rinovler

Walon (Rifondou)

Alofômes di r(i)-

avou ene sipotchåve voyale	avou ene divanceye voyale	sipotcheye cogne
rinovler	ernovler	rnovler

Etimolodjeye

Bodje « novea » (avou rissourdaedje etimolodjike ea => -l-) avou l’ betchete « ri- » des viebes ey avou l’ cawete di codjowaedje « -er » des viebes; çou ki dene on mot avou l’ dobe cawete « -ler » des viebes.

Prononçaedje

• AFE :
  • diferins prononçaedjes : /ʀi.nɔ.ˈvle/ /ʀy.nɔ.ˈvle/ /ʀɛ.nɔ.ˈvle/ /ʀə.nɔ.ˈvle/ /ʀi.nɔ.ˈvlɛ/ /ʀi.nu.ˈvlɛ/ /ʀy.nu.ˈvle/ (oyon O.OU)
  • prononçaedje zero-cnoxheu : /ʀi.nɔ.ˈvle/
• Ricepeures : ri·no·vler

Viebe

Djin et tins	Codjowa
Cåzant Ind. pr. (dji, dj’)	r(i)novele
Atôtchî(s) Ind. pr. (vos, vs)	r(i)novlez
Cåzants Ind. pr. (nos, ns)	r(i)novlans
Rwaitants Ind. pr., nam. (i/il, ele/elle)	r(i)novelnut
Cåzant Ind. fut. (dji, dj’)	r(i)novelrè
Cåzant D.I.E. (dji, dj’)	r(i)novléve
Cåzant Suddj. pr. (ki dji, dj’)	r(i)novele
pårt. erirece (dj’ a, vos av)	r(i)novlé
Ôtes codjowaedjes	come shofler

rinovler (å prono : s’ ernovler)

1. (v. å coplemint) mete ene sacwè d' novea el plaece d' on vî.
   • Rinovlez l' air vaici; on stofe.
   • On rnovele li consey d' administråcion cist anêye ci.
2. (v. å coplemint) dire co on côp.
   • I mel rinovléve co ir — Motî d’ Vervî (fråze rifondowe).
   • Pont d' avance di rnovler vos vîs messaedjes; djel sai bén.
   • I s’ acoista d’ leu crås et d’ leu maigue, po lzî co rnovler totes sôres di complimints so Tchiripete — R. Boxus, Gôliat’, p. 31 (fråze rifondowe).
3. (v. å coplemint) raconter (des viyès sacwès).
   • I passe si tins a rnovler l' tins passé — Motî d’ Vervî (fråze rifondowe et rarindjeye).
   • I m' rinovele la ene sacwè d' bén vî — Motî d’ Vervî (fråze rifondowe).
4. rashonner ene biyografeye.
   • Ci n' est nén åjhey do rinovler l' veye d' èn ome k' a bouté 40 ans pol teyåte e walon — Båze di dnêyes di l’ Årdene nonnrece (fråze rifondowe).
5. (v. å coplemint) raconter totavå.
   • C' est ene barbotresse: ele rinovele tot çou k' on lyi dit — Motî d’ Vervî (fråze rifondowe).

Parintaedje

• rinovelmint, rinovlaedje, rinovlant
• rinovelrece
• Loukîz a : « novea »

Ortografeyes

Après 1900, foû rfondou (Feller, Feller ricandjî, nén Feller) :

• runoveler / r'noveler : E34
• rinoveler / r'noveler : E170
• rènovler / r'novler : E165 p. 100
• runouvler / rnouvler : S117
• èrnouv'ler / rnouv'ler : O4
• ranovler : S0
• ranûvler : S117
• rinouvlè / r'nouvlè : C8

E rfondou walon :

• rinovler u ernovler / rnovler : R10 ^(lére)

Li mot n’ est nén dins : R13

Ratournaedjes

± replaecî do vî

• Francès : renouveler ^(fr)

± ridire co on côp

• Francès : rappeler ^(fr), répéter ^(fr)

± ridire des viyès sacwès

• Francès : évoquer ^(fr), remémorer ^(fr), faire la biographie ^(fr)

± ridire tocosté

• Francès : répéter ^(fr), divulguer ^(fr), rapporter ^(fr)