haitî

Walon (Rifondou)

Etimolodjeye

Bodje daenwès « heit » (sohait), avou l’ cawete « -î ».

Addjectif

	singulî	pluriyal
omrin	haitî	haitîs
femrin padrî	haiteye	haiteyes
femrin padvant	haiteye	haiteyès

haitî omrin (come addjectif djondrece, metou padvant u padrî l’ no)

1. foirt, e boune santé.
   • On grand haitî gayård come vos ! n’ estoz vs nén måhonteus ? vos frîz bråmint mî d’ aler ovrer. — Jean-Pierre Dumont (fråze rifondowe).
   • Les tchvås ki s’ schoyèt sont haitîs. — Sintake do walon del Gléjhe (fråze rifondowe).
   • Mi binamé fi, ké bouneur di vos rvey haitî et rozlant. — Lorint Hendschel.
   • Li tchet si rtapa vite, estant djonne et haitî. — M. David (sourdant a recråxhî) (fråze rifondowe).
   • Les libertés florixhèt djourmåy e payis d’ Lidje, come des haiteyès fleurs. — Louis Lagauche (fråze rifondowe).
2. k’ apoite ene boune santé.
   • Les façons d’ fé des bårbîs do vî tins n’ parexhèt pus foirt haiteyes di nos djoûs. — Paul Gilles (fråze rifondowe).
   • Li mådjinåcion del båshele aveut corou, et ses haiteyès pinsêyes avént rôbalé so les pî-sintes des amours foû mezeures. — Jean-Pierre Dumont (fråze rifondowe).
   • Mônî, dj’ inméve bén ; mins ci n’ esteut nén si haitî k’ ça, paret ; c’ est les brontches, don, ki sofrixhèt. — ramexhné pa J. Adam (sourdant a recråxhî) (fråze rifondowe).
3. sifwait.
   • I m’ a la saetchî ene haiteye sipene foû do pî.
4. bea, tot djåzant do tins.
   • Çou k’ i fwait haitî, ouy !

Ratournaedjes

1. pus haitî k’ ene trûte : foirt haitî.

Parintaedje

• haiteymint, haitisté
• måhaitî

(minme sourdant etimolodjike)

• sohaitî

Sinonimeye

• (e boune santé) santiveus

Ortografeyes

Divant 1900 :

• haitî, haitèie : E203
• xhaiti : E212

Après 1900, foû rfondou (Feller, Feller ricandjî, nén Feller) :

• étî : C9
• aîti : C1, C13
• aityi, aityîye : C8
• éti : O0
• êtyi, êtyîye : C8

E rfondou walon :

• haitî, haiteye : R10 ^(lére), R13

Ratournaedjes

e boune santé

• Francès : sain ^(fr), vigoureux ^(fr), robuste ^(fr)

k’ apoite ene boune santé

• Francès : salubre ^(fr), hygiénique ^(fr), sain ^(fr)

sifwait

• Francès : fameux ^(fr)

bea, tot djåzant do tins

• Francès : bon ^(fr)

Adviebe

haitî (nén candjåve)

1. d’ ene manire k’ apoite li santé.
   • Fåreut purade ki les alouweus candjénxhe pår leus abitudes, et bén vleur magnî pus tchir mins meyeu et pus haitî. — Lucyin Mahin.

Ratournaedjes

haitî

• Francès : sainement ^(fr)