plantiveus

Walon (Rifondou)

Dobès rfondowes

plantiveus

plintiveus

Etimolodjeye

Bodje « plintiveus » avou forcoridjaedje IN > AN, çou ki dene on mot avou l’ cawete « -iveus ».

Prononçaedje

• AFE :
  • prononçaedje zero-cnoxheu : /plã.ti.ˈvøː/ (minme prononçaedje pattavå)
• Ricepeures : plan·ti·veus

Addjectif

	singulî	pluriyal
omrin	plantiveus
femrin padrî	plantiveuse	plantiveuses
femrin padvant	plantiveuse	plantiveusès

plantiveus omrin (come addjectif djondrece, metou padvant u padrî l’ no)

1. avou toplin d’ l’ amagnî, tot djåzant d’ ene eurêye.
   • Ci plantiveus magnxhon vos shonnrè surmint bon. — Marcel David (fråze rifondowe).
2. lådje, tot djåzant d’ on mousmint.
   • Vosse mantea est trop plantiveus. — Motî Forir (fråze rifondowe).
   • (Ele poirtéve) ene plantiveuse tinuwe. — Motî d’ Nivele (fråze rifondowe).
   • Nén dandjî do mete des berikes po s’ aporçure ki l’ plantiveuse rôbe ås fleurs racovere on trezôr k’ on s’ rafeye do cpôtyî. — Jean Rode (fråze rifondowe).
   • Vos avîz des shabots ås fleurs ; on plantiveus vantrin d’ coleur. — Mariette Chinon (fråze rifondowe).
3. grosse, tot cåzant del pwetrene d’ ene comere.
   • Li båshele ni poirtéve ki l’ hôt d’ on taeyeur k’ on lyi poleut vey li clapante caire d’ ene plantiveuse divanteure ki tingléve l’ unike boton di s’ mousseure. — Raymond Dambly (fråze rifondowe).
4. (mot d’ medcén) ki n’ saye nén di s’ rastrinde, tot djåzant d’ ene sonnêye, d’ on côpaedje-evoye.
   • (I lyi ont fwait) ene sonnêye plantiveus. — Motî Forir (fråze rifondowe).

Ratourneures

1. esse plantiveus di (ene sacwè) : end aveur toplin.
   • Dj’ endè so plantiveus. — Motî Stasse (fråze rifondowe).

Parintaedje

• plantiveuzmint
• planteure

Contråve

• (avou waire d’ amagnî, tot djåzant d’ ene eurêye) : k’ on n’ pleut må d’ s’ î ecrouker (di s’ î astruker)
• (mousmint ki sere) : stroet, serant, splincant

Sipårdaedje do mot

w. do Levant

Ortografeyes

(plantiveus & plintiveus)

Divant 1900 :

• plantiveû : E203 ^(lére)
• plantiveu : E177

Après 1900, foû rfondou (Feller, Feller ricandjî, nén Feller) :

• plintiveû : O4
• plantiveûs : E1, E170

E rfondou walon :

• plantiveus : R11 ^(lére)

Li mot n’ est nén dins : E165, C13, R13

Ratournaedjes

avou toplin d’ l’ amagnî, tot djåzant d’ ene eurêye

• Inglès : copious ^(en), plentifull ^(en)
• Francès : plantureux ^(fr), copieux ^(fr), abondant ^(fr), pantagruélique ^(fr)

lådje, tot djåzant d’ on mousmint

• Francès : plantureux ^(fr), large ^(fr), ample ^(fr)