tchampinne

tchampinne k' a-st apicî on vier

Walon (Rifondou)

Etimolodjeye

Bodje «tchamp», avou l' cawete "-inne"; mot cité dins l’ FEW 13/2 360b.

Prononçaedje

• AFE :
  • diferins prononçaedjes : /t͡ʃãpɛ̃n/ /t͡ʃɔːpɛ̃n/ /t͡ʃãpwɛ̃n/ /t͡ʃɔ̃pɛ̃n/ /t͡ʃaːpɛ̃n/ /t͡ʃoːpɛ̃n/ /t͡ʃoːpwɛ̃n/ /t͡ʃaːpɛːn/ /t͡ʃaːpen/ miersipepieuzmint el notule ALW 8.71.
  • prononçaedje zero-cnoxheu : /t͡ʃãpɛ̃n/

Sustantif

singulî	pluriyal
tchampinne	tchampinnes

tchampinne f.

1. (oujhea) sôre d' oujhea d' passe, ki s' rabate voltî dins les tchamps, e sincieus latén : Turdus philomelos.
   • Di hintche a droete: ene mere di tchampinne ki louke a s' niyêye… Modele:Abt
2. ôte sôre di sfwait magnåve oujhea d' passe, do djinre Turdus.
   • I prometént, les måssîs tchéns, Ki totafwait sereut po rén, K' on rnådréve sol tchampinne et l' rosse, K' on n' magnreut pus k' do souke al loce — M. de Saint-Antoine (fråze rifondowe).
   • D’ å lon, on etind les tchampinnes-al-petchale les sgrignî (= magnî les petchales des blankès spenes) — J. Desmet, On Sånî a pårt .
3. (pa stindaedje do sinse) comere…
   1. …pitite et greye.
      • C' est ene pitite tchampinne — Motlî del Gléjhe (fråze rifondowe).
   2. …ki berdele tofer.
      • C' est ene viye tchampinne — Motî d’ Bastogne (fråze rifondowe).

Mots d’ aplacaedje

1. tchampinne francesse sôre lomêye Turdus iliacus.

   tchampinne al petchale : tchampinne ki magne voltî les petchales.

   tchampinne d' ahenire : tchampinne ki vént voltî dins les ahenires.

Sinonimeye

• gréve

Dizotrins mots

• tchactêyresse, tchacresse, tchactchak
• sprouclêye, petlêye
• francesse, rosse, rossete
• håmustea, hensale

Sipårdaedje do mot

w. do Levant, w. do Mitan

Ortografeyes

Divant 1900 :

• chapéne : E212

Après 1900, foû rfondou (Feller, Feller ricandjî, nén Feller) :

• tchåpin.ne : E213, G208 p. 156
• tchampêne : E34 (Turdus philomelos)
• tchampinne : E1, E200
• tchôpwin.ne : G208 p. 158
• tchâpin.ne : E2, S0 (comere), G208 p. 156
• tchåpinne : E1
• tchompwin.ne : C1, G208
• tchampwin.ne : C1, G208
• tchampin.ne : G208 p. 156
• tchaupin.ne : JDes
• chaupin.ne : C13
• tchampéne : E21
• tchâpéne : E212b
• tchôpin.ne : G208 p. 158

E rfondou walon :

• tchampinne : R10 ^(lére), R13

Li mot n’ est nén dins : C8, C9

Ratournaedjes

tchampinne

• Almand : Drossel ^(de)
• Inglès : thrush ^(en)
• Espagnol : zorzal ^(es) tordo ^(es)
• Francès : grive ^(fr) ("champêtre")
• Neyerlandès : lijster ^(nl)

Pî-notes

Waitîz eto

Lijhoz l’ årtike tchampinne so Wikipedia