souke

From Wiccionaire
Jump to navigation Jump to search

Flag of Wallonia.svg Walon (Rifondou)[edit]

Etimolodjeye 1[edit]

Bodje arabe « سُكَّر » (sukkar), lu-minme do piersan.

Prononçaedje[edit]

Sustantif[edit]

singulî pluriyal
souke soukes

souke o.

  1. (amagnî) prodût foirt doûs saetchî foû des betråles u des canassoukes, lomé tchimicmint li sacarôze.
  2. (mot d’ tchimeye) prodût tchimike parint do sacarôze, ki les biesses et les plantes broûlèt po viker.
  3. (pus stroetmint) (mot d’ tchimeye) prodût, di formule tchimike C6H12O6, li mitan del moleure do souke di betråle, ki c’ est l’ dierin boket d’ leu ctaeyaedje dins l’ coir.
  4. (pa stindaedje do sinse) (mot d’ medcén) maladeye ki fwait monter li livea do glucôze, onk di ces prodûts la, dins l’ sonk.
    • Come il aveut do souke, i lyi faleut ene pilule d’ insulene totes les 6 eures.
  5. bouboune.
Ratourneures[edit]
  1. rodje souke, noer souke, cou d’ souke : souke a piretes, k’ on suce.
  2. souke a bokets : souke vindou dins des pakets, a cwårés bokets.
    • Dj’ aveu todi on boket d’ souke el potche po si dj’ åreu yeu ene mwaijhe fwin.
  3. fén souke : souke come del poure, vindou dins des saetchots.
  4. souke di pot : sôre di brun souke e poure, k’ on pout mete so s’ pwin.
  5. souke vanilé : fén souke come del farene, po mete so les wåfes, evnd.
  6. dorêye å souke, tåte å blanc souke, tåte å souke di pot ki glete : sôre di tåte sins fruts.
  7. matante di souke
  8. boutche å souke: onk (ene) ki magne voltî des soucrådes.
  9. la k’ on magne do souke al loce : la k’ il î fwait åjhey viker.
  10. ça s’ vind come do souke : ça s’ vind bén.
  11. cwand i påle, c’ est tot souke : i n’ mostere ki les beas costés d’ ene sacwè. On dit eto promete dipus d’ boure ki d’ froumadje : c’ est on platchteu.
  12. Vloz do souke ? dimande l’ onk ; Neni, dji souke assez, respond l’ ôte: djeu d’ mot avou souker.
  13. souke di bateme, poes d’ souke: sôre di longou souke avou do tchocolåt u ene amande divins, k’ on dene ås batemes.
Parintaedje[edit]
Mots d’ aplacaedje[edit]
Sinonimeye[edit]

(bouboune)

Ortografeyes[edit]
Après 1900, foû rfondou (Feller, Feller ricandjî, nén Feller) :
Ratournaedjes[edit]
prodût d’ coujhene ki dene on doûs gosse
ci prodût la, tchimicmint
  • F. sucre, glucide.
  • F. sucre, glucose.
  • F. diabète.
rodje souke, noer souke, cou d’ souke
  • Flag of France.svg Francès : sucre candi
souke a bokets
  • Flag of France.svg Francès : sucre scié, sucre en morceaux
fén souke
  • Flag of France.svg Francès : sucre en poudre, sucre semoule
souke di pot
ça s’ vind come do souke
  • Flag of France.svg Francès : ça se vend comme des petits pains
souke di bateme, poes d’ souke

Etimolodjeye 2[edit]

Svierba do viebe : « souker ».

Prononçaedje[edit]

Sustantif[edit]

singulî pluriyal
souke soukes

souke o. u f.

  1. côp dné del tiesse.
    • Dji m’ a dné on si fwar souke ki dj’ a-st atrapé on boursea. Motî Pirsoul (fråze rifondowe).
  2. pitit côp setch avou li dbout d’ ene sacwè.
    • Ene pitite souke d’ ene rame di vagons et vla l’ machine, k’ on-z aveut rovyî d’ mete li frin, evoye tot belmint. H. Pétrez (fråze rifondowe).
    • Li ptit påpåd dene des soukes. Motî d’ Nivele (fråze rifondowe).
Parintaedje[edit]

Ortografeyes[edit]

Après 1900, foû rfondou (Feller, Feller ricandjî, nén Feller) :
  1. 1,0 et 1,1 Nén dné come mwaisse intrêye dizo l’ sinsyince di côp, mins come djeu d’ mots avou l’ etim. 1 dvins l’ fråze « ci n’ est rén, c’ est on (ptit, boket d’, côp d’) souke » tot djåzant d’ on påpåd ki s’ a souké l’ tiesse.
Ratournaedjes[edit]
souke

Codjowas[edit]

souke

  1. indicatif prezintrece, prumire et troejhinme djins do singulî, do viebe «  souker ».
  2. suddjonctif prezintrece, prumire et troejhinme djins do singulî, do viebe «  souker ».
  3. kimandeu prezintrece, deujhinme djin do singulî, fôme camaerådrece, do viebe «  souker ».

Omofoneye possibe[edit]