alnute

Walon (Rifondou)

Etimolodjeye

Aplacaedje di : «al» + «nute» (sustantivaedje d' ene troke divancete + no, come dins «aprandjire», «åmatén»).

Prononçaedje

AFE :
- prononçaedje zero-cnoxheu : /al.nyt/
Ricepeures : al·nute

Sustantif

singulî	pluriyal
alnute	alnutes

alnute femrin

moumint ki l' solea va coûtchî.
- Estant les alnutes coete
  Adlé les bwès d’ Vålneute,
  E moes d’ may ås beas djoûs,
  Sovint dji m’ arestéve
  Et påjhûle, dji schoûtéve,
  Li cloke et l’ råskignou. — C.N. Simonon, Powezeyes e patwès d’ Lidje, (1846) (fråze rifondowe).
termene inte solea-djus et l' moumint k' on va coûtchî.
- Et dji vénreu, dizo l' finiesse,
  Wice ki vos vnoz l' alnute sondjî,
  Roziner des airs di liesse,
  Di mi amour, djintis messaedjîs. — Martin Lejeune, Œuvres lyriques du poète wallon Martin Lejeune, "Ombåde" (fråze rifondowe).
- Ossu totes les båsheles n’ avént nén sogne, l’ alnute,
  Do dvizer sol pavêye, do s’ astårdjî ene munute,
  Po houmer l’ boune hinêye k’ amoussive tot do long. — Joseph Vrindts, Vîx Lîge, (1901), p.101, “Pâhûlisté” (fråze rifondowe).
- A Sint-Djîle, come divins les basses,
  Come end a toplin k' ont l' vuwe basse
  Li veye di Lidje ni sait nén cmint fé
  L' alnute po k' on voeye clair assez
  Les betches a gåz, come on s' sieve ouy,
  Ni valant pus rén po nos ouys,
  Li consey n' a rén trové d' té
  Ki do sayî l' betch Racionel. — Louis Wesphal, Li Plaisir dè Chanteu, 1907, Les bèches, p.96 (fråze rifondowe).
- Mins l’ vijhene ni rvénrè pus ; et, si l’ payîne dimaneut malåde, ké novele don la, cwand l’ pere rintrreut l’ alnute, foû d’ alinne d’ aveur fwait s’ tournêye tot seu ? — Arthur Xhignesse, Boule-di-Gôme, 1912, p.6 (fråze rifondowe).
- I fåt rsouwer ses låmes l' alnute, catchî dvins ene coine,
  Di sogne ki ls efants n' vis riyexhe al narene. — Joseph Mignolet, "Fleûrs di prétins", p.43 (1929), "Li walon’rèye" (1916) (fråze rifondowe).
- Dji rwaite al viye ôrlodje come al purnale di mes ouys, et, l' alnute, cwand dji rmonte ses pezants, dji tuze a totes mes viyès djins. — Jean-Pierre Dumont (fråze rifondowe).
- Ene alnute, dj' a fwait vni on curé, al taxhlete, po poirter l' Bon Diu. — Lorint Hendschel, So l’ Anuti, p.187.
- L' alnute di dvant, tot l' monde esteut la po vey serer l' waxhea. — Paul-Henri Thomsin, ratournant "Li vî bleu 2" da François Walthéry & Raoul Cauvin, 1980 (fråze rifondowe).