schete

Walon

Ordinairmint	Dirî cossoune, s' on prononce /sk/
schete	eschete

Etimolodjeye

Tayon-bodje francike (erî-rfwait) * (erî-rfwait) * "skiit" (schene di bwès), adon parint avou l' almand «scheit», mot cité dins l’ FEW 17, 37b.

Prononçaedje

• AFE :
  • diferins prononçaedjes : /hɛt/ /skɛt/ /si.kɛt/ /ʃɛt/ /ʃɛːt/ /ʃɛːd/ (betchfessî sch)
  • prononçaedje zero-cnoxheu : /skɛt/
• Ricepeures : nén rcepåve

Sustantif

singulî	pluriyal
schete	schetes

schete f.

1. pitit fén pondant boket d' bwès, ki s' pout vni stitchî e vosse pea.

   Dji m' a tchôkî ene schete e doet — Motî Forir (fråze rifondowe).

   Il a yeu ene schete di bwès padzo l' ongue — Motî Gilliard (fråze rifondowe).

   Ene eschete di bos lyi a cåzu trawé s' mwin — Phillipe Antoine, Dictionnaire du wallon du Viroin et de sa région (fråze rifondowe).

   Li colon tchôke ene schete di plantche Al frumixhe k' esteut cåzu stantche (P.H. Thomsin)

2. boket spité evoye cwand on find å bwès.

   Alez s' cweri ene schorcêye di schete — Motî d’ Bastogne (fråze rifondowe).

   (Ramassez) des schetes d' abateu — Motî del Lovire (fråze rifondowe).

3. boket d' bwès d' on mete, findou å cougnet ou al findeuse.

   On fjheut mete les efants a djnos so des schetes po pûnicion.

Ratourneures

1. >> ene pougneye di belès vetès setchès schetes : toitche-linwe.
2. >> ele n' esteut nén co a schetes (/skɛt/) k' il esteut a s' cou : djeu d' mots. Loukîz a : kete

Sinonimeye

• (pitit pondant boket d' bwès) : bouxhe, bouxhete, schinlete
• (boket spité evoye tcwand on find å bwès) : estale
• (boket d' bwès d' on mete, findou å cougnet) : schene, schinete.

Parintaedje

• scheton, schetron
• scheter, scheteure
• schetler, schetlaedje, schetleure

Ortografeyes

Divant 1900 hett : G203 Sicrijhas do 20e sieke (Feller, Feller ricandjî, nén Feller) hète : E1 chète : C1, C99, C106, S0, S117 skète : O81, C106, O3

(è)skète : O3 sikète : (J. Schoovaerts) chêde : S109 E rfondou walon schete : schete: R11, R13

Si vos irîz rnaxhî dins des ôtes motîs, et trover l’ mot « schete », riherez ciddé li scrijha do mot ki vos î avoz trové, et l’ rahouca do motî el djivêye.

Ratournaedjes

± pitit pondant boket d' bwès

• Francès : écharde ^(fr), esquille ^(fr), éclat ^(fr)

± boket spité evoye tcwand on find å bwès

• Francès : copeau ^(fr)

± boket d' bwès d' on mete, findou å cougnet

• Francès : bûche ^(fr)