floy

Li rfondaedje di ç’ mot cial est co so balance. Fåt i scrire « floy » u « flo » ?

Walon (Rifondou)

Etimolodjeye

Bodje « floxhe » do vî walon, lu-minme do vî francès « floc », lu-minme d' on tayon-bodje tîxhon, adon parint avou l’ inglès « flow », et l’ francès « flux » (etimolodjeye nén acertinêye).

Prononçaedje

• AFE :
  • diferins prononçaedjes : /flɔ/ /flɔj/ (fok deus prononçaedjes)
  • prononçaedje zero-cnoxheu : /flɔj/
• Ricepeures : nén rcepåve

Sustantif

singulî	pluriyal
floy	floys

floy omrin

1. (djeyografeye) basse d’ aiwe metowe so on sourdant, k' estént wårdêye po-z abuvrer l' bisteu.
   • Nos avéns télmint soe ki ns åréns bevou å floy — Motî Alphonse Massaux (fråze rifondowe).
   • Asteure, on-z a ristopé les floys et lzès replaecî pa des pompes et des abuvroes, po les biesses aler boere. — Motî Alphonse Massaux, (e francès) (fråze rifondowe).
   • Miner les vatches ås floys — Motî Haust (fråze rifondowe).
   • Li tchet, tot passant dlé l' grand floy,
     Shuveut des ouys li fir hosse-cawe,
     Sol tins ki l' råle, inte les cladjots,
     Si porminéve tot rschoyant s' cawe. — Jean Dessard, D'ine cohe so l'aute, 1939, p.18, Matinêye di prétins (1904) (fråze rifondowe).
   • Et l’ Mouze enawaire ossu påjhûle k’ on flo la ki l’ bisteu vént boere l’ alnute tot muzant, li bele Mouze monte et emoenne les gros pontons k’ estént dmanous a resta so les hadrenes. — Henri Simon, Li pan dè bon Diu, "Wice va l’êwe" (1907) (fråze rifondowe).
   • –Awè ! Shuvez-l' tot houte disk' a tant k' a ene croejhlete,
     Vos trovexhe on grand floy.
     –Adon?
     –Li vî bierdjî,
     K' a s' måjhinete di plantches conte li noer crucifi d' fier
     Vis acsegnrè l' dréve d' åbes ki dschind droet sol viyaedje. — Émile Wiket, Frûzions dè coûr (fråze rifondowe).
   • Si l’ tins esteut å bea, et si l’ torea n’ esteut nén a l’ pasteure, i si rtrovént tertos dé l’ floy del cinse Bili — Jacques Desmet, On Sånî a pårt.
   • Dins li stoelî,
     Des bedots cournut dzo l’ solea,
     On ptit vint sofele dissu l’ floy,
     Rayanair passe et rapasse,
     Il est trop hôt,
     On n’ l’ etind nén... — Jacques Desmet, Homo sapiens, 2025, Saquants poyes au pouli (lijhåve e Feller vaici), p.29 (fråze rifondowe).
     
2. (pus stroetmint) potea d’ bigåd ki s’ fwait divant èn ansinî.
   • Dilé on grand ansinî, n a sovint on floy å bigåd — Jean-Jacques Gaziaux (fråze rifondowe).

Parintaedje

• floyon, Floyon

(minme sourdant etimolodjike)

• flouxhe
• flou

Mots vijhéns

• potea
• vivî

Sipårdaedje do mot

Roman Payis, w. do Levant

Ortografeyes

Divant 1900 :

• flot : E89 ^(lére)
• flo : E203 ^(lére)

Après 1900, foû rfondou (Feller, Feller ricandjî, nén Feller) :

• floye : C105
• flo : C65, E1 ^(lére)
• floy : C18 p. 150, 208, C65

Li mot n’ est nén dins : R13

Ratournaedjes

basse d’ aiwe po-z abuvrer les biesses

• Francès : sorte de mare, de point d'eau dans un verger servant d'abreuvoir au bétail (nén ratournåve direk e francès)

basse di bigåd

• Francès : mare ^(fr)

Waitîz eto

• Lijhoz l’ årtike floy so Wikipedia
• So Berdelaedjes, vey li bate di dvizes.