texhe

Walon (Rifondou)

Etimolodjeye

Do latén « texere »; çou ki dene on mot avou l’ cawete di codjowaedje « -xhe » des viebes.

Prononçaedje

• AFE :
  • diferins prononçaedjes :
    • /tɛç/ /tɛh/ /tɛ.ˈʃy/
    • /tɛʃ/  ^{aschoûtez lu}
  • prononçaedje zero-cnoxheu : /tɛç/
• Ricepeures : nén rcepåve

• Araegne ki texhe si toele
• 
  Ome ki texhe
• 
  Cmere ki texhe

Viebe

Djin et tins	Codjowa
Cåzant Ind. pr. (dji, dj’)	texhe
Atôtchî(s) Ind. pr. (vos, vs)	texhoz
Cåzants Ind. pr. (nos, ns)	texhans
Rwaitants Ind. pr., nam. (i/il, ele/elle)	texhnut
Cåzant Ind. fut. (dji, dj’)	texhrè
Cåzant D.I.E. (dji, dj’)	texheu
Cåzant Suddj. pr. (ki dji, dj’)	texhe
pårt. erirece (dj’ a, vos av)	texhou
Ôtes codjowaedjes	come mete

texhe (viebe å coplemint)

1. fé del toele u d’ ôtes stofes tot croejhlant u etrelaeçant les fis ki les compôznut.
   • Po texhe li taeyeu a des aweyes pikêyes plin s’ djilet. — Arthur Masson (fråze rifondowe).
   • C’ esteut come on bea mousmint k’ on-z åreut texhou a ptits côps avou tot s’ cour et ki s’ åreut dislené sol tins d’ deus båyes. — Émile Gilliard (fråze rifondowe).
2. (imådjreçmint) fé londjinnmint ene sacwè tot l' sognant bén.
   • Por vos, Prince, nosse payis walon
     Est awoureus la k’ Diè vis texhe
     Des djournêyes la ki vs veroz crexhe
     Li bouneur et l’ djoye tot do long. — Joseph Vrindts, Vîx Lîge, (1901), p.51, “Hureux Jous” (fråze rifondowe).
3. (imådjreçmint) balziner, tchicter dins ses propôs
4. (viebe å prono) emantchî ene sacwè po lu-minme.
   • On s' texhe ene veye di clairs riyaedjes,
     Di tchantreyes, et, sins carculer,
     Tot fjhant k' on n' a rén po s' meubler,
     On frè mî k' tos ls ôtes e manaedje … — Jean Dessard, D'ine cohe so l'aute, 1939, p.65, Vûzion d’ boneûr (1902) (fråze rifondowe).

Ratourneures

1. esse texhou del minme pîce: vudî foû del minme plaece, del minme sicole
   • Dji n' lezî vou nén d' må
     Ca vormint dji n' di ki l' vraiy
     I sont texhous del minme pîce. — François Barillié, Li camarad′ dè l'joie, 1852, Les pompiers, p.69 (fråze rifondowe).

Parintaedje

• texheu, texheuse, texhresse
• texhaedje
• texhou
• texhreye
• ritexhe

Mots vijhéns

• treyî (texhe ås strins)

Ortografeyes

Après 1900, foû rfondou (Feller, Feller ricandjî, nén Feller) :

• tèchi : C8
• tèchî : O4
• tèhe : E1

E rfondou walon :

• texhe : R10 ^(lére), R13

Ratournaedjes

fé del toele u d’ ôtes stofes

• Francès : tisser ^(fr), tricoter ^(fr)

balziner, tchicter

• Francès : hésiter ^(fr), baragouiner ^(fr)

Codjowas

texhe

1. indicatif prezintrece, prumire et troejhinme djins do singulî, do viebe « texhe ».
2. suddjonctif prezintrece, prumire et troejhinme djins do singulî, do viebe « texhe ».
3. kimandeu prezintrece, deujhinme djin do singulî, fôme camaerådrece, do viebe « texhe ».