gayole

Walon (Rifondou)

Etimolodjeye

Tayon-bodje latén « caveola » (pitite cadje), çou ki dene on mot avou l’ cawete « -ole ».

Prononçaedje

• AFE :
  • diferins prononçaedjes : /ɡa.ˈjɔl/ /ɡɛ.ˈjɔl/ /ɡa.ˈjoːl/ /ɡɛ.ˈjoːl/ /ɡi.ˈjoːl/ /ɡa.ˈjuːl/
  • prononçaedje zero-cnoxheu : /ɡa.ˈjɔl/
• Ricepeures : ga·yole

Sustantif

singulî	pluriyal
gayole	gayoles

gayole femrin

1. (ahesse di manaedje) pitite cadje po les moxhons (sovint pindowe dins l' måjhone).
   • Ele mi l’ aveut todi prometou
     Ene bele pitite gayole
     Po mete èm canari. — Li ptite gayole (fråze rifondowe).
   • La l’ tchet sôté sol gayole k’ est sol dresse, et la ttafwait ki berôle. — Pierre-Joseph Dosimont (fråze rifondowe).
   • Ni serîz nén binåjhe d’ aveur on tcherdinea dins ene gayole po vos tot seu ? — Auguste Laloux (fråze rifondowe).
   • « On brognrè l’ Tampe, pusk’ i dit k’ Diu n’ aconte ki l’ åme » breya-st on diåle k’ aveut-st ene tignasse di lurson. Et l’ såle — gayole di papigåys k’ on barakî manceye — s’ implixha d’ esclameures… — Joseph Mignolet, "Li tchant del croes", 1932, p. 81 (fråze rifondowe).
   • Leu måjhon est trop stroete por zels, ti direus ene gayole k' on n' si sait rtourner ddins. — Motî Gilliard (fråze rifondowe).
   • Trop tård di rserer l' gayole cwand l' moxhon e-st evolé. — Motî Gilliard (fråze rifondowe).
2. mozete (seke del feme).
3. (djustice) prijhon.
   • Si to continowes inla, t’ irès al gayole divant waire.
   • Mete e l' gayole. — Motî Forir (fråze rifondowe).
   • Resserer el gayole. — Motî Gilliard (fråze rifondowe).
   • Aler sacwants moes el gayole. — Motî Gilliard (fråze rifondowe).
4. (mot del fotbale) gôl (cadje k’ on saye di piter l’ bale divins).
   • Gn a deus gayoles, metowes di tchaeke costé do terén.
5. (mot d’ houyeu) sôre di batch divins l' cadje po contni l' hoye et les pires.
   • Mete li gayole so les takets
   • Li gayole a ploumé l' beur. — Motî Haust (fråze rifondowe).
   • Adon, ki l' gayole enairixhe
     Disk' å djoû les berlinnes tcherdjeyes
     Di ç' tcherbon la, k' fwait d' nos schaveus
     Li clé des oujhenes, des ovroes,
     Et l' pan beni d' tote l' industreye. — Jean Dessard, D'ine cohe so l'aute, 1939, p.74, Dizos lès molètes (1935) (fråze rifondowe).

Ratourneures

1. dispindeu d’ gayole: ome hôt so pates. On dit eto : grand grand epatlé, hôt-findou, dispindeu d’ djambons. F. grand dégingandé.
2. ci n’ est nén li bele gayole ki nourixh l’ oujhea
3. mete l’ oujhea el gayole : fé l’ amour.
4. rimete pinde li gayole : prinde si pinsion.
5. mete li boure el gayole : spårgnî des cwårs.
6. vo l' la rtcheyou å fond di s' gayole : il est pår disbåtchî pask' il a yeu ene broke, il a fwait berwete.
7. dispinde si gayole : rinoncî.

Parintaedje

• gayolî
• egayoler, egayolaedje

Mots d’ aplacaedje

• gayole a toetea

Rilomêye do mot

Li mot dins on tite di live, di gazete, di soce, di marke :

• Li ptite gayole, tchanson classike do Hinnot, divnou rilomêye daegnreçmint après aveur sitî rprinjhe pa Julos Beaucarne.

Ortografeyes

Divant 1900 :

• gaïoûl : E89 ^(lére), E203 ^(lére)

Après 1900, foû rfondou (Feller, Feller ricandjî, nén Feller) :

• guèyôle : G217, S0
• guiyôle : E165, G217
• gayôle : G217, S0
• gayoûle : E1, E170, S0
• gayole : C8, C13, G217, O0, O3, S117
• guèyole : G217

E rfondou walon :

• gayole : R10 ^(lére), R11 ^(lére), R13

Ratournaedjes

gayole

• Francès : cage ^(fr)

sôre di batch divins l' cadje po contni l' hoye et les pires

• Francès : cage ^(fr) servant à l'extraction

Waitîz eto

Lijhoz l’ årtike gayole (discramiaedje) so Wikipedia