peter

Walon (Rifondou)

Etimolodjeye

Tayon-bodje latén « pedere » (minme sinse), çou ki dene on mot avou l’ cawete di codjowaedje « -er » des viebes.

Prononçaedje

AFE :
- diferins prononçaedjes : /pɛ.ˈte/ /pɛ.ˈtɛ/ /pɛ.ˈtiː/ (minme prononçaedje cåzu pattavå)
- prononçaedje zero-cnoxheu : /pɛ.ˈte/
Ricepeures : pe·ter

Viebe

Djin et tins	Codjowa
Cåzant Ind. pr. (dji, dj’)	pete
Atôtchî(s) Ind. pr. (vos, vs)	petez
Cåzants Ind. pr. (nos, ns)	petans
Rwaitants Ind. pr., nam. (i/il, ele/elle)	petnut
Cåzant Ind. fut. (dji, dj’)	petrè
Cåzant D.I.E. (dji, dj’)	petéve
Cåzant Suddj. pr. (ki dji, dj’)	pete
pårt. erirece (dj’ a, vos av)	peté
Ôtes codjowaedjes	come bouter

peter

(v. sins coplemint) (mot d’ fiziolodjeye) fé rexhe on gåz di s’ dirî, avou on brut k’ on-z ôt bén.
(v. sins coplemint) esplôzer.
- Li balon a peté.
- Il aveut por lu ene manire do debiter çoula
  Ki vs vs årîz påmé d’ rire
  A vs fé peter la ! — Louis Lagauche, Tchansons tchusèyes, (1908-1912), «Mi grand-pere» p.49 (fråze rifondowe).
(v. sins coplemint) si finde.
- Avou les troes djoûs d' waernu, totes les plantches ont peté
diner (on côp).
- Dji lyi a peté ene bafe e plinne figueure.
- Mins dvins zels end a portant
  [...]Qui sont ene miete trop spitants,
  [...]Ås cis ki m' vont prinde li taye,
  Dji lyi dit tot petant so s' mwin :
  Va rzè, va, ti rvénrès dmwin ! — Jean Bury, Joyeux rèspleus (1899), "Cantiniére di gârd-civique" (fråze rifondowe et rarindjeye).
- Mins ene taeyante pire finda l’ espåce,
  Et vna fåyler l’ front do moudreu !
  Li gougne aveut peté si roed,
  Ki l’ ome, a l’ efant, dmanda gråce. — Joseph Vrindts, ”Vîx Lîge” (1901), p.80, “Li p’tit Pît’lé” (fråze rifondowe).
(viebe å coplemint) (al vwès passive) riçure ene dispoûslêye.
- BERNALMONT. - Tos ces pôves sôdårds alént hazård hazete, sins mwaisse, sins oficî, et ni sepant nén minme e ké payis k’ estént.
  BODSON. – Nos avans stou petés !
  HAMÅL. On l’ direut, pere Bodson. — Joseph Mignolet, « Al Bèle Fontinne », comèdèye di treûs akes, 1924, p.10 (fråze rifondowe).
(pus stroetmint) avou brut.
- RIDANT. – Vos estoz bén emacralé, valet ; et d’ ene feme, eco !
  KINÅVE. – Djel saveu bén, dai !
  RIDANT […] (i sere li live tot l’ fjhant peter et brait) C’ est Bebete !
  KINÅVE. (les ouys serés) C’ est çoula minme ! — Henri Simon, « Li Neûre Poye » 1889, (eplaidaedje da Jean Haust di 1936), p.77 (fråze rifondowe).
(viebe å coplemint) foumer.
- Et asteure, dji m' va peter on cigåre e djårdén. — Joseph Mignolet, "Li vôye qui monte" (1933), p.24 (fråze rifondowe).
(viebe å coplemint) cure.
- E s' feu, tchaeke feye k' aveut foirdjî
  Çou k' lyi faleut po fé s' djournêye,
  I petéve disconte li touwire
  Des crompires po si ptite niyêye. — Jean Dessard, D'ine cohe so l'aute, 1939, p.69, Rimimbrance : Noyé l’ sèrwî (1920) (fråze rifondowe).
(viebe å prono) (avou l’ divancete a) si mete a fé ene sacwè, tot d’on côp.
- I s’ a peté a rire.
- Ele s’ a peté a braire.

Ratourneures

peter å diåle
èn nén peter on mot : èn nén moti
- Il est grigneus, i n’ pete nén on mot.
- I n’ pete nén on mot d’ inglès.
peter pus hôt ki s’ cou : fé do grandiveus. F. "jouer les prétentieux"..
peter l’ francès (u ké-n ôte lingaedje) : cåzer grandiveuzmint e francès.
- E deus mots, c' est l' comike avinteure di Tonton, manguinresse, d' Adele, di Mareye Bada, haredjresse, di Golzå, on caporå ki pete li francès comme on gosson d' Montgneye, et d' Djerå, li mwaisse do batea ki les moenne si bagnî a Tchôfontinne. — Joseph Mignolet, "Li walon å payîs di Lîdje" (1938), p.31 (fråze rifondowe).
peter des godoms, dire sacwants côps "godom", "meydiu", disdjurer.
el peter hôt.
- Gn a waire, a s’ feye k’ aléve a messe,
  Li mame k’ inme bén del peter hôt,
  Vina lyi braire di-stant l’ finiesse :
  « Ne marchez pas dans les poteaux !» — Joseph Vrindts, ”Vîx Lîge” (1901), p.49, “Ji vous, ji n’pous” (fråze rifondowe).