blawter

Walon (Rifondou)

Etimolodjeye

Bodje « blawete » (avou spotchaedje del cawete « -et ») avou l’ cawete di codjowaedje « -er » des viebes.

Prononçaedje

AFE :
- diferins prononçaedjes : /blaw.ˈte/ /blaw.ˈtɛ/ (minme prononçaedje cåzu pattavå)
- prononçaedje zero-cnoxheu : /blaw.ˈte/
Ricepeures : blaw·ter

Viebe

Djin et tins	Codjowa
Cåzant Ind. pr. (dji, dj’)	blawtêye
Atôtchî(s) Ind. pr. (vos, vs)	blawtez
Cåzants Ind. pr. (nos, ns)	blawtans
Rwaitants Ind. pr., nam. (i/il, ele/elle)	blawtêynut
Cåzant Ind. fut. (dji, dj’)	blawtêyrè
Cåzant D.I.E. (dji, dj’)	blawtéve
Cåzant Suddj. pr. (ki dji, dj’)	blawtêye
pårt. erirece (dj’ a, vos av)	blawté
Ôtes codjowaedjes	come tchicter

blawter (v. sins coplemint)

rilure d' on hictant sclat.
- Gn a des stoeles ki blawtèt pus ki des ôtes. — Motî Forir (fråze rifondowe).
- Et, cwand del shijhe on bea feu d' artifice
  Fjheut blawter Mouze å Paradis des Tchvås,
  Ene bele noere tiesse avou l' vizaedje wainisse
  Aveut po djîsse on blanc lét d' ospitå
  — Louis Lagauche, "Li ptit hierdî" (1926), p. 109 (fråze rifondowe).
- On pout vey, totavå, des kirieles di ptitès loumires di totes les coleurs ki blawtèt ås finiesses. — Paul-Henri Thomsin (fråze rifondowe).
(pus stroetmint) tot djåzant des ouys.
- Dzo les pleus bén djondous di vosse coirsaedje di soye
  Ké sintimints catchîz vs, djonne feye ås ouys si bleus ?
  Mi cour bate a s’ hiner cwand dji vs trouve so mes voyes,
  Et mes ouys, mågré mi, blawtèt tot come do feu. — Martin Lejeune, "L’aveû" (fråze rifondowe).
- Boule-di-Gôme ni såreut dire pocwè s’ hatrea vént di s’ nukî et ses ouys do blawter ; — Arthur Xhignesse, « Boule-di-Gôme », 1912, p.20 (fråze rifondowe).
rilure come ene blawete.
- Ses ouys blawtèt come des gayetes.
- C' est l' vraiy matoufè ki m' fijheut dedja blawter les iys, c' est l' matoufè, li boune viye ricete d' amon nozôtes — Guy Cabay (fråze rifondowe).
- S' i vneut pår l' airdiè, Fé blawter ses rdjets, Ses royes ! — Arthur Xhignesse (fråze rifondowe).
- I gn a des meyes di stoeles ki blawtèt e stoelî — Joseph Lahaye (fråze rifondowe).
rl a: riglati, sclati, risclati, rilure. F. étinceler.
riglati come l' aloumire.
- On voet l’ laide vindjince ki blawtêye.
  Leu hinne si toize a leus amours !— Joseph Vrindts, ”Vîx Lîge” (1901), p.35, “Battaye di Feumme !” (fråze rifondowe).