rapinser

Walon (Rifondou)

Do viebe « pinser » avou l’ betchete « ra- » des viebes.

AFE :
- diferins prononçaedjes : /ʀa.pɛ̃.ˈse/ /ʀa.pɛ̃.ˈsɛ/ (minme prononçaedje cåzu pattavå)
- prononçaedje zero-cnoxheu : /ʀa.pɛ̃.ˈse/
Ricepeures : ra·pin·ser

Djin et tins	Codjowa
Cåzant Ind. pr. (dji, dj’)	rapinse
Atôtchî(s) Ind. pr. (vos, vs)	rapinsez
Cåzants Ind. pr. (nos, ns)	rapinsans
Rwaitants Ind. pr., nam. (i/il, ele/elle)	rapinsnut
Cåzant Ind. fut. (dji, dj’)	rapinsrè
Cåzant D.I.E. (dji, dj’)	rapinséve
Cåzant Suddj. pr. (ki dji, dj’)	rapinse
pårt. erirece (dj’ a, vos av)	rapinsé
Ôtes codjowaedjes	sipepieus tåvlea

rapinser

(v. sins coplemint) rimete e s' memwere.
- Çou ki m' fwait co l' pus d' bén a rapinser, c' est les shijhes do trevén del guere — Anatole Marchal (fråze rifondowe).
- Et, tot riknohant l’ danse k’ elzî rapinse les djôyes
  Et les amoûrs passêyes, deus copes di vîs s’ lèvèt,
  Fîrs dè poleûr mostrer çou k’ on-z esteût dvins l’ tins
  — Henri Simon.
- Awè ciete,
  Les sovnirs ki dj' a rascoyî,
  Ki nos rapinsèt nosse payis,
  Ni meritèt nén k' on les cdjete— Joseph Vrindts, "Vîx Lîge" (1901), "Ax léheus" (fråze rifondowe).
fé tuzer a
- C’èst qu’ l’ åbe èst pôr si bê ! Qwand c’est qu’on l’veût, l’iviér,
  mostrer sol blanke nivaye l’èfèhèdje di sès cohes,
  i v’ rapinse li tchèrpinte d’on palås qui s’èlîve,
  — Henri Simon.
- Li bwès, qu’on veût d’å lon, s’èwalpêye d’ine brouheûr
  d’on rodje sètchant so l’ vért, qui rapinse li fouyaedje
  — Henri Simon, Li pan dè Bon Diu, Avri, 1935.
(viebe å coplemint) si sovni.
- Victôr rapinse did cwand i rivneut di scole — Auguste Laloux (fråze rifondowe).
(viebe å prono) : Loukîz a : « si rapinser ».