revoler

Walon (Rifondou)

Etimolodjeye

Do viebe « evoler », avou l’ betchete « ri- » des viebes.

Viebe

Djin et tins	Codjowa
Cåzant Ind. pr. (dji, dj’)	revole
Atôtchî(s) Ind. pr. (vos, vs)	revolez
Cåzants Ind. pr. (nos, ns)	revolans
Rwaitants Ind. pr., nam. (i/il, ele/elle)	revolnut
Cåzant Ind. fut. (dji, dj’)	revolrè
Cåzant D.I.E. (dji, dj’)	revoléve
Cåzant Suddj. pr. (ki dji, dj’)	revole
pårt. erirece (dj’ a, vos av)	revolé
Ôtes codjowaedjes	come bouter

revoler

1. (viebe å coplemint) fé co monter e l'air.
2. (v. sins coplemint) monter (eco) e l' air.
   • A-t-on jamais r'côper les éles
     A l' oûhê ki vout rèvoler ?
     Ni sèyîz don nén trop cruéls
     Å c'minçant ki vout s' èscoler !
     Mu rîmê n' est k' on tarlatèdje,
     Mins djèl tèl tère dè fond du m' cour
     — Martin Lejeune, 1895.
3. (viebe å prono) endaler tot djåzant d' èn oujhea.
   • Les oujheas sont revolés — Motî Forir (fråze rifondowe).
   • I s’ dit : « Vike t i ? Va t I fé plouk?
     Ou bén revoler sol moumint ?— Martin Lejeune, "L’iviêr èt l’amour" (fråze rifondowe).
   • Les pires, on les chtroumfêye tos les djoûs al nute a ene blanke coirnaye ki revole avou — Paul-Henri Thomsin, ratournant Lès schtroumpfs èt lès bèrikes èmacralêyes, 2021, p. 28 (fråze rifondowe).
4. (v. sins coplemint) cwiter l' måjhone des parints tot djåzant des efants ki crexhèt
   • Cwand ns estans sol soû del viyesse
     Cwand nos ptits sont revolés,
     A Diè, come å tins d' nosse djônesse
     Nos dmandans po n' måy nos cwiter.
     — Camille Gaspard (fråze rifondowe).
5. (viebe å prono) esse evoye.
   • Cwand on dvént vî, tos les plaijhis revolèt — Motî Haust (fråze rifondowe).
   • Ja tot pièrdou, di-st-i, mès jôye sont rèvolêye,
     Rindez-m’ lès, vo-r’là vosse boulêye
     — Antoine Kirsch, Li sa'vtî èt l' banquî, 1889.

Parintaedje

• revolé
• revolete

Sinonimeye

esse evoye

• Loukîz a : « cori evoye »

Notule d’ uzaedje

Li walon fwait schåynete inte si mete a voler (s’ evoler), voler lon erî do cåzeu (revoler) et voler eviè l' cir (s’ enûler}} ou (s’ enairer)

Ortografeyes

Divant 1900 :

• rèvolé : E203 ^(lére)

Après 1900, foû rfondou (Feller, Feller ricandjî, nén Feller) :

• rèvoler : E1

Ratournaedjes

revoyî dins les airs

• Francès : refaire monter dans les airs (nén ratournåve direk e francès)

ndaler tot djåzant d' èn oujhea

• Francès : s'envoler ^(fr) au loin (nén ratournåve direk e francès)

cwiter ses parints

• Francès : prendre son envol ^(fr), quitter le cocon familial, voler de ses propres ailes

esse evoye

• Francès : se sauver ^(fr), partir ^(fr)