napea

Walon (Rifondou)

Etimolodjeye

Tayon-bodje latén « knaap » ‎(« gamén »), racuzinåve avou l' almand « Knabe » : efant, gamén), avou l’ cawete « -ea », mot cité dins l’ FEW 16, 336a. 

Prononçaedje

• AFE :
  • diferins prononçaedjes : /napɛː/ /napɛ̃/
  • prononçaedje zero-cnoxheu : /napja/ (waire u nén prononcî insi å 20inme sieke)

Sustantif

singulî	pluriyal
napea	napeas

napea omrin

1. gamén k' avize ene miete afronté.
   • Neni, crolé napea; Eto t' novea lingaedje, Ti n' etinds nén, dji wadje, çou k' c' est ki d' fé pixh paxh. — Simon de Harlez (fråze rifondowe).
   • Waite li ptit blanc napea.
   • Louke li ptit kixhiyî napea.
   • On ptit blanc napea, k' on åreut dit "De Witte" da Ernest Claes.
2. ome nén grand so ses pîs.
   • Si grand k' i voye esse, Toumant djus d' ses schaesses, I serè todi Assez ptit Po trover plaece Come on napea Inte les plantches d' on waxhea. — Nicolas Defrecheux (fråze rifondowe).
3. onk ki n' fwait rén d' bon.
   • TÅTÎ. Alez froter vosse mere ås rins avou ene brike !
     BIETMÉ. - Alez è, laid tchawî !
     TÅTÎ. Alez è, ptit napea ! — Édouard Remouchamps, Tåtî l’ Pèriquî, 1884, Ake I, Sinne VII, v. 130-131 (fråze rifondowe).
4. drole d' ome, fameus ome.
   1. ome podbon.
   2. biesse rimetowe a èn ome :
   • Li tchet s' derit e lu-minme, do tchén : "Vla on fameus napea. I pout djåzer, lu k' doet fé l' bea po-z aveur on boket d' oxhea. — Juliette Franquet (fråze rifondowe).
   • On bon fotbalisse, djans, mins nén dpus k' èn ôte; çou k' i gn a, c' est ki, aprume, ci napea, il est bea come ene andje. — Lucyin Mahin.
5. galant d' ene comere.
   • Vén dé mi, båshele; vinoz dé mi avou vosse napea, nosse damjhele, ki dji vs deye voste aweure; u vosse målaweure. — Lucyin Mahin, Vera (fråze rifondowe).
6. (mot d’ cwårdjeu) onk ki piede gros :
   1. (å djeu d' couyon): èn fé nou pli, dabôrd k' on-z a l' mwin. On dit eto : aveur ene dobe coye
   2. (å djeu d' piket) esse oblidjî do mete on hasse so on set.
      • Li ci k' est dobe al mwin (k' a deus hasses) est napea: i doet payî on tchiket. — Motî Haust (fråze rifondowe).
   3. (pa stindaedje) gote k' i gn a dins on ptit vere. loukîz a : noper.

Sinonimeye

• (refoircî gamén) : galopea, ketlot, roufion
• (onk ki n' fwait rén d' bon) : rénnvåt
• (drole d' ome) : gayård, kete
• (gote d' on ptit vere) : pitite gote, verkin, tchiket

Sipårdaedje do mot

w. do Levant

Ortografeyes

Divant 1900 :

• napai : E212 ^(lére)

Après 1900, foû rfondou (Feller, Feller ricandjî, nén Feller) :

• napê : E1, E212b, E213

E rfondou walon :

• napia : R2
• napea : R10 ^(lére), R11 ^(lére)

Li mot n’ est nén dins : C8, E34, R13

Ratournaedjes

afronté gamén

• Arabe marokin : (afronté gamén) berhoch =‎ برهوش
• Almand : Knabe ^(de)
• Francès : polisson ^(fr), garnement ^(fr), chenapan ^(fr), loustic ^(fr)
• Neyerlandès : knaapje ^(nl)

pitit ome

• Francès : nain ^(fr), gringalet ^(fr)

onk ki n' fwait rén d' bon

• Francès : vaurien ^(fr), gredin ^(fr)

drole d' ome, fameus ome

• Francès : type ^(fr), mec ^(fr), petit gars ^(fr), gaillard ^(fr), luron ^(fr), lascard ^(fr), bonhomme ^(fr)

galant d' ene comere

• Francès : copain ^(fr), mec ^(fr)