blawete

Walon (Rifondou)

Etimolodjeye

Tayon-bodje latén « belua » (di biesse, elipe di « di såvadje biesse », li feu est sovint rmetou a ene såvadje biesse), avou l’ cawete « -ete » ; dabôrd, racuzinåve avou l’ vî francès « belue » (såvadje biesse) et l' galo « beluete » (minme sinse).

Prononçaedje

AFE :
- diferins prononçaedjes : /bla.ˈwɛt/ /blu.ˈwɛt/ (minme prononçaedje cåzu pattavå)
- prononçaedje zero-cnoxheu : /bla.ˈwɛt/
Ricepeures : bla·wete

Spårdaedje di blawetes

Sustantif

singulî	pluriyal
blawete	blawetes

blawete femrin

(fizike) pitit rodje boket ki vént foû d’ on feu.
- Ene petêye ki fwait vey co cint blawetes. — Motî Forir (fråze rifondowe).
- Li solo qui flahîv à plin, mètév des blawètes d’ôr so les curasses, les hêmes, les èpêyes. — Joseph Mignolet, Li payis des soteas (1926), p.51.
- Blawètes qui dji v’s apwète, fîr’mint, lès oûys clign’tants,
  Come dji v’s apwèt’reû ’ne wåde
  Tote ridohante d’ôrèyes èt di spiyons d’diamants,
  Là qu’vos d’hoûv’rîz, s’catchant,
  Li coûr d’on camaråde ! — Émile Wiket, Fruzions d' cour, p.87.
- C' e-st adon k' on veya l' adjeyant mesbridjî,
  Shofler co meye blawetes et leyî cori ene låme ;
  Ene låme di fier, tote rodje et glairiante come del låme,
  Ki provneut del mitraye k' on lyi dnéve a magnî. — Louis Lagauche, L'aimant, Li hôt-fornea, (1947), p. 94 (fråze rifondowe).
(fleur) sôre di ranonke ås ptitès djaenès fleurs, ki crexhe aprume come ene rampe, pu si rastampe, 20 a 40 cm hôt, ki l’ sincieus no, c’ est : Ranunculus flammula.