foumer

Walon

Etimolodjeye

S’ i gn åreut ene sakî ki sepreut cwè å dfwait di l’ etimolodjeye di « foumer », el pout stitchî vaici.

Prononçaedje

• AFE :
  • diferins prononçaedjes : /fu.ˈme/ /fy.ˈme/ /fy.ˈmɛ/
  • prononçaedje zero-cnoxheu : /fu.ˈme/
• Ricepeures : fou·mer

Viebe

Djin et tins	Codjowa
Cåzant Ind. pr. (dji, dj’)	fome
Atôtchî(s) Ind. pr. (vos, vs)	foumez
Cåzants Ind. pr. (nos, ns)	foumans
Rwaitants Ind. pr., nam. (i/il, ele/elle)	foumnut
Cåzant Ind. fut. (dji, dj’)	foumrè
Cåzant D.I.E. (dji, dj’)	fouméve
Cåzant Suddj. pr. (ki dji, dj’)	fome
pårt. erirece (dj’ a, vos av)	foumé
Ôtes codjowaedjes	come alouwer

foumer

1. (v. sins coplemint)

I. [v.s.c.]

1. fé del foumire. Li stouve fome. F. fumer.

2. esse adût a haetchî so des cigaretes, ene pupe, evnd. I fome dispu bele ådje.

II. [v.c.] saetchî so (on cigåre, ene cigarete, ene pupe) po-z aspirer l' foumire. Dji fouméve des Havanes. I n' a pus k' on peumon foice d' aveur foumé deus pakets so on djoû céncwante ans å long (P. Renson). I fåt k' el prumire pupe k' i fome el rinde malåde, el bouxhe tot djus po k' i s' deye dj' a volou fé l' ome, mins bintch dji nel frè djamåy pus. — L. Lagauche (fråze rifondowe).

Parintaedje

• foumaedje, foumeu, foumire
• foumyî
• efoumer
• refoumer

(minme sourdant etimolodjike)

• efunker, efuncreye

Ortografeyes

Après 1900, foû rfondou (Feller, Feller ricandjî, nén Feller) :

• foumer : E165
• feumer : O0
• fumè : C8, S36 ^(lére)
• fumer : O0, O4 (a « brinke », « falot », « wayin »), S117

E rfondou walon :

• foumer : R9, R13

Ratournaedjes

saetchî so des cigaretes po-z aspirer l' foumire

• Arabe marokin : kma =‎ كمى
• Almand : rauchen ^(de)
• Inglès : to smoke ^(en)
• Espagnol : fumar ^(es)
• Francès : fumer ^(fr)
• Itålyin : fumare ^(it)
• Neyerlandès : roken ^(nl)
• Sicilyin : fumari ^(scn)