waire

Walon (Rifondou)

Cisse pådje ci do Wiccionaire n’ est co k’ ene esbåtche.
Si vos avoz des cnoxhances so ç’ mot ci, vos nos ploz aidî tot rtchôcant des dnêyes so l’ årtike (clitchîz sol boton «candjî l’ pådje» po radjouter des infôrmåcions.)

Etimolodjeye 1

Tayon-bodje vî francike « waigaro » (bråmint).

Prononçaedje

• AFE :
  • diferins prononçaedjes : /wɛʀ/ Prononçaedje a radjouter
  • prononçaedje zero-cnoxheu : /wɛʀ/
• Ricepeures : nén rcepåve

Adviebe

waire (nén candjåve)

1. (divant èn addjectif) nén foirt.
   • I n’ est waire malåde.
2. waire di : (divant on no) nén bråmint di.
   • Ene mini-djupe, e rûsse, ça s’ dit « waire di stofe ».
3. (metou tot seu) nén bråmint.
   • Ça avance, valet ?
     Waire, todi !

Ratourneures

1. si (bén) waire ki : si pô ki.
   • Des metchantès femes, end a si bén waire ki ça n’ våt nén les poennes di ndè pårler. — B. Dechamps.
2. trop waire : (omrinne sustantivire) trop pô, manke.
   • Gn a jamwais ki l’ trop waire ki djinne. — C. Denis.

Mots vijhéns

(waire di)

• wai di

Ortografeyes

Divant 1900 :

• wair : E177, E203, E184, G0
• wère : G0

Après 1900, foû rfondou (Feller, Feller ricandjî, nén Feller) :

• wére : O4
• wêre : C8, E1, E34, S0, S33, S117

E rfondou walon :

• waire : R10 ^(lére), R11 ^(lére), R13

Ratournaedjes

waire

• Francès : guère ^(fr)

± trop waire (sustantivire)

• Francès : manque ^(fr), carence ^(fr), trop peu ^(fr)

Etimolodjeye 2

Tayon-bodje latén « vara » (pîce di sopoirt) ; mot cité dins l’ FEW 14 172a (lére).

Prononçaedje

• AFE :
  • diferins prononçaedjes : /wɛːʀ/ /weːʀ/ Prononçaedje a radjouter
  • prononçaedje zero-cnoxheu : /wɛːʀ/
• Ricepeures : nén rcepåve

Sustantif

singulî	pluriyal
waire	waires

waire o.

1. (mot d’ tcherpetî) tchiviron.
   • So les vienes, on clawe des waires.
   • Di l’ åmatén, Penêye copele Sint Djôzef po soyî des waires et des sômîs a mezeure. — J. Lahaye.

Parintaedje

• wairete
• wairî

Sinonimeye

• tchiviron

Sipårdaedje do mot

Coinrece Hôte-Årdene.

Ortografeyes

E li scrîta (1100-1600) :

• weirs : ?
• wer : ?

Divant 1900 :

• wér : E177, E203
• wuér : E178
• wérr : E184
• wére : E89 ^(lére)
• wère : G0

Après 1900, foû rfondou (Feller, Feller ricandjî, nén Feller) :

• wére : E1, E34, S0

E rfondou walon :

• waire : R10 ^(lére), R11 ^(lére)

Ratournaedjes

waire

• Francès : chevron ^(fr), waire ^(fr)