mårticot

Walon (Rifondou)

Etimolodjeye

Bodje flamind « marteken », « merteken » (« pitit séndje »), raptitixha di « Marte », « Martin », « Merte » (« Mårtén »), çou ki dene on mot avou l’ dobe cawete « -icot ».

Prononçaedje

• AFE :
  • diferins prononçaedjes : /mɔːʀ.ti.ˈkɔ/ /maːʀ.ti.ˈkɔ/ /mɔʀ.ti.ˈkɔ/ /maʀ.ti.ˈkɔ/ /moːʀ.ti.ˈkɔ/ (betchfessî å)
  • prononçaedje zero-cnoxheu : /mɔːʀ.ti.ˈkɔ/
• Ricepeures : mår·ti·cot

Sustantif

singulî	pluriyal
mårticot	mårticots

mårticot omrin

1. (no d’ biesse ås tetes) séndje (tolminme li ké).
   • Mins on n’ aprind nén a on vî mårticot a fé des xhenes, dai, potince ! Dji vs l’ a yeu d’ ene alinne. — Henri Simon, « Li bleû-bîhe » 1886, (eplaidaedje da Jean Haust e 1936), p.15 (fråze rifondowe).
   • Kécfeye dji m’ dimande, camaeråde mårticot, la k’ ti m’ louke e coisse si c’ est twè k’ est l’ biesse — Jacques Lefebvre (fråze rifondowe).
   • Tote parèye ku l' makète d'on pèlé mârticot. — Camille Gaspard.
   • Et po l’ouh, on veut, â d’vins dè l′ tchèrète, on pôve vî mârticot racrapoté divins ‘ne vîle camisole, et qui higne atot tossant— Jean-François Renkin, Baraquîs, 1898.
2. (pus stroetmint) séndje d’ on djouweu d’ toû.
3. sôre di ptit séndje, ki l’ sincieus no, c’ est : Macaca.
4. (pa stindaedje do sinse) arnåjhe efant.
   • C’ est on ptit mårticot. — Motî Gilliard (fråze rifondowe).
   • Et s’ dit télfeye awè-neni,
     Come vos, come mi,
     On dirè ki fwait l’ mårticot,
     Come mi, come vos. — Jules Claskin, « Airs di flûte et autres poèmes wallons », édition critique de Maurice Piron, 1956, « Come mi, come vos», p.131 (fråze rifondowe).
   • Les deus mårticots vont sovint rvey leu polén al cinse — Auguste Laloux (fråze rifondowe).
5. onk k’ i s’ è fåt dmefiyî.
   • Dji n’ inme nén les avizances di ç’ mårticot la — Motî Gilliard (fråze rifondowe).
6. (dins èn arinnoe) rabaxhant mot po l’ djin arinnêye.
   • - Wou esteuss, hê, twè, ptit laid mårticot, li nute passêye ? (dit-st i l’ Ivier å roytea k’ i vleut edjaler)
     - El rilavreye, ou çk’ on fwait l’ bouwêye — Anatole Marchal, Li Dérène Chîje, p. 152-153 (fråze rifondowe).

• 
  Deus mårticots.

Ratourneures

1. aprinde a on mårticot a fé des mawes.
   • Aprind on a on vî mårticot a fé des mawes ? — Joseph Mignolet, « Li tchèsturlinne dèl Bèle Rotche, 1922, p.15 (fråze rifondowe).
2. on direut on mårticot so on gurzalî
3. mårticot d’ saiwoe
4. mårticot d’ apoticåre

Sinonimeye

• mårtiket
• séndje
• wistiti

Mots d’ aplacaedje

• mårticot d’ Djibraltar

Rilomêye do mot

Li mot dins on tite di live, di gazete, di soce, di marke :

• Les deus mårticots: binde d’ imådjes da Auguste Laloux et Sabine de Coune.

Sipårdaedje do mot

w. do Levant, w. do Mitan, Basse Årdene

Ortografeyes

Divant 1900 :

• maurtico : C9a ^(lére), G0
• mârtiko : E203 ^(lére)
• mârtico : G0

Après 1900, foû rfondou (Feller, Feller ricandjî, nén Feller) :

• marticot : G208 p. 49
• maurtico : C9
• môrticot : G208 p. 49, O0
• môrtico : C8
• maurticot : C1, C106
• mârticot : G208 p. 49, O4
• mårticot : E1, G208 p. 49

E rfondou walon :

• mårticot : R9 ^(lére), R10 ^(lére), R13

Ratournaedjes

tolminme ké séndje Loukîz a : séndje

• Almand : Affe ^(de)
• Inglès : ape ^(en)
• Francès : singe ^(fr)
• Neyerlandès : aap ^(nl)

pitit séndje do djinre macake

• Arabe marokin : قرد د لمغريب ^(ary) = قرْدْ د لْمغْريب =‎ qerd del-meghrib, نسناس ^(ary) = نسْناس =‎ nesnas
• Francès : macaque ^(fr)
• Kimon amazir marokin : ⴰⴱⴰⵖⵓⵙ ^(zgh) =‎ abarhos, ⴰⵥⵄⴹⵓⴹ ^(zgh) =‎ aẓe3ḍoḍ, ⵉⴱⴽⵉ ^(zgh) =‎ ibki, ⵉⴷⴷⵡ ^(zgh) =‎ iddew

arnåjhe efant Loukîz a : arnåjhe

• Inglès : monkey ^(en)
• Neyerlandès : apenjong ^(nl)

ome k’ on s’ è dmefeye

• Francès : macaque ^(fr)

Waitîz eto

Lijhoz l’ årtike mårticot so Wikipedia

Sourdants

Etimolodjeye:

• Charles Grandgagnage, Dictionnaire étymologique de la langue wallonne.
• Jean-Louis d’Arsy, Le grand dictionnaire françois-flamand, 1694 (lére).