tchambe

Cial, n a des racsegnes eciclopedikes so les tchambes

Walon (Rifondou)

Etimolodjeye

Tayon-bodje latén "camera" (minme sinse), mot cité dins l’ FEW 2 130.

Prononçaedje

• AFE :
  • diferins prononçaedjes :
    • /ʧãp/ /ʧãm/ /ʧɔ̃p/ /ʧɔ̃m/ /ʧãp/ /ʧãb/
    • (pa picårdijhaedje) /kãp/; miersipepieuzmint el notule ALW 1. 9.
  • prononçaedje zero-cnoxheu : /t͡ʃãp/
• Ricepeures : nén rcepåve

Sustantif

singulî	pluriyal
tchambe	tchambes

tchambe f.

1. plaece d' en måjhon, apus ki l' coujhene.
2. boesse al poure k' on fwait peter po s' amuzer.

Ratourneures

(plaece dins ene måjhone)

1. bele tchambe, grande tchambe, tchambe di take : bele plaece.
2. tchambe divant : dins l' måjhon årdinwesse di 1900, tchambe metowe dirî l' tchapåd, å dvant del måjhone, sins feu.
3. tchambe dirî : dins l' måjhon årdinwesse di 1900, plaece metowe dirî l' grande tchambe, a l' erî del måjhone, sins feu.
4. tchambe a coûtchî : tchambe avou des léts.
5. tchambe ås pemes : pitite tchambe wice k' on meteut souwer les pemes.
6. aler coûtchî al tchambe ås pemes : en pus aler coûtchî avou si ome, si feme. ; Fr. : faire chambre à part
7. pot d' tchambe : pot a anse po pixhî del nute.
8. I mareye ene feye unike; il årè l' tchambe et l' botike

(boesse al poure)

1. bouxhî les tchambes : fé peter des boesses al poure po ene fiesse.
   • On tchén aveut schapé deus efants ki s' neyént e Sambe: on lyi a fwait les oneurs; on-z a bouxhi les tchambes — H. Pétrez (fråze rifondowe).

Parintaedje

• tchamburlin
• tchambrer, tchambré, tchambraedje

Ortografeyes

Divant 1900 :

• chanpe : E212
• chanb : E177 (1823)

Après 1900, foû rfondou (Feller, Feller ricandjî, nén Feller) :

• tchampe : O3
• tchåmbe : G201 p. 91
• tchombe : O0 a "tchambe", G201 p. 91
• tchambe : C1, E1, E21, E34, G201 p. 91, O0, O4, S0, S117
• tchon.me : G201 p. 91
• tchanbe : C8
• tchan.me : G201 p. 91
• cambe : G201 p. 91
• tchâbe : G201 p. 91
• campe : O4 ^{(sinse 2)}

E rfondou walon :

• tchambe : R9 ^(lére), R10 ^(lére), R13

Ratournaedjes

± plaece d' ene måjhone

• Arabe : ghorfa =‎ غرفة ^(ar)
• Arabe marokin : bit =‎ بيت
• Inglès : room ^(en)
• Espagnol : cuarto ^(es)
• Francès : chambre ^(fr)
• Neyerlandès : kamer ^(nl)
• Picård : cambe ^(pcd)

± plaece dins èn otel

• Arabe : ghorfa =‎ غرفة ^(ar)
• Arabe marokin : bit =‎ بيت
• Inglès : room ^(en)
• Espagnol : habitación ^(es)
• Francès : chambre ^(fr)
• Neyerlandès : kamer ^(nl)
• Picård : cambe ^(pcd)