revoler

Walon (Rifondou)

Etimolodjeye

Do viebe « evoler », avou l’ betchete « ri- » des viebes.

Prononçaedje

AFE :
- diferins prononçaedjes : /ʀɛ.vɔ.ˈle/
- prononçaedje zero-cnoxheu : /ʀɛ.vɔ.ˈle/
Ricepeures : re·vo·ler

Viebe

Djin et tins	Codjowa
Cåzant Ind. pr. (dji, dj’)	revole
Atôtchî(s) Ind. pr. (vos, vs)	revolez
Cåzants Ind. pr. (nos, ns)	revolans
Rwaitants Ind. pr., nam. (i/il, ele/elle)	revolnut
Cåzant Ind. fut. (dji, dj’)	revolrè
Cåzant D.I.E. (dji, dj’)	revoléve
Cåzant Suddj. pr. (ki dji, dj’)	revole
pårt. erirece (dj’ a, vos av)	revolé
Ôtes codjowaedjes	come bouter

revoler

(viebe å coplemint) fé co monter e l'air.
(v. sins coplemint) cwiter s' ni po voler on prumî côp.
- Les oujheas sont revolés — Motî Forir (fråze rifondowe).
- Les oujheas revolèt dedja. — Motî Haust (fråze rifondowe).
- A-t-on jamais r'côper les éles
  A l' oûhê ki vout rèvoler ?
  Ni sèyîz don nén trop cruéls
  Å c'minçant ki vout s' èscoler !
  Mu rîmê n' est k' on tarlatèdje,
  Mins djèl tèl tère dè fond du m' cour. — Martin Lejeune, Œuvres lyriques du poète wallon Martin Lejeune, 1895.
(viebe å prono) endaler tot djåzant d' èn oujhea.
- I s’ dit : « Vike t i ? Va t I fé plouk?
  Ou bén revoler sol moumint ? — Martin Lejeune, Œuvres lyriques du poète wallon Martin Lejeune, "L’iviêr èt l’amour" (fråze rifondowe).
- Ossu, ene feye k' il ont ls ouys å lådje,
  I revolèt come des moxhons. — Joseph Vrindts, Pâhûles rîmês, (1897), "Les lign’rais dè Bon Diu", p.45 (fråze rifondowe).
- Bén vite parés del cawe al tiesse,
  Vos-les-la presses a revoler ;
  On rén … et zoup ! Tote li djonnesse
  Cabriyole evoye po s' såver. — Jean Dessard, D'ine cohe so l'aute, 1939, p.30 Amon lès oûhês (1934) (fråze rifondowe).
- Les pires, on les chtroumfêye tos les djoûs al nute a ene blanke coirnaye ki revole avou. — Paul-Henri Thomsin, ratournant Lès schtroumpfs èt lès bèrikes èmacralêyes, 2021, p. 28 (fråze rifondowe).
(v. sins coplemint) cwiter l' måjhone des parints tot djåzant des efants ki crexhèt
- Cwand ns estans sol soû del viyesse
  Cwand nos ptits sont revolés,
  A Diè, come å tins d' nosse djônesse
  Nos dmandans po n' måy nos cwiter. — Camille Gaspard (fråze rifondowe).
(v. sins coplemint) disparexhe.
- Cwand on dvént vî, tos les plaijhis revolèt. — Motî Forir (fråze rifondowe). — Motî Haust (fråze rifondowe).
- Ja tot pièrdou, di-st-i, mès jôye sont rèvolêye,
  Rindez-m’ lès, vo-r’là vosse boulêye. — Antoine Kirsch, Li sa'vtî èt l' banquî, 1889.
- Mes pinsêyes fafouyént li passé … viè Djudla,
  Mes sovnirs revolént. — Joseph Vrindts, Vîx Lîge, (1901), p.65, “Dihâv’lêye” (fråze rifondowe).
- Vola çou k' dji sondjive po cwand dj' sereu låvå !
  Mins m' sondje n' esteut k' on sondje ! On djoû tot revoléve,
  Tot, tot, tot revoléve so les blames d' on fouwåd. — Louis Lagauche, L'aimant, (1947), Li ponne dè gård di bwès, p. 148 (fråze rifondowe).
(viebe å prono) (radoûcixhanmint) mori.
- Li feme ki m’ a dné l’ veye,
  On djoû s’ a revolé. — Louis Lagauche, Amon nos autes, tchansons tchusèyes, (1908-1912), «Si vos volez m’inmer» p.64 (fråze rifondowe).

Ratourneures

fé revoler : fé k' ene sacwè ni s' fwaiye nén.
- Nos n' oizrans pus, djheut i, passer dzeu nos vijhéns
  Sins k' on n' nos tire al vole come espiyon prûssyin.
  Ebén, dj' vou ki l' tchet m' pite oubén k' on m' xheye e cwate,
  Si dimegne å matén dji n' fwai revoler l' Bate. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.37 (fråze rifondowe).