mwaisse

Walon (Rifondou)

Etimolodjeye

Tayon-bodje latén « magister » (minme sinse) (avou on S latén divnou on toetea e francès) (sorwalonde avou diftongaedje del piceure «pwinmwin»); mot cité dins l’ FEW 6/1 36a.

Prononçaedje

• AFE :
  • diferins prononçaedjes : /mɛːs/  ^{aschoûtez lu} /mɛːs/  ^{aschoûtez lu} (Lidje) /mæːs/ /meːs/ /mwɛːs/ /mweːs/, miersipepieuzmint e l’ notule ALW 1.57 ; (betchfessî ai)
  • prononçaedje zero-cnoxheu : /mwɛːs/  ^{aschoûtez lu}
• Ricepeures : nén rcepåve

Sustantif

	singulî	pluriyal
omrin	mwaisse	mwaisses
femrin	mwaistresse	mwaistresses

mwaisse omrin

1. onk ki cmande les ôtes.
   • C' est mi k' est mwaisse vola !
   • I fåt sovint ployî dvant ses mwaisses — Motî d’ Cînè (fråze rifondowe).
   • A no måjhone, c' est l' comere k' est mwaisse — Motî del Fagne et del Tieraxhe (fråze rifondowe).
2. onk ki c' est da sinne ene måjhon.
   • Avou s’ moustatche ki crole et s’ coutea al sirôpe, il est si bea, l’ sôdård. Pa, vs dirîz Tchårlumagne… Adonpwis, il est mwaisse d’ ene foû bele dimorance el Hôte-Såvnire, a Lidje. — Joseph Mignolet, Al bèle fontinne, 1924, p.7 (fråze rifondowe).
3. onk ki scole les efants.
   • Li mwaisse a xhuflé l' fén del recreyåcion.
4. onk ki cnoxhe toplin des sincieusès sacwès.
   • Ci-cial, po djouwer s' role,
     Riclame … fwait l' mwaisse … Adon,
     Li procès k' on lyi cole,
     L' emoenne disk' e l' prijhon. — Jean Dessard, D'ine cohe so l'aute, 1939, p.153, Al bate di coqs (1923) (fråze rifondowe).
5. onk k' est pus foirt ki vos.
   • C' esteut on målåjhey, mins il a yeu a fé a s' mwaisse — Motî del Fagne et del Tieraxhe (fråze rifondowe).
   • Il a toumé a s' mwaisse — Motî d’ Bastogne (fråze rifondowe).
   • Si foirt k' on soeye, on trouve todi s' mwaisse — Live di spots Dejardin, (l° 1689) (fråze rifondowe).
6. onk k' a dressî ene aclevåve biesse.
   • Li tchén s' a stî coûtchî sol tombe di s' mwaisse.
7. ome di mestî.
   • Dj' a stî poirter mes solés a mwaisse
8. (dins èn arinnoe) po-z atôtchî ene sakî avou grand respet.
   • Nonår (intere do poice, li colon moirt el mwin ; - tot mouwé) – Mwaisse, el fåt i cori ?
     Matî (sins s’ ritourner) – Cours lu ! — Henri Simon, Li bleû-bîhe, 1886, p.24 (fråze rifondowe).
   • Tonire ! T’ es crexhou, m’ fi, mins ti n’ t’ as nén ecråxhî ! K’ ass magnî, heye, el Russeye.
     VICTÔR. – Des crompires edjalêyes et des raecinetes d’ åbes, mwaisse. — Joseph Mignolet, Al bèle fontinne, 1924, p.45 (fråze rifondowe).
9. (dins èn arinnoe) (minme sinse) (avou l' li ptit no di l' arinné).
   • HINRI. - Mwaisse Djeråd, dji vs promete do rinde Meliye ureuse.
     DJERÅD. - Elle est co trop djonne.
     DJEDJENE. - Elle a ouy ses vint ans. — Antoine Bouhon, Les Brixhes da Gèrâ, 1900, sinne XV, p.37 (fråze rifondowe).
10. (dins èn arinnoe) (pus stroetmint) tot djåzant d' on mwaisse di scole.
    • Bondjoû, mwaisse ! Dji va responde a vos kesses — Jacques Desmet (fråze rifondowe).

Ratourneures

1. bouter dvant mwaisse u: travayî dzo mwaisse : ovrer po on patron (et nén a s' boûsse).
2. c’ est å troejhinme côp k’ on voet les mwaisses
3. c' est on mwaisse må schoûté : d' onk ki s' dit l' mwaisse e s' manaedje, mins k' on nel schoûte nén.
4. côp d’ saye, côp d’ mwaisse
5. esse a s’ dierin mwaisse
6. esse mwaisse di lu
7. esse si mwaisse : ovrer esse a s' boûsse.
8. gn a si bon tchén ki n' a hagnî s’ mwaisse
9. i n’ fåt k’ on mwaisse divins ene måjhone
10. les bons mwaisses fijhèt les bons vårlets
11. les mwaisses sont les mwaisses, li grandeur n' î fwait rén
12. li meyeu des tchvås a touwé s' mwaisse
13. l’ ouy do mwaisse ecråxhe li tchvå
14. on n’ kinoxhe li mwaisse ki cwand il est e l’ aisse
15. våt mî d' esse pitit mwaisse ki grand vårlet

Parintaedje

• mwaistri, mwaistrixhaedje, mwaistrijhe
• mwaismint

(minme sourdant etimolodjike)

• madjuster

Mots d’ aplacaedje

• mwaisse di måjhone
• mwaisse di scole
• mwaisse del djowe
• borguimwaisse
• si rinde mwaisse di, vini mwaisse di
• côp d’ mwaisse

Pwaire minimom

• messe (ofice rilidjeus)
• mwais (måva, måvlé), mwaijhe (måle, måvlêye)
• mwaiye (po prusti l' påsse)

Ortografeyes

Divant 1900 :

• maise : E212 ^(lére)
• maisse : C9a ^(lére)
• moésse : LBer

Après 1900, foû rfondou (Feller, Feller ricandjî, nén Feller) :

• mésse : C62, G201 p. 187, O0, O4, O101
• mwésse : G201 p. 187, O0
• mwaisse : O2, O100
• mêsse : C9, C106, E1, E165, E212b, G201 p. 187, S0
• mwêsse : G201 p. 187, O81, S0, S109, S117
• maisse : C8
• maîsse : C1, C13 (a "lodjeû", "ployî", evnd.), C99

E rfondou walon :

• mwaisse : R10 ^(lére), R13

Ôtès ortografeyes (avou des sourdants nén rkinoxhous) :

• maîsse : SpG0 (a "maître")

Ratournaedjes

onk ki cmande

• Arabe marokin : معلّم ^(ary) =‎ me3llem
• Tcheke : mistr ^(cs)
• Inglès : master ^(en)
• Francès : maître ^(fr)
• Itålyin : maestro ^(it)
• Gåmès : mâte
• Neyerlandès : meester ^(nl)
• Picård : maite ^(pcd)
• Polonès : mistrz ^(pl)
• Sicilyin : mastru ^(scn)

onk ki c' est da sinne ene måjhon

• Arabe marokin : مل دار ^(ary) =‎ mol dar
• Inglès : owner ^(en)
• Francès : propriétaire ^(fr)

onk ki c' est da sinne ene måjhon

• Francès : maître ^(fr), maître d’école ^(fr), instituteur ^(fr)

po-z atôtchî avou mo do respect

• Arabe marokin : سيدي ^(ary) =‎ sidi, معلم ^(ary) =‎ m3ellem, ملي ^(ary) =‎ moley, استاد ^(ary) =‎ ostad
• Francès : maître ^(fr), l’ami ^(fr)

}

Addjectif

	singulî	pluriyal
omrin	mwaisse	mwaisses
femrin padrî	mwaisse	mwaisses
femrin padvant	mwaisse	mwaissès

mwaisse omrin et femrin (come addjecif djondrece, todi metou padvant l’  no)

1. ki vént dvant les ôtes.
2. pus grand k' les ôtes.
3. ki cmande ås ôtes.
   • Dji sai k' do long soumey, tolmonde si doet-st edoirmi,
     Ki c' est ene lwè ki mete tos les omes e marimince,
     Ki l' moirt ni spågne personne, ni l' pus foirt, ni l' pus mwaisse ;
     Mins mi, s' i fåt k' dji moure, ci serè mågré mi. — Louis Wesphal, Les Plaihants Ramages, 1922, p. 132 (fråze rifondowe et rarindjeye).
4. grand, gros.
   • Li feme foircixh po sotni l’ lét
     Et dene a si ome des mwaisses côps d’ lawe. — Joseph Vrindts, Vîx Lîge, (1901), p.28, “On Baguège Jus d’la Mouse” (fråze rifondowe).
   • Way-a-way, dji m’ va co ramasser ene mwaisse savneure, edon ! — Henri Simon, «Janète» divins «Quatre comédies liégeoises» da Jean Haust (1936), 1911, p.119 (fråze rifondowe).
   • Ca, tot cial, ele a aidî a crexhe a on mwaisse djeton d’ pus so ene coxhe k’ endè mankéve dedja nén. — Arthur Xhignesse, Boule-di-Gôme, 1912, p.22 (fråze rifondowe).

Mots d’ aplacaedje

• mwaisse viene, mwaisse montant, mwaisse sôdård, mwaisse ovrî, mwaisse vårlet, mwaisse lodjeu, mwaisse tinant, mwaisse batlî, mwaisse triyonfe, mwaisse atote
• mwaisse voye, mwaisse lwè, mwaisse veye
• mwaisse idêye, mwaisse raploû, mwaisse pådje

Sinonimeye

prumî, prumire

Ratournaedjes

mwaisse

• Arabe marokin : مهم ^(ary) =‎ mohem omrin, المهمة ^(ary) =‎ mehemma femrin
• Inglès : main ^(en), prime ^(en), major ^(en)
• Francès : maître ^(fr) omrin, principal ^(fr) omrin principale ^(fr) femrin, primordial ^(fr) omrin primordiale ^(fr) femrin, majeur ^(fr) omrin, majeure ^(fr) femrin, général ^(fr) omrin, générale ^(fr) femrin, supérieur ^(fr) omrin supérieure ^(fr) femrin
• Neyerlandès : eerste ^(nl), belangrijkste ^(nl)