berweter

Walon (Rifondou)

Etimolodjeye

Bodje « berwete » avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /bɛʀ.wɛ.ˈte/ /bɛʀ.wɛ.ˈtɛ/ /bøʀ.wɛ.ˈtɛ/ /bʀɔw.ˈte/ /bʀyːw.ˈte/ /bʀyː.ˈte/
  • prononçaedje zero-cnoxheu : /bɛʀ.wɛ.ˈte/
• Ricepeures : ber·we·ter

Viebe

berweter (1^ire troke) (codjowaedje)

1. (viebe å coplemint) tcheryî avou ene berwete.
   • Il ont berweté ås canadas tote li sinte djournêye.
2. (viebe å coplemint) poirter d’ ene plaece a l’ ôte (minme sins berwete).
   • S’ ele berwetreut ene bezêye come li minme, elle endè freut, des mezåmenes. — Henri Pétrez.
   • C’ esteut ça, portant, m’ fi, viker ; c’ esteut, tot rwaitant sol costé, berweter s’ cour dins l’ ci des ôtes. — Jean Guillaume.
3. (viebe å coplemint) moenner (des sacwès, des sakîs) d’ ene plaece l’ ôte, copurade tot fjhant mwints ptits voyaedjes.
   • Cobén k’ on-z a l’ Birdjite po nos berweter a Libråmont.
4. (v. sins coplemint) stårer ene berwetêye.
5. (v. sins coplemint) toumer dins on trô.
   • I berweta e fossé, tchivå et tot. — Sintake do walon del Gléjhe.
6. (v. sins coplemint) passer s’ tins a rén.
   • Dj’ a eveye di siervi a ene sacwè d’ serieus ; la èn an ki dj’ berwete po les broûlés ; dj’ end a pezant. — Félicien Barry.

Parintaedje

• berweteu, berwetaedje, berwetêye
• aberweter, aberwetaedje
• eberweter, eberwetaedje
• kiberweter
• Loukîz a : « berwete »

Sinonimeye

• kibezaecî
• si stårer, spansler

Ortografeyes

Divant 1900 :

• berweté : E177a ^(lére)
• berwetez : E212 ^(lére)

Après 1900, foû rfondou (Feller, Feller ricandjî, nén Feller) :

• bruw’ter : O0
• bèrwètè : C8, C13
• beurwèter : O2
• brow’ter : O4
• brûter : O3
• bèrwèter : C9, E1, E21, E34, O0

E rfondou walon :

• berweter : R9 ^(lére), R10 ^(lére), R13

Ratournaedjes

tcheryî avou ene berwete

• Francès : brouetter ^(fr), transporter ^(fr) (avec une brouette)

poirter d’ ene plaece a l’ ôte

• Francès : porter ^(fr), traîner ^(fr)

moenner d’ ene plaece l’ ôte

• Francès : transporter ^(fr), trimbaler ^(fr), véhiculer ^(fr), transborder ^(fr)

stårer ene berwetêye

• Francès : vider ^(fr), décharger ^(fr)

passer s’ tins a rén

• Francès : glandouiller ^(fr)