poes

Walon (Rifondou)

Etimolodjeye

Tayon-bodje latén « pisum » (minme sinse).

Prononçaedje

• AFE :
  • diferins prononçaedjes : /pwɛ/ /pøː/ (betchfessî oe).
  • prononçaedje zero-cnoxheu : /pwɛ/
• Ricepeures : nén rcepåve

Sustantif

singulî	pluriyal
poes

poes omrin

1. ahivêye plante, del famile des påwionacêyes, ki dene des ptits ronds verts fruts, ki l’ sincieus no, c’ est : Pisum sativum.
   • On seméve des poes e cortiaedje.
2. cisse grinne la.
   • Vos froz des raecenes et des ptits poes po mareder.
   • Il a prometou d' aler a pelrinaedje a Sint-Houbert, avou des ptits poes dins ses solés.
3. pitite ronde walon grinne di totès sôres di plantes.
   • Des poes d' havurna, des poes d' peket, des poes d' årdispene.
   • Les poes d' mes trokes sont surisses ou tinrûles,
     End a k' fjhèt fé des mawes s' on hagne divins,
     Dismetant k' d' ôtes pus maweurs et fråjhûles
     Rimplixhèt l' åme di djoye et d' sintimints. — Louis Lagauche, Tchansons tchusèyes, (1908-1912), «L'éritèdje» p.73 (fråze rifondowe).
4. (mot d’ rilidjon) bole d' on tchaplet.
   • I r’prinda si-oûve, et les vers vinît onk après l’aute come les peûs d’on tchap’lèt qu’on d’file— Joseph Mignolet, "Les håyes sont rfloreyes", "L' aloumire", 1921, p. 51.

Ratourneures

1. diner on poes po rawè ene feve, diner on poes po rawè ene feve
2. taper des poes dvant les colons
3. souwer des poes, souwer des gotes come des ptits poes
4. shofler des poes
5. ça lyi vént come des poes foû d' on saetch : i (elle) a foirt åjhey (po djåzer dvant les djins, po ritni åk a studyî). F. facilité déconcertante.
6. viker so blancs poes : viker ritchmint parey ki les grandès djins
   • N' av' nin d' l' ovrèdje po l' gros Farouk?
     Vos-ôtes ki vikèt* so blancs pêus
     K' ont l'ôto, k' fèt tinkler lès bloukes
     Prindrîz-v' pitié d'on målèreûs?... — Camille Gaspard.

Mots d’ aplacaedje

• atelant poes
• cavå d’ poes
• pitit poes
• poes d’ aiwe (Vicia cracca)
• poes d’ berbis (Lathyrus sativus)
• poes d’ borboû / poes d’ cok / poes d’ fagne (Oxycoccus palustris)
• poes d’ hamustea / poes d’ verdjale (Viscum album)
• poes d’ håvurna / poes d’ côrete / poes d’ gréve
• poes d’ Hinri
• poes d’ hou / poes d’ houzî / poes d’ grete-cou
• poes d’ intche
• poes d’ leu (Lupinus polyphyllus)
• poes d’ macrale (Solanum nigrum)
• poes d’ mossea
• poes d’ oujhea / såvaedje poes / poes d' tchamp (Pisum sativum arvense)
• poes d’ påkete
• poes d’ peket / poes d’ peton
• poes d’ prétins (Lathyrus tuberosus)
• poes d’ rate (Datura stramonium)
• poes d’ Rome
• poes d’ sawou / poes d’ seucea
• poes d’ Sint-Djuråd (Paeonia spp.)
• poes d’ sinteur / poes grek (Lathyrus latifolius)
• poes d’ souke
• poes d’ sucete (Lonicera caprifolium)
• poes d’ tchet (Deschampsia flexuosa)
• poes d’ tchivroû
• poes d’ Tossint (Symphoricarpos albus)
• poes d’ troke
• poes d’ Trouk
• poes d’ wandion
• poes del Madone
• poes di rnåd (Paris quadrifolia)
• poes Matî
• rodje poes (Vaccinium vitis-idaea)
• sawou ås rodjes poes (Sambucus racemosa)
• yebe ås poes (Solanum dulcamara)

Sinonimeye

• (pitite ronde tchårnêye grinne) : petche, peket

Ortografeyes

Après 1900, foû rfondou (Feller, Feller ricandjî, nén Feller) :

• peûs : E1, E170
• pwè : C8, O4
• pwès : C13, S117
• = pwę (pwès) : S38

E rfondou walon :

• poes : R10 ^(lére), R13

Ratournaedjes

magnåve grinne di Pisum sativum

• Arabe marokin : جلبانة ^(ary) = جلْبانة =‎ jelbana
• Almand : Erbse ^(de)
• Inglès : pea ^(en)
• Espagnol : chícharo ^(es) (Espagne), arveja ^(es) (Couba, Mecsike, coinreçmint e l' Espagne)
• Francès : pois ^(fr)
• Neyerlandès : erwt ^(nl)

Pisum sativum (li plante etire)

• Arabe marokin : جلبانة ^(ary) = جلْبانة =‎ jelbana
• Almand : Erbse ^(de)
• Inglès : pea ^(en)
• Espagnol : guisante ^(es)
• Francès : pois ^(fr)
• Neyerlandès : erwt ^(nl)

pitite ronde tchårnêye grinne di sacwants åbes et bouxhons

• Francès : baie ^(fr)

viker so blancs poes

• Francès : vivre comme un coq en pâte ^(fr), être né avec une cueillère en argent ^(fr)

bole di tchaplet

• Francès : grain ^(fr), boule ^(fr) de chapelet

Waitîz eto

Lijhoz l’ årtike poes so Wikipedia