edoirmou

Walon (Rifondou)

Etimolodjeye

Bodje « edoirmi- », bodje A do viebe « ~ », avou l’ cawete « -ou »

Pårticipe erirece

	singulî	pluriyal
omrin	edoirmou	edoirmous
femrin	edoirmowe	edoirmowes

edoirmou omrin

1. pårticipe erirece omrin do viebe </noinclude> «edoirmi».

Addjectif

	singulî	pluriyal
omrin	edoirmou	edoirmous
femrin padrî	edoirmowe	edoirmowes
femrin padvant	edoirmowe	edoirmowès

edoirmou omrin (come addjectif djondrece, metou padvant u padrî l’ no)

1. ki doime.
   • Al shijhe, li cåbartî rapoite
     On froc rapîçté tot rossea
     Ås hantches cinglé d' ene longue blanke coide
     Les forsôlés, tot påjhûlmint,
     Dressèt l' sôlêye edoirmowe. — Ep. Martial, Bultén del Societé d' Lidje, Bulletin de 1858, ‘’Li savtî des recoletes’’, 69-73 (fråze rifondowe).
   • Et ashiowe so m' tcheyire, dj' esteus bén edoirmowe
     Cwand des bruts el pavêye d' on côp mi dispiertît. — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Li lune woeye tot fruzixhant,
     Sol tere k' e-st edoirmowe al brune. — Martin Lejeune, “ Œuvres lyriques du poète Martin Lejeune” p.153, « L’èfant èt l’ leûne » (fråze rifondowe).
   • Sabaye douvént k’ i dmore la dispu ttaleure?! I n’ est nén-st edoirmou, dandjreus. — Jean-François Brackman.
   • Li mwaisse ovrî trouve Djeråd edoirmou so li schoupe; "To doimes, Djeråd ?!! :: neni, dj' esteu djusse eniké.
2. ki låtche di volté, nén spitant assez.
   • Èn edoirmou potince. — Motî Haust (fråze rifondowe).
   • Fé l' edoirmou. — D.T.W.
   • K' ele vegne kischeure les cis k' sont-st Modele:edoirmous
     Po k' s' ehåstexhe di braire avou :
     "Oneur a nosse bele åbarone !"
     — Louis Lagauche (fråze rifondowe).
3. k' a l' esprit totafwait eloviné pa ene sacwè.

   Ene fråze d’ egzimpe est co a radjouter.

4. (mot d’ medcén) moumintanêymint flåwe tot djåzant d' ene sakî, d' on boket d' coir.
   • Mes pîs sont edoirmous. — D.T.W.
   • Aveur les betchetes di ses doets edoirmowes di froed. — D.T.W.
   • Dj' a m' pî edoirmou. — Motî Haust (fråze rifondowe).
   • Awè ene djambe edoirmowe. — Motî Haust (fråze rifondowe).

Sinonimeye

ki låtche di volté, nén spitant assez

• cropecinde
• loyminoye
• nawe
• nonpouxhe

moumintanêymint flåwe tot djåzant d' ene sakî, d' on boket d' coir

• ecoidlé
• eminné
• londjin
• roed

Ortografeyes

Après 1900, foû rfondou (Feller, Feller ricandjî, nén Feller) :

• èdwèrmou : E1, E34
• adwarmi : S0
• èdwârmu : C1, C9, C13

E rfondou walon :

• edoirmou : R10 ^(lére)

Ratournaedjes

ki doime

• Francès : endormi ^(fr)

nawe, ki låtche di volté

• Francès : apathique ^(fr), indolent ^(fr)

k' a l' esprit totafwait eloviné pa ene sacwè

• Francès : hypnotisé ^(fr), magnétisé ^(fr)

moumintanêymint flåwe tot djåzant d' ene sakî, d' on boket d' coir

• Francès : engourdi ^(fr)