (cwabjî) : S38 (hagnon 23 & 63)
• cwab’jî : S27
• cwam’jî : C8, C13
• cwapî : S0
• cwamejî : C106, FG1
• cwèpî : C106, E1, E34, E165, E170, FG1
• cwèphî : E34
• cwèp’hî : E1

E rfondou walon :

• coibjhî : R9 ^(lére), R10 ^(lére), R13

Ratournaedjes

coibjhî

• Arabe : خرّاز ^(ar) =‎ kharrâz
• Arabe marokin : خرّاز ^(ary) =‎ kherraz
• Almand : Schuhmacher ^(de)
• Inglès : shoemaker ^(en)
• Espagnol : zapatero ^(es)
• Francès : cordonnier ^(fr)
• Itålyin : calzolaio ^(it)
• Lussimbordjwès : schouster ^(lb)
• Neyerlandès : schoenmaker ^(nl)
• Sicilyin : scarparu ^(scn)
• Suwedwès : skomakare ^(sv)

Waitîz eto

Lijhoz l’ årtike coibjhî so Wikipedia