floyon

Loukîz a : «Floyon»

Walon (Rifondou)

Etimolodjeye

Tayon-bodje vî francike * « flado », çou ki dene on mot avou l’ cawete « -on », parint avou l' neyerlandès «vlade», «vla» (vôte), avou l' almand «Fladen» (minme sinse ki "floyon"), et avou l' walon «flate».

Sustantif

1. (amagnî) gougouyreye fwaite avou do laecea, del farene, des oûs et do souke, cût e for so ene assîte ou avou ene coûtche di påsse.
   • Li båshele bén binåjhe
     A tot fait aprester
     Po covri ene bele tåve
     Po cwand serént spozés.
     Djambon et tchår salêye,
     Çoula n' î mankéve nén,
     Des floyons, des dorêyes
     Et des botayes di vén.
   • Il a ene boke, come on for å floyon, Simon
   • (cråmignon)
2. tolminme kéne dorêye.

Ratourneures

1. floyon tchåssî : sôre avou ene coûtche di påsse (E34)
   • Il ont tofer lodjî l' pacyince sins viker d' floyons tchåssîs — Michel Pire (fråze rifondowe).
2. blanc floyon : dorêye å riz et al simouye (E165).
3. floyon ås biyokes, ås frambåjhes : dorêye ås fruts.

Mots vijhéns

• dorêye, gozea, tåte

Sipårdaedje do mot

w. do Levant

Ortografeyes

Divant 1900 :

• floïon : E203 ^(lére)

Après 1900, foû rfondou (Feller, Feller ricandjî, nén Feller) :

• floyon : E1, E34, E170
• flèyon : E34, E165 p. 54

E rfondou walon :

• floyon : R10 ^(lére)

Li mot n’ est nén dins : R13

Ratournaedjes

dorêye Loukîz a : dorêye

• Inglès : custard tart ^(en)
• Francès : tarte ^(fr)

sins påsse Loukîz a : pudingue

• Francès : flan ^(fr)

Waitîz eto

• Lijhoz l’ årtike floyon (discramiaedje) so Wikipedia
• Lijhoz l’ årtike dorêye so Wikipedia
• Lijhoz l’ årtike pudingue so Wikipedia