estale

Walon (Rifondou)

Etimolodjeye 1

Tayon-bodje latén « hasta » (baston) avou l’ cawete « -ale ».

Li rfondaedje di ç’ mot cial est co so balance. Fåt i scrire « estale » u « astale » ?

Prononçaedje

• AFE :
  • diferins prononçaedjes : /ɛstal/ /ɛstɛl/ /astal/ /astɛl/ miersipepieuzmint e l’ notule ALW 9.89
  • prononçaedje zero-cnoxheu : /ɛstal/
• Ricepeures : es·tale

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

Sustantif

estale femrin

1. boket ki schipe foû cwand on côpe å bwès.
   • On pani d' setchès estales po-z aloumer l' feu. — D.T.W.
   • Estale di soyeu, grande et tene, k' on fwait e scwerant. — D.T.W.
   • On n' såreut cwåtler on bwès sins fé des estales — Motî Forir (fråze rifondowe).
   • So l' tins k' i s' moussive, elle aveut aloumé l' feu avou des coxhes di sapén et des estales. — Émile Pècheur (fråze rifondowe).
   • Divins l' fornea, on tchôkive tot çou k' on trovéve: les ptitès coxhetes, les hatchrotes et les estales, les fenaesses et les crasses, et kékes såvadjes sitroukeas d' bwès k' vént stî rovyîs avå la. — Serge Fontaine (fråze rifondowe).
   • Dji cache après one trawéye
     Po sayî d’ î spaurgnî mès spales,
     One tote pitite bèdréye
     Di strins ou d’astales
     — Jacques Desmet.

   F. copeau.

   estale d' abataedje : gros boket d' bwès ki tipe evoye cwand on-z abate èn åbe.

   • Dj' aveu rpassé pal cahoute, po-z aveur ene banslêye d' estales d' abataedje; dji saveu bén k' els aléve ramasser padrî les bokions k' abatént ås hesses — Lucyin Mahin.
   • I vindént les grossès estales d' abataedje; on les vneut cweri avou des begnons — Rodolphe Dedoyard (fråze rifondowe).

2. estale di gorea : plantchete di bwès metowe sol gorea di tchvå.
   • Les estales do gorea sont disgarneyes. — D.T.W.
   • On fwait des estales di gorea avou des grossès raecenes di fowia. — D.T.W.

   On dit eto : schene.

   F. attelle.

   fereure d' estale : fier clawé so l' estale.

   rl a: feraye di schene, clawire.

   scwere d' estale : pitits bokets d' keuve e scwere, metou ådfoû d' l' estale.

   rl a: scwere di schene.

3. (vî mot) bwès.

   esse d' estale : esse di bwès, èn nén shonner esse vicant.

   • Loukîz: i n' avént nén pus d' keure Di leu moirt ni di nos côps d' bales K' adon il ouxhént stî d' estales (w:Paskeye sol sidje et l' dissidjmint d' Wîne).

4. (mot d’ medcén) emantcheure k' espaitche on mimbe sipiyî do bodjî.
   • Li medcén a metou deus estales.

   F. attelle.

5. (mot d’ carioteu) plake di fier po-z aspouyî et mintni li spigot, cwand on vout awè on blo d' marbe foû del rotche.

Ratourneures

1. setch come ene estale : nén crås.
   • ... l' ôte [sôdård], setch come ene estale, grûle, grogne et brûteye tot l' tins. — Les crwès dins les bruwères, p. 41 (fråze rifondowe).

Parintaedje

(minme sourdant etimolodjike)

• Asnoe, Esneu.

Ortografeyes

Après 1900, foû rfondou (Feller, Feller ricandjî, nén Feller) :

• astale : C1, C9, C13, C106, E13, E21
• astèle : C8, O0, O2, O3, O4, O5
• estèle : S117
• èstale : E1

E rfondou walon :

• estale : R9 ^(lére), R10 ^(lére), R11 ^(lére)

Etimolodjeye 2

Prononçaedje

• AFE :
  • Modele:przc /ɛs.ˈtal/ (minme prononçaedje pattavå)
• Ricepeures : es·tale

Sustantif

estale femrin

1. plaece la k' on ptit martchand håyneye si martchandijhe.
   • Metoz çoula so l' estale.
   • Ene plantche po estale, troes inglitins dsu et vla l' botike fwait — Motî Haust (fråze rifondowe).
   • Di ç' tins la, gn aveut ene peclêye di ptits mestîs dins ç' coulot la: poirter ås saetchs, bouter åzès tcheretes des vîwarîs, rifé des velos, netyî des cwåreas, tini on ptit botike ou ene pitite estale — Jean-Pierre Hiernaux (fråze rifondowe).

   F. étal, étalage.

Ortografeyes

Après 1900, foû rfondou (Feller, Feller ricandjî, nén Feller) :

• èstale : E1

E rfondou walon :

• estale : R9 ^(lére), R10 ^(lére), R11 ^(lére)