mwaistri

Walon (Rifondou)

Etimolodjeye

Bodje « mwaist- » ‎(« mwaisse ») avou l’ cawete d’ infinitif « -i » des viebes.

Viebe

Djin et tins	Codjowa
Cåzant Ind. pr. (dji, dj’)	mwaistri / mwaistrixh
Atôtchî(s) Ind. pr. (vos, vs)	mwaistrixhoz
Cåzants Ind. pr. (nos, ns)	mwaistrixhans
Rwaitants Ind. pr., nam. (i/il, ele/elle)	mwaistrixhnut
Cåzant Ind. fut. (dji, dj’)	mwaistrirè / mwaistrixhrè
Cåzant D.I.E. (dji, dj’)	mwaistrixheu
Cåzant Suddj. pr. (ki dji, dj’)	mwaistrixhe
pårt. erirece (dj’ a, vos av)	mwaistri
Ôtes codjowaedjes	come prusti

mwaistri

1. (viebe å coplemint) poleur esse pus foirt ki (ene biesse, ene djin ki s' kitape, on feu, ene dispinse). # (d' ene djin, d' ene biesse.
   • I fåt sawè mwaistri ses niers — Motî d’ Cerfontinne (fråze rifondowe).
   • On marixhå doet sawè mwaistri les tchvås.
   • Cobén d' côps avént i ddja stî splinkî di s' pa ki n' saveut pu cwè fé po l' mwaistri et l' fé tni coe — A. Moors-Schoefs (fråze rifondowe).
   • I n' si fåt nén leyî mwaistri des biesses — Motî d’ Bastogne (fråze rifondowe).
   • Les pompîs n' ont nén co tot mwaistri l' målfeu.
   • L' osmôze a l' evier, c' est ene tecnike di dissalaedje di l' aiwe di mer foirt målåjheye a mwaistri mins mo spårgnante — Lucyin Mahin.
   • Awè, nos avans stu strindous, ca les fameûs sôdârs di dièle avît pawou des tièsses di hoye, qu’is n’ polît résoûde di maistri — Joseph Vrindts, Tot tûsant (1924), Mort pour la Patrie, p.7.
2. (viebe å coplemint) (pa stindaedje do sinse) tot djåzant d' on sintumint, d' ene målåjheyisté.
   • L' esperance ki n' nos cwite djamåy aveut mwaistri l' doleur et lyi fjheut rovyî les longuès samwinnes k' il aveut stou clawé so s' lét. — Joseph Vrindts, « Li pope d'Anvers » (1896), p.51 (fråze rifondowe).
   • Asteure, ås ouxhs on rvoerè vite
     Li pôve minåve avou s' longue mwin
     Dimander ene tåte, ene tote pitite,
     Ou bén ene åmonne po mwaistri s' fwin. — Jean Dessard, D'ine cohe so l'aute, 1939, p.44, Vochal l’ivièr (1900) (fråze rifondowe).
   • Po mwaistri les hikets del veye,
     I våt bén mî k’ on soeye a deus. — Louis Lagauche, Les bwèh'lîs, 1948, p.9 (fråze rifondowe).
3. (viebe å coplemint) fé tni coe ene sakî.
   • Loukîz cisse-lale cori !
      ! Come ele bize evoye !
     Nolu nel pout mwaistri : — Jules Claskin, « Airs di flûte et autres poèmes wallons », édition critique de Maurice Piron, 1956, « Lès-eûres », 1909, p.79-80 (fråze rifondowe).
4. (pus stroetmint) bén cnoxhe (on lingaedje).
   • I fjheut cope avou ene comere ki mwaistrixheut l' kicongo ossu bén k' lu — Gilbert Renson (fråze rifondowe).
   • C’è-st-on lingadje qui mûwe come on tauvia d’ârtisse
     Èt maugré tot faît rîre èt sint voltî vos pîds
     Nos-aprind nos-ûsances, qui cause avou franchise
     Èt tchante come on pinson quand on l’ maîstri voltî. — Chantal Denis.
5. (viebe å prono) : Loukîz a : « si mwaistri ».

Parintaedje

• mwaistrixhaedje
• mwaistrixhåve
• mwaistrijhe
• rimwaistri
• mwaisse; Loukîz a : « mwaisse »

Sinonimeye

• si rinde mwaisse (di)
• vini mwaisse (di)
• vini a bout (di)
• dompter

Ortografeyes

Divant 1900 :

• maistri : C9a ^(lére)

Après 1900, foû rfondou (Feller, Feller ricandjî, nén Feller) :

• maistriyi : C8
• mêstriyè : S0
• mwêstrîjî : S117
• mwêstriyî : S117
• maîstri : C13
• mwaistriyi : O2
• mêstri : E1, E165
• méstrîyî : O4
• mwêstrîjer : S117
• mêtrîjè : S33
• mwêstryî : S109

E rfondou walon :

• mwaistri : R10 ^(lére), R13

Ôtès ortografeyes (avou des sourdants nén rkinoxhous) :

• méstrîyî : FO92

Ratournaedjes

vini mwaisse di

• Francès : maîtriser ^(fr), dominer ^(fr), dompter ^(fr), assujettir ^(fr)

ni nén ployî ene sacwè d' målåjhey

• Francès : braver ^(fr), tenir tête ^(fr)

Pårticipe erirece

	singulî	pluriyal
omrin	mwaistrii	mwaistriis
femrin	mwaistrieye	mwaistrieyes

mwaistri omrin

1. Pårticipe erirece omrin do viebe « mwaistri ».

Codjowas

	Dobès rfondowes
mwaistri		mwaistrixh

mwaistri

1. indicatif prezintrece, prumire djin do singulî, do viebe « mwaistri ».
2. kimandeu prezintrece, deujhinme djin do singulî, fôme camaerådrece, do viebe « mwaistri ».