ridner

Walon (Rifondou)

Alofômes

Sipotchåve voyale	Divanceye voyale	Sipotcheye cogne
ridner	erdiner	rdiner

Etimolodjeye

Bodje « diner » avou l’ betchete « ri- » des viebes çou ki dene on mot avou l’ cawete di codjowaedje « -er » des viebes.

Prononçaedje

Loukîz a : « rdiner »; Loukîz a : « erdiner »

• AFE :
  • diferins prononçaedjes : /ʀin.ˈne/ /ʀyn.ˈne/ /ʀin.ˈnɛ/ /ʀi.dɔ.ˈne/ /ʀi.dɔ.ˈnɛ/
  • prononçaedje zero-cnoxheu : /ʀin.ˈne/ (avou assimilaedje di lete )
• Ricepeures : rid·ner

Viebe

Djin et tins	Codjowa
Cåzant Ind. pr. (dji, dj’)	ridene
Atôtchî(s) Ind. pr. (vos, vs)	ridnez
Cåzants Ind. pr. (nos, ns)	ridnans
Rwaitants Ind. pr., nam. (i/il, ele/elle)	ridennut
Cåzant Ind. fut. (dji, dj’)	ridinrè
Cåzant D.I.E. (dji, dj’)	ridnéve
Cåzant Suddj. pr. (ki dji, dj’)	ridene
pårt. erirece (dj’ a, vos av)	ridné

ridner (codjowaedje)

1. (v. å coplemint) diner on deujhinme côp, diner co èn ôte côp.
   • Ridene mu del sope — Motî d’ Bastogne (fråze rifondowe).
   • Dji lyi a co rdiné ene danse — Motî d’ Bastogne (fråze rifondowe).
   • I lyi fåreut ridner ene pitite ovraedje, po n' nén k' i sinte k' il est roisté evoye — Båze di dnêyes di l’ Årdene nonnrece (fråze rifondowe).
   • Mi feme m' a ridné kékes djoûs d' condjî d' rawete — Lucyin Mahin.
2. (v. å coplemint) diner (ene sacwè) k' on aveut ddja dné, mins k' on aveut rprins, ene sacwè k' aveut stî pierdowe.
   • Tårazin, ki rprind, ki rdene.
   • I m' l' a rprins, i m' l' a vlou rdiner mins dji n' l' a pus volou — Motî d’ Nivele (fråze rifondowe).
3. (v. å coplemint) diner (çou k' aveut stî pierdou).
   • C' est åk ki rdene des foices — Motî d’ Bastogne (fråze rifondowe et rarindjeye).
4. fé on foirt brut (betchete ri- nén radjoutante)
   • Li zûna d' oraye, ça rdene dins vo tiesse ki ça fwait må — Motî d’ Cerfontinne (fråze rifondowe et rarindjeye).

Ratourneures

1. rime-rame po pûni èn efant ki dene on djouwet, ene maye, et l' riprinde, pu motoit li rdiner.

Mots vijhéns

• (dabôrd k' on l' aveut prins): rinde

Ortografeyes

(ridner, rdiner & erdiner)

Après 1900, foû rfondou (Feller, Feller ricandjî, nén Feller) :

• rdèner : S0
• rid'nè : C1
• èrdoner : O2, O4
• rdoner : O2, O4
• r'donè : C1
• rduner : S117
• ridonè : C1
• rudner : S0, S117

E rfondou walon :

• ridner, rdiner, erdiner : R10 ^(lére)

Li mot n’ est nén dins : C13, R13

Ratournaedjes

diner on deujhinme côp

• Inglès : to give again ^(en)
• Francès : redonner ^(fr)
• Neyerlandès : opnieuw geven ^(nl)

diner çou k' on aveut ddja dné et rprins Loukîz a : rinde

• Inglès : to give back ^(en)
• Francès : rendre ^(fr), restituer ^(fr), donner de retour ^(fr) (Flande, Brussele)
• Neyerlandès : teruggeven ^(nl)

fé on foirt brut

• Francès : retentir ^(fr), résonner ^(fr)