roed

Walon (Rifondou)

Etimolodjeye

Tayon-bodje latén « rigidus » (minme sinse).

Addjectif

	singulî	pluriyal
omrin	roed	roeds
femrin atribut	roede	roedes
femrin epitete (todi padvant)	roede	roedès

roed omrin todi padvant

ki s' ploye målåjheymint.
- Djel voe ployî, baltant sol djambe,
  Li tiesse tote blanke, les rins tot roeds. — Martin Lejeune, Œuvres lyriques du poète wallon Martin Lejeune, p.186, « Lu cane d’a grand-pêre» (fråze rifondowe).
- Po sayî d' ristchåfer,
  Mes mwins froedes
  Et si roedes,
  Dji hansixh dissus bén roed,
  Po ene gote raveur mes doets. — Joseph Vrindts, Pâhûles rîmês, (1897), "Les qwate saisons", p.68 (fråze rifondowe).
- Tot timpe å matén, tot roeds et tot edjalés d’ froed, dj’ alans boere do bén tchôd cafè avou des pwins francès. — Émile Pècheur (fråze rifondowe).
ki monte foirt.
- L’ escalî est putoit roed et les montêyes sont on pô stroetes. — Arthur Masson (fråze rifondowe).
foirt.
- On shofla, c’ est on roed shoflaedje do vint.
foirt et deur (sovint tot fjhant des djeus d’ mots, e tuzant å vé).
- Boune anêye ; k’ ele soeye doûce, roede et longue, po poleur end aler disk’ å dbout.
- 1998 : Dji vos l’ sohaite longue et roede. — Yves Gourdin (fråze rifondowe).
djinné e societé, ki n’ bodje nén, ki n’ reye nén.
(imådjreçmint) vî et ritche.
- C’ est ki, tot divnant pus roed, l’ ome divént pus raezoe. — Nicolas Defrecheux (fråze rifondowe).
(secsuwelté) ki dmane deur et droet (tot djåzant do vé).
- Dj' oyeu todi dire e m' djonnesse
  Ki, po-z esse foirt et bon lûteu,
  I faleut beacôp fé des djesses
  Et sortot todi dmani « roed ».
  Cwand dji divna pus vî, ki dj' ava l' foice,
  I m' vina l' idêye d' l' esprover
  Avou ene bele pitite grigwesse
  Ki vna esprès mel dimander. — François Barillié, Li camarad′ dè l'joie, 1852, Li novelle lutte, p.97 (fråze rifondowe).

Ratourneures

bon-z et roed.
- Les airs d' amour k' i shofléve bon-z et roed s' arestît so ses lepes. — Joseph Vrindts, Li pope d'Anvers, (1896), p.6 (fråze rifondowe).
on roed ramon : Loukîz a : « ramon ».
roed come on mantche a ramon, ossu roed k’ on mantche di schoupe, pus roed k’ on piket, ossu roed k’ ene beye : tot roed.
- Mes djambes ni s’ volént radressî ; elle estént ossu roedes ki des mantches di schoupe. — Guillaume Smal (fråze rifondowe).
on-z est roed divant d’ esse prince: rl a: rwè. (!!! a-z aveuri)
flayî å roed bresse : avou bråmint del foice.
- El bamboula flaye å roed bresse so ene grosse-caisse. — Félicien Barry (fråze rifondowe).
di s’ pus roed : di tote si pouxhe.
- Cwand s' deure cougnêye
  Flaxhe di s' pus roed,
  Åbes et bohêyes
  Ni fèt nou pleu !— Louis Lagauche, Lès bèlès-eûres, (1928), p. 116 (fråze rifondowe).
di tos ses pus roeds
si tini roed

Mots d’ aplacaedje

Mots vijhéns

(ki monte foirt)

rwesse

Ortografeyes

Divant 1900 :

reû, reûtt : E203 ^(lére)
reu : E177, E212 ^(lére)

Après 1900, foû rfondou (Feller, Feller ricandjî, nén Feller) :

E rfondou walon :

roed, roede : R10 ^(lére), R13

Ratournaedjes

ki bodje målåjheymint

Francès : raide ^(fr), ankylosé ^(fr), engourdi ^(fr)

ki monte foirt

Francès : raide ^(fr), abrupt ^(fr), escarpé ^(fr)

foirt

Francès : fort ^(fr), puissant ^(fr)

foirt et deur

Francès : vigoureux ^(fr), robuste ^(fr)

djinné e societé

Francès : raide ^(fr), guindé ^(fr), rigide ^(fr)

vî

Francès : vieux ^(fr)

flayî å roed bresse

Francès : vigoureusement ^(fr) violemment ^(fr), hardiment ^(fr)

deur et droet tot djåzant do vé

Francès : bandé ^(fr), en érection ^(fr)

Adviebe

roed (nén candjåve)

rade, raddimint.
- Et hop, et hop,
  Potchtez co pus roed ;
  Et hop et hop,
  Ene feye estchåfêye,
  Et hop et hop,
  Nos irans tos seus. — François Barillié, Li camarad′ dè l'joie, 1852, Li jone et bon ligeois, p.39 (fråze rifondowe).
- MELIYE. – […] Mi matante dit ki s’ plaece est foirt boune. Et si oniesse, dai ! Des si belès manires !
  DONé. – Ta, ta, ta ! Ké lavasse ! Nén si roed, båshele, nén si roed ! — Henri Simon, «Sètche, i bètche !» divins «Quatre comédies liégeoises» da Jean Haust (1936), 1889, p.37 (fråze rifondowe).
- Li vint ki pidjole et birlance
  Metant les fleurs a cabalance,
  Va bén trop roed !— Martin Lejeune, Œuvres lyriques du poète wallon Martin Lejeune, p.138, « E corti » (fråze rifondowe).
- N’ alez nén si roed, dit-st ele li banse, li pôve viye djin ki m’ trinne forboute et esse dins les transes. — Henri Pétrez (fråze rifondowe).
foitmint.
- Neni, nosse dame : li mwaisse a cwité foirt timpe et dj’ n’ a polou fini tot seu ; portant dj’ a-st ovré roed, savoz ! — Henri Simon, « Li bleû-bîhe » 1886, (eplaidaedje da Jean Haust e 1936), p.12 (fråze rifondowe).
- Mins ene taeyante pire finda l’ espåce,
  Et vna fåyler l’ front do moudreu !
  Li gougne aveut peté si roed,
  Ki l’ ome, a l’ efant, dmanda gråce. — Joseph Vrindts, Vîx Lîge, (1901), p.80, “Li p’tit Pît’lé” (fråze rifondowe).
pår.
- Il est roed sot.

Ratourneures

aler roed
- Cwand i l' oyèt souner l' tocsin,
  K' on dit k' i gn a l' feu kéke pårt,
  I s' dispaitchèt tot doûçmint
  Po n' nén toumer sol flaxhård,
  Et s' veyèt k' l' afwaire va roed,
  Divant do risker leu veye,
  I leyèt fé les bordjoes,
  Sogne d' aveur li gueuye sipiyeye. — François Barillié, Li camarad′ dè l'joie, 1852, Les pompiers, p.65-66 (fråze rifondowe).
beazet roed, bonzè roed : raddimint et avou del foice.
- I vneut beazet roed. — Louis Remacle.
- Li trûte hosse li cawe bonzè roed dizo l’ corant ki lyi cateye li schrene. — Joseph Houziaux.
esse roed sot di
ni fjhoz nén si roed
- Mamjhele, fjha Janete k' esteut divnowe ossu påle k' on lénçoû, ni fjhoz nén si roed, dji vs è preye, mi ptite est si malåde ! — Joseph Vrindts, Li pope d'Anvers, (1896), p.64 (fråze rifondowe).
ossu roed k’ on tchår-ås-bancs : nén foirt rade.
- Li trin avance dabôrd ossu roed ki l’ tchår-ås-bancs d’ Inguezêye. — Les crwès dins les bruwères (fråze rifondowe).
toumer roed bleu sot