awaitî

Walon (Rifondou)

Etimolodjeye

Do viebe « waitî », avou l’ betchete « a- » des viebes, adon racuzinåve avou l' inglès « await » et l' francès « aguets ».

Prononçaedje

• AFE :
  • diferins prononçaedjes : /a.wɛː.ˈtiː/ /a.wɛː.ˈte/ /a.wɛː.ˈtɪ/ (betchfessî ai)
  • prononçaedje zero-cnoxheu : /a.wɛː.ˈtiː/
• Ricepeures : a·wai·tî

Viebe

Djin et tins	Codjowa
Cåzant Ind. pr. (dji, dj’)	awaite
Atôtchî(s) Ind. pr. (vos, vs)	awaitîz
Cåzants Ind. pr. (nos, ns)	awaitans
Rwaitants Ind. pr., nam. (i/il, ele/elle)	awaitnut
Cåzant Ind. fut. (dji, dj’)	awaitrè
Cåzant D.I.E. (dji, dj’)	awaitive
Cåzant Suddj. pr. (ki dji, dj’)	awaite
pårt. erirece (dj’ a, vos av)	awaitî
Ôtes codjowaedjes	come waitî

awaitî

1. (viebe å coplemint) waitî a catchete po vey cwè, po sorprinde ene sakî ou ene sacwè.
   • Awaitî pal clitchete di l' ouxh. — Motî Forir (fråze rifondowe).
   • Li tchet k' awaite li sori. — Motî Forir (fråze rifondowe). & — Motî Haust (fråze rifondowe).
   • I nos awaite pa l' bawete. — Motî Haust (fråze rifondowe).
   • Li pus grande di hardiyesses,
     C' esteut del loukî, et sovint,
     Il åreut stî ene djournêye a s' finiesse,
     Po l' awaitî; i n' fjheut pus rén.— Henri Simon, "Fåt bate li fiér tant qu’il èst tchaud" (1884) (fråze rifondowe).
   • Po reyussi s' côp, il awaite lonmint les tchivrous et leus åbitudes. — Serge Fontaine (fråze rifondowe).
   • Les rotchîs riyèt dvins leu båbe,
     Les oujheas l' awaitèt, curieus. — Martin Lejeune, "Œuvres lyriques du poète Martin Lejeune" p. 103, "Trop′ èhåstés !" (fråze rifondowe).
   • Naxhtez, mes ptits oujheas, naxhtez po vs såver l' veye,
     Mins ni vs leyîz måy prinde, tot cwerant po magnî,
     Divins ces mådis cepes ki stitchèt leu betcheye
     Dizeu li rsôrt k' awaite vosse tiesse po l' apicî ! — Jean Dessard, D'ine cohe so l'aute, 1939, p.47, Pauves pitits oûhês (1910) (fråze rifondowe).
2. (viebe å coplemint) corwaitî, cwaizyî po vey çou ki s' pôreut passer.
   • Dj' a metou l' tchå sol feu et l' vijhene li vénrè d' tins-in-tins awaitî.
3. waitî håre et hote po vey s' on dandjî aspite.
   • Dj' awaitrè sol tins k' t' irès-st al marôde. — Motî Haust (fråze rifondowe).
4. (v. sins coplemint) esse todi avou des djins ki vôrént bén esse tot seus.

   Ene fråze d’ egzimpe est co a radjouter.

Parintaedje

• awaite
• awaiteu, awaitaedje
• Loukîz a : « waitî »

Sinonimeye

waitî sins esse veyou

• aloukî
• lûtchî
• båker
• scarwaitî
• guignî
• waizyî / cwaizyî
• miersipepieuzmint e l’ notule ALW 17.125

esse todi avou des djins ki vôrént bén esse tot seus

• tini l' tchandele

Ortografeyes

Divant 1900 :

• awaîtî : E177a ^(lére)
• awaiti : E212 ^(lére)
• awaitî : E89 ^(lére), E203 ^(lére)

Après 1900, foû rfondou (Feller, Feller ricandjî, nén Feller) :

• awêtî : C9, E1, E21, E34, G217 p. 284, S117
• awaiti : G217 p. 284
• awaiter : G217 p. 284
• awaityi : G217 p. 284

E rfondou walon :

• awaitî : R9 ^(lére), R10 ^(lére), R13

Ratournaedjes

waitî a catchete po vey cwè, po sorprinde ene sakî ou ene sacwè

• Francès : inspecter ^(fr), espionner ^(fr), guetter ^(fr), épier ^(fr)

corwaitî, cwaizyî po vey çou ki s' pôreut passer

• Francès : surveiller ^(fr), jeter un coup d’œil ^(fr)

waitî håre et hote po vey s' on dandjî aspite

• Francès : être aux aguets ^(fr), à l’affut ^(fr), faire le guet ^(fr)

awaitî

• Francès : chaperonner ^(fr), jouer les anges gardiens ^(fr)