rispåmer

Walon (Rifondou)

Etimolodjeye

Bodje « spåmer » avou l’ betchete « ri- » des viebes.

Prononçaedje

• AFE :
  • diferins prononçaedjes : Prononçaedje a radjouter miersipepieuzmint e l’ notule ALW 5.150
  • prononçaedje zero-cnoxheu : /ris.pɔː.ˈme/
• Ricepeures : ri·spå·mer

Viebe

Djin et tins	Codjowa
Cåzant Ind. pr. (dji, dj’)	rispåme
Atôtchî(s) Ind. pr. (vos, vs)	rispåmez
Cåzants Ind. pr. (nos, ns)	rispåmans
Rwaitants Ind. pr., nam. (i/il, ele/elle)	rispåmnut
Cåzant Ind. fut. (dji, dj’)	rispåmrè
Cåzant D.I.E. (dji, dj’)	rispåméve
Cåzant Suddj. pr. (ki dji, dj’)	rispåme
pårt. erirece (dj’ a, vos av)	rispåmé
Ôtes codjowaedjes	sipepieus tåvlea

rispåmer (viebe å coplemint) (å prono : si rispåmer)

1. sipåmer (passer a l’ claire aiwe ene sacwè k’ a stî lavêye avou do savon).
   • Bouwêye par ci, bouwêye par la,
     Fåt k’ on rispåme ci bouwêye la. — Tchanson des djoûs (fråze rifondowe).
   • Ele rispåme les schieles et ele les leye la souwer, sins les rxhorbi.
   • Li semdi al nute, cwand on s’ aveut yeu bagnî dins l’ grande tene, Nenene nos rispåméve li tiesse avou do bolant vinaigue, po touwer les pious. — O. Marchal, rat. pa L. Mahin (sourdant a recråxhî) (fråze rifondowe).
2. laver (del salåde, des fruts).
   • Ene frazete, c’ est ene usteye di manaedje, come on coloe, po sgoter l’ salåde, les fraijhes, evnd, cwand k’ on ls a rispåmé.
3. frexhi, arouzer.
   • Li vint aveut hoûlé tote li nute et rispåmé les åbes e les disploumant di leus dierinnès foyes. — André Henin (fråze rifondowe).
   • E fén fond d’ lu-minme, i lyi shonnéve k’ ene araedjeye lavasse vineut do rispåmer tot l’ prétins del djournêye. — Jean-Denys Boussart (fråze rifondowe).
4. (mot d’ medcén) rinetyî a l’ aiwe (ene playe, èn organe la k’ gn a do sûna).
   • L’ årtisse a vnou rispåmer l’ velire del vatche ki tapéve des mannestés.
5. passer mwints côps al claire aiwe.
   • Elle alént sbate li bouwêye e bî, et pu li spåmer et rispåmer deus troes côps. — Arthur Schmitz (fråze rifondowe).

Parintaedje

• rispåmaedje

Ortografeyes

Après 1900, foû rfondou (Feller, Feller ricandjî, nén Feller) :

• rispaumer : C9
• rispaumè : C8
• ruspåmer : E34

E rfondou walon :

• rispåmer : R9 ^(lére), R10 ^(lére), R11 ^(lére)

Ratournaedjes

sipåmer

• Francès : rincer ^(fr)

laver

• Francès : laver ^(fr)

frexhi

• Francès : mouiller ^(fr), tremper ^(fr), asperger ^(fr)

rinetyî a l’ aiwe

• Francès : irriguer ^(fr)

passer mwints côps al claire aiwe

• Francès : rincer à grande eau