insi

Walon (Rifondou)

Dobès rfondowes

insi

dinsi

Etimolodjeye

Tayon-bodje latén « in sic » (« dins cisse manire la »).

Prononçaedje

• AFE :
  • diferins prononçaedjes : /ɛ̃ː.ˈsɪ/ /eː.ˈsɪ/ /ɛː.ˈsɪ/
  • prononçaedje zero-cnoxheu : /ɛ̃ː.ˈsɪ/  ^{aschoûtez lu}
• Ricepeures : in·si

Adviebe

insi (nén candjåve)

1. di cisse manire la, di cisse façon la.
   • C' est insi k' on dit, avår ci, todi.
   • Ti n' vas tolminme nén aler ecayté insi avå les voyes !
2. (pus stroetmint) avou on djesse po mostrer li grandeur d' ene sacwè.
   • Dji tape on côp, tchouk ! I m’ betche, dji saetche, djel lai cori. Gruzale k’ esteut on pô pus lon acourt … […] c’ esteut on bårbea insi ! — Henri Simon, «Sètche, i bètche !» divins «Quatre comédies liégeoises» da Jean Haust (1936), 1889, p.34 (fråze rifondowe).
   • C' est må do djåzer insi d' vosse neveuse, et si co minme vos l' avîz pris par tcharité, vos dvrîz esse honteuse del dire … — Jean Lejeune, Po marier Lèyontine, 1928, ake I, sinne XIII, p.14 (fråze rifondowe).
3. (dins èn arinnoe) el fén del fråze, ou del fråzlete, e môde di rprotche.
   • Dispiete tu, insi; il est ddja 10 eures.
   • Alez, insi, m' valet! S' on-z åreut yeu stî londjin come vozôtes, asteure, on-z ireut dmander.
   • Baguez foû d' cial, insi ! — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • MATÎ. - Ki metreuss don twè ki vout fé l’ asterloke ?
     HINRI. (riyant todi) Mi dji n’ metreu rén.
     MATÎ. – Taiss tu, insi !
     HINRI. Mins dji rafaçreu « sauvetage » ki vént rén fé la dvins. — Louis Lagauche, Cåse d'on comichonaire, 1904, p.10 (fråze rifondowe).
   • MAYANE. - Ça fwait k' aveut co des ôtes, insi ?
     HOUBERT. - Dj' end aveu doze al tchuze. — Jean Lejeune, Po marier Lèyontine, 1928, ake II, sinne XII, p.28 (fråze rifondowe).
4. (å coron del fråze) moster k' on-z est soyî pal fråze di dvant.
   • Ça fwait k' i m' fårè prinde des catchets e latén, insi mi … a meye bokets, l' ordonance. (El kixheye). — Jean Lejeune, Po marier Lèyontine, 1928, ake I, sinne XVII, p.18 (fråze rifondowe).
5. don.
   • MATÎ. Ti t’ trompes … puvite ti n’ ti trompes nén. Si dj’ so måva…
     HINRI. Dj’ endè va, insi. — Louis Lagauche, Cåse d'on comichonaire, 1904, p.4 (fråze rifondowe).
   • FRANÇWESSE (pal fond, avou on hårkea et deus saeyeas d' aiwe). - Djan est evoye ?
     MELIYE. - Awè, mame, et il overrè ouy dizo l' tchestea avou l' grand Houbert.
     FRANÇWESSE (vudant ses seayeas e modoe) - I fårè apontyî l' dinner po leus deus, insi ? — Jean Lejeune di Djoupeye, Dizos leû bote, 1919, ake I, sinne III, p.3 (fråze rifondowe).
   • BERNALMONT. – Årvey, insi. Dji n’ roveyrè måy l’ akeuy ki vs avoz fwait a l’ ome oblidjî pa si posse do semer so ses voyes les mawes et les grognons. — Joseph Mignolet, Al bèle fontinne, 1924, p.52 (fråze rifondowe).

Ratourneures

1. c’ est insi : totafwait, i va-st insi.
   • COCOSSE. - Dji wadje ki c' est leye ki wangnive li pus.
     NANESSE. - C' est insi, mins fåt k' tot bwès s' tchereye. — Toussaint Brahy, Toussaint Brahy, œuvres wallonnes posthumes, Ine Copenne so Beaufils, 1887, p.42 (fråze rifondowe).
     
2. gn a k' insi : gn a k' di cisse façon la k' on pout adiercî s' côp.
   • Ti n' î arivrès nén come t' es la. Mete ti bwès so tchant: i gn a k' insi.
3. insi insa
4. end esse insi

Parintaedje

(minme sourdant etimolodjike)

• si, et s'

Mots d’ aplacaedje

• linsi
• dinsi

Sinonimeye

• (di cisse manire la): sifwaitmint, pareymint, linsi, dinsi
• (al fén del fråze): taiss, don, dabôrd

Ortografeyes

Divant 1900 :

• ainsi : C9a ^(lére)
• inci : E203 ^(lére)

Après 1900, foû rfondou (Feller, Feller ricandjî, nén Feller) :

• éssi : E165
• êssi : E34
• ainsi : C8, E34
• insi : C9, E170, S117

E rfondou walon :

• insi : R10 ^(lére), R13

Li mot n’ est nén dins : O4

Ratournaedjes

di cisse manire la

• Arabe : كذلك ^(ar) = كَذلِك =‎ kadhâlik
• Arabe marokin : هكاك ^(ary) =‎ hekak
• Almand : so ^(de)
• Inglès : so ^(en)
• Espagnol : así ^(es)
• Francès : ainsi ^(fr)
• Neyerlandès : zo ^(nl)

po mostrer l' grandeur d'ene sacwè

• Francès : grand comme ça

Adjondrece

insi (nén candjåve)

1. mostere ki çou k' on va dire est l' consecwince di çou k' on-z a dit dvant, di çou k' on vént d' aprinde.
   • Insi, vosse mame, c' esteut l' feye do martchand d' meubes.

Sinonimeye

insidon, dj' ô bén, ça fwait ki; Loukîz a : « ça fwait ki »

Ratournaedjes

insi

• Arabe : يعني ^(ar) =‎ î3anî
• Arabe marokin : زاما ^(ary) =‎ zama
• Francès : donc ^(fr)