hinêye

Walon (Rifondou)

Etimolodjeye

Do viebe « hiner » avou l’ cawete « -êye ».

Prononçaedje

• AFE :
  • diferins prononçaedjes : /hi.ˈnɛːj/ /hi.ˈnɛj/ /hi.ˈne/ /i.ˈnej/ /œ.ˈnej/ (H prumrece)
  • prononçaedje zero-cnoxheu : /hi.ˈnɛːj/
• Ricepeures : hi·nêye

Pårticipe erirece

	singulî	pluriyal
omrin	hiné	hinés
femrin	hinêye	hinêyes

hinêye femrin

1. femrin pårticipe erirece (fok dins ene fråze al vwès passive), do viebe : «hiner».
   • Les pires ont dvou esse hinêyes pa ene djin k' aveut ddja del foice; nén on råpén.
   • David a vnou mwaisse di Goyasse, tot l' acsegnant avou ene pire hinêye di si hina.

Ratournaedjes

pårt. er. femrin d' on viebe ratournant «hiner»

• Francès : lancée ^(fr), projetée ^(fr)

Sustantif

singulî	pluriyal
hinêye	hinêyes

hinêye femrin

1. (fizike) boune odeur ki si spåd.
   • Twè ki rispårda ene boune hinêye,
     Afîsse d’ estchanter l’ bele Mayon. — Joseph Vrindts, ”Vîx Lîge” (1901), p.18, “Avâ l’ Aiwe” (fråze rifondowe).
   • Kibén d' feyes sins l' voleur
     Riloukéns ns li poupêye,
     Cwand l' zuvion, inte nos speurs,
     Aminéve si hinêye. — Jean Dessard, D'ine cohe so l'aute, 1939, p.21, Èles èstît bèles !… (1919) (fråze rifondowe).
   • Wice e-st ele li blanke bohêye,
     Les rôzes et l' tinrûle hinêye
     Di nos pårtchets ? — Louis Lagauche, "Les belès-eures" (1928), p. 60 (fråze rifondowe).
   • Les båsheles fijhént leus påkes el hinêye des feus-d'-li — Albert Lovegnée (fråze rifondowe).
   • Ké plaijhi di travayî tot respirant a plinnès narenes les hinêyes des fleurs do bontins — Georges Pècheur (fråze rifondowe).
   • I nodèt l' air e rxhinant, come s' il årént peu d' e piede ene hinêye.
   • Les hinêyes do bigåd ki sûne del frexhe ansene si stramèt li long des håbes do corti — Joseph Calozet (fråze rifondowe).
2. måle odeur ki si spåd.
   • I nos a vnou ene hinêye di charogne — Motî d’ Cînè (fråze rifondowe).
   • Les souwêyès fleurs, tot petriyant sol feu, tapént pattavå ene hinêye di foumire ki vs prindeut al goidje — Lucyin Mahin.
3. ôte odeur.
   • Les ouys shuvèt l' vweteure ki passe divant les måjhones, s' alontixh sins s' presser et lait padrî leye ene hinêye d' iyodofôme. — Marcel Fabry, "Li hatche di bronze" (1937), p. 50 (fråze rifondowe).
4. (cronolodjeye) moumint (termene di tins).
   • I gn a ene hinêye k' il a moussî foû — Motî Toussaint (fråze rifondowe).
   • I s' a amuzé ene boune hinêye — Motî Toussaint (fråze rifondowe).
5. pitite distance.

Ratourneures

1. a hinêye

Sinonimeye

• (odeur) : nodeur, venêye, houfêye
• (court moumint) : Loukîz a : « houbonde »
• (pitite distance) : Loukîz a : « pixheye »

Pwaire minimom

• xhinêye

Ortografeyes

Divant 1900 :

• hinaie : E89 ^(lére), E203 ^(lére)
• xhiné : E212 ^{(sinse 3) (lére)}

Après 1900, foû rfondou (Feller, Feller ricandjî, nén Feller) :

• inéye : C1, C13
• ènéye : O0
• hinêye : E1
• hiné : E200

E rfondou walon :

• hinêye : R9 ^(lére), R10 ^(lére)

Li mot n’ est nén dins : C8, C65, R13

Ratournaedjes

boune nodeur

• Francès : bouquet ^(fr), senteur ^(fr), exhalaison ^(fr), arôme ^(fr), bouffée ^(fr), effluve ^(fr)

måle nodeur

• Francès : émanation ^(fr), relent ^(fr)

court moumint Loukîz a : hapêye

• Francès : instant ^(fr), moment ^(fr), laps de temps ^(fr)

Addjectif

	singulî	pluriyal
omrin	hiné	hinés
femrin padrî	hinêye	hinêyes
femrin padvant	hinêye	hinêyès

hinêye femrin

1. tapêye.
   • Dji m' va carwaitî les hinêyès pires.