rihaper

Walon (Rifondou)

Plinne cogne	Spotcheye cogne
rihaper	rhaper

Etimolodjeye

bodje « haper » avou l’ betchete « ri- » des viebes

Prononçaedje

AFE :
- diferins prononçaedjes : /ʀi.ha.pe/ /ʀha.pe/
- prononçaedje zero-cnoxheu : /ʀi.ha.pe/
Ricepeures : ri·ha·per

Viebe

Djin et tins	Codjowa
Cåzant Ind. pr. (dji, dj’)	r(i)hape
Atôtchî(s) Ind. pr. (vos, vs)	r(i)hapez
Cåzants Ind. pr. (nos, ns)	r(i)hapans
Rwaitants Ind. pr., nam. (i/il, ele/elle)	r(i)hapnut
Cåzant Ind. fut. (dji, dj’)	r(i)haprè
Cåzant D.I.E. (dji, dj’)	r(i)hapéve
Cåzant Suddj. pr. (ki dji, dj’)	r(i)hape
pårt. erirece (dj’ a, vos av)	r(i)hapé
Ôtes codjowaedjes	come bouter

(viebe å coplemint) haper co ene feye.
- Asteure k’ ele voet l’ må va crexhant,
  Ele fwait l’ cisse ki vout rhaper ene pîce,
  Po s’ leyî goter dvins l’ corant… — Joseph Vrindts, « Pâhûles rîmês » (1897), «Li bouw’resse», p.99 (fråze rifondowe).
- Cwand dji rlouke tos ces asterlokes
  Ki n' bevèt pus ki d' l' aiwe di Spå,
  Dji rhape bén vite li djus d' nos trokes. — Louis Lagauche, "L' inmant", (1947), Li briyolet, Tchanson d’on vî Hutwès, p. 144 (fråze rifondowe).
rissaetchî.
- Lès bwèh’lîs s’ètièstèt : li cwède èst co r’tinkèye
  èt, la qui l’ tchinne riplôye, on côp d’ hèpe bin mètou
  lî vint racrèhe si plåye tot lî r’hapant dèl fwèce. — Henri Simon.
- Å moens k' on-z î tuzéve
  Li moirt l' a vnou rhaper,
  Djoû po djoû, eure po eure
  Ki nos nos dvéns maryî. — Jean Dessard, D'ine cohe so l'aute, 1939, p.62, Djônèsse è doû (1933) (fråze rifondowe).
(viebe å prono) fé ene ahote, fé ene sacwè po s' rapåjhter.
- Pwis, après k' on-z a dansé,
  On va e djårdén s' porminer
  On s' rihape, on prind l' air.
  — François Barillié, divins Li camarad′ dè l'joie, 1852 (fråze rifondowe).
- I fåt qu’on l’åye al tére ! C’è-st-å toûr dès cougnêyes :
  èles l’ataquèt po l’ pîd. Li bwès, deûr come dè fiér,
  tint bon conte lès-ac’seûres dès hagnantès-ustèyes.
  Li brès′ dès-omes falih ; mins, so l’ timps qu’onk si r’hape,
  in-aute riprind l’ovrèdje. — Henri Simon.
- On n' tape djus k' ås eurêyes
  Po ene miete si rhaper,
  Schoûtez ! — Jean Dessard, D'ine cohe so l'aute, 1939, p.34 L'awous′ (1906) (fråze rifondowe).
- Les djins k’ on-z a metou foû djîsse
  Î rvénront po passer leus shijhes
  Manire d’ on ptit pô si rhaper. — Jules Claskin, « Airs di flûte et autres poèmes wallons », édition critique de Maurice Piron, 1956, « On fait çou qu’on pout po viker», 1922, p.124 (fråze rifondowe).
- C' est po vs leyî rhaper ki l' violoneu si rhape— Joseph Vrindts, "Racontules et råtchåds" (1920), p.164; "Wayins d' djônèsse" (fråze rifondowe).
- Li payizan ki s' rihapéve divant s' måjhire,
  El schoûtéve sins bodjî, tot groumtant des priyires— Joseph Mignolet, "Fleûrs di prétins", p.91 (1929), "Li sondje dè mèstré" (1925) (fråze rifondowe).