raveur

Walon (Rifondou)

**Dobès rfondowes**
raveur		rawè

Etimolodjeye

Do viebe « aveur », avou l’ betchete « ri- » des viebes.

Viebe

Djin et tins	Codjowa
Cåzant Ind. pr. (dji, dj’)	ra
Atôtchî(s) Ind. pr. (vos, vs)	ravoz / rav
Cåzants Ind. pr. (nos, ns)	ravans
Rwaitants Ind. pr., nam. (i/il, ele/elle)	ront
Cåzant Ind. fut. (dji, dj’)	rårè
Cåzant D.I.E. (dji, dj’)	raveu
Cåzant Suddj. pr. (ki dji, dj’)	råye
pårt. erirece (dj’ a, vos av)	rieu / ravou

raveur

(viebe å coplemint)
1. aveur co on côp.
  - JANETE. - Ebén l' voyaedje, kimint a t i stou ?
    RIDANT. - Foirt bén, Janete, merci.
    Et nos ravans nosse Meliye, paret !— Henri Simon, «Janète» divins «Quatre comédies liégeoises» da Jean Haust (1936), 1911, p.150 (fråze rifondowe).
  - Leu bierdjî la tot près, s’ a-st ashiou so ene grosse pire
    Et come, loucant l’ cir, i mete ene mwin so s’ cour,
    Dji ra come ene vuzion do Sint Djan da Delcour… — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Tåvlê dal vesprêye », 1912, p.86 (fråze rifondowe).
  - O n' dirè pus k' ele tome e-n ene blesse,
    Edon l' Societé ! - Nos rvicans !
    On ra l' ome ki faleut al tiesse,
    Avou l' captinne ki ns avans. — Jean Dessard, D'ine cohe so l'aute, 1939, p.60, Vîve li djônèsse ! (1927) (fråze rifondowe).
  - Evoye di nosse viyaedje dispu des anêyes, i m' arive padecô di raveur des pinsêyes, di rvey nosse vî Årveye (Louis Jacquemin), divins Singulîs 1/2010 p. 9.
2. ritrover (ene sacwè, ene sakî k' on-z aveut pierdou, ene sacwè k' on-z aveut prusté, evnd.).
  - Elle a bén dvou platchter po raveur si galant — Motî d’ Vervî (fråze rifondowe).
  - Mins dji ra portant l' djoye,
    Ca les oujheas tchantèt ;
    L' oraedje si saetche evoye,
    Dji voe ponde èn airdiè. — Jean-Joseph Dehin, "L' orèdje" (1848) (fråze rifondowe).
  - Ebén schoûte, shû m' consey : alans el mete doirmi ;
    Dimwin tot l' ahontixhant, tel frès motoit rivni
    A des bons sintimints. Croe m', on t' djetreut co l' blåme,
    Si tel voleus raveur ôtmint k' avou del låme. — Toussaint Brahy, Toussaint Brahy, œuvres wallonnes posthumes, Li Frût d'ine mâle Kpaneie, 1886, p.48 (fråze rifondowe).
  - Schoûtez madame, schoûtez, vs les rårez al vesprêye — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
  - Si dj' raveu mi fi, dji n' vicreu pus k' por lu. — Jean Bury, Joyeux rèspleus, (1899), "Pauve kimére" (fråze rifondowe).
  - Ossu, po raveur si bouname,
    Ele ni sait ké sint påtriyî. — Joseph Vrindts, Vîx Lîge, (1901), p.39, “Qui fait mâ trouve mâ” (fråze rifondowe).
  - A fwait ki l’ zuvion rprind l’ odeur del florixhåjhe
    Et k’ edviè les gonhires, ene bleuwe brouweur
    Si winne d’ èn åbe a l’ ôte,
    Li tere tote rafriskêye ra ses vraiyès coleurs
    Come ene roslante crapåde. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Gåylotèdjes », 1924, p.31 (fråze rifondowe).
3. aveur pus tård.
  - I semént do fôraedje e l' avoenne po raveur del waide après — Sintake Rimåke (fråze rifondowe).
4. poleur rissaetchî (ene taetche), poleur rimete prôpe (on mousmint avou ene taetche).
  - C' est des taetches målåjhey a raveur.
  - Dji n' a sepou raveur li marone del gamene.
5. discoidler, ravigoter.
  - Po sayî d' ristchåfer,
    Mes mwins froedes
    Et si roedes,
    Dji hansixh dissus bén roed,
    Po ene gote raveur mes doets. — Joseph Vrindts, Pâhûles rîmês, (1897), "Les qwate saisons", p.68 (fråze rifondowe).
6. tromper co ene feye.
  - On n' m' î rårè måy pus, c' est on siermint djuré :
    So meye côps, dji wadjreu k' on n' såreut-st adviner
    Kimint k' mi, vî moxhet, k' inméve tant do fé l' tchesse,
    Dj' a polou m' leyî prinde e-n on sfwait corant-laece. — Toussaint Brahy, Toussaint Brahy, œuvres wallonnes posthumes, Li Frût d'ine mâle Kpaneie, 1886, p.45 (fråze rifondowe).
(viebe å prono) : Loukîz a : « si raveur ».
1. riprinde ses esprits; ridivni normå (après ene saizene, on toumaedje-evoye, on toumaedje-evoye di rire)
  - I s' a metou a rire sins s' poleur raveur.
  - TONTON (rivnowe a leye). - Leyîz m' raveur, todi !
    MATROGNÅRD. - Vs åroz fwait ene bele hope, ouy ! — Édouard Remouchamps, Tåtî l’ Pèriquî, 1884, Ake I, Sinne XI, v. 231 (fråze rifondowe).
  - Mon Diu, dji voe tot bablou … dji n' mi rårè nén. — Joseph Vrindts, Li diale di so l'fontaine, 1889, sinne V, p.12 (fråze rifondowe).
2. ritrover s' santé.
  - Li houlot si rava pitchote a midjote, mins i n' fourit måy k' ene åblete come si pere l' aveut batijhî — Dieudonné Salme, p. 186 (fråze rifondowe).
  - Sav bén k’ c’ est plaijhi d’ aveur ene måjhone comme cisse-cial, vos, Janete. Il î fwait si frisse la ! Dji m’ ra dedja tot. — Henri Simon, «Janète» divins «Quatre comédies liégeoises» da Jean Haust (1936), 1911, p.118 (fråze rifondowe).