Dins èn ôte fi, vos avîz dit :
« Tins k' on est dins les prumirès sillabes mu-, dji vôreu bén rprinde li cas di m(u)zurer (rifondaedje d' asteure) et aconter les disfondowes del Hôte Årdene "mèzrer, tot acceptant on modele m(u)z(u)rer, avou don troes bodjes possibes: muzurer, mzurer & muzrer. U adon, fé come po r(i)v(i)ni u r(i)t(i)ni : 2 cognes bodjreces come rivni / rvini; ritni / rtini; adon djusse wårder mzurer & muzrer. »
Dj' a ene miete rwaitî, et ça n' rote nén di cisse manire la. po rivni / rvini et ritni / rtini; c' est on bodje avou spotchåve al prumire sillabe ki vént pa drî ene sipotchåve betchete r(i)-
Did la li dujhaedje flip-flop des deus spotchåves (ele ni polèt nén esse ni plinnes ni spotcheyes les deus e minme tins; c' est on XOR lodjike)
Mins po "muzurer" :
- sins spotchaedje : muzurer [R13]; muzèrer [S117]; muzèrè [C8]; mèzurer [O4,S0]
- avou spotchaedje del prumire sillabe: mèsùrér / m'zùrér [FO94] (rote come ene vraiye sipotchåve; mins mèsùreû (nén m(è)sùreû)
- avou spotchaedje del 2inme sillabe: muzrer (arch) [S0]; mèzerer [E34]; mèz'rer [E1,E170] (c' est nén ene sipotchåve, djusse ene cogne sins l' voyale; mins ele rispite dins l' parintêye: mèzeûre, mèzur'rèsse)
- nén trové dins E184; nerén dins E212 (mins i gn a muzorre (muzeure))
Li spotchaedje del 1re sillabe n' est waire spårdou; et ça m' shonne purade on francijhaedje (je vais m’surer c' est come on dit e francès).
Pol deujhinme voyale; les cognes mezrer, muzrer c' est purade li minme afwaire ki l" coinrece aw'hê, k' a st-i rfondou awijhea. Come les deus cognes egzistént (muzurer et muzrer), ostant prinde li cene avou les deus voyales (c' est todi pus åjhey di n' nén prononcî ene sicrîte lete, ki di prononcî ene ki n' l' est nén); d' ostant pus ki ça rind tot l' codjowaedje eyet l' parintêye ttafwaitmint erîlé; et di pus c' est l' cogne dins R13.
Di totes manires, minme si on vôreut prinde les coinreces muzrer (ki sont pus lådje ki djusse li Basse Årdene, c' est tot l' Levant), ça n' sereut nén ene sipotchåve; mins purade ene dobe rifondowe (muzurer et a costé muzrer). Dji n' so nén foirt tchôd di fé ene dobe rifondowe po ene pitie diferince insi d' ostant pus ki, po on viebe, ça fwait eto ene dobe rîlêye po tote li parintêye; i gn ki muzeure k' est insi pattavå...
Mins, come li viebe mensurare est fwait so mensura, et nén å rviè; on pout dire ki c' est muzurer k' est fwait so muzeure, avou candjmint classike -eur- -> -ur-; come dins meur -> emurer (et nén emrer).
Dins m' djivêye di viebes, dj' a:
muzurer;3;35;56 rimuzurer;3;35;
- Gilliard 3 : modele bouter, A=B=C=bout
- Stasse 35 : modele coirner, A=coirn, B=C=coirnêye _u_ B=C=coin
- Francard 56 : modele muzrer, A=muzr, B=C=muzèr
=> a Nameur, muzurer, A=B=C=muzur; dji muzure, nos muzurans, i muzurnut, dji muzurrè, ki dj' muzure, dj' a muzuré => a Lidje, muzrer, A=muzur, B=C=muzrêy / muzeur; dji muzeure u muzrêye, nos muzrans, dji muzeurrè u muzrêyrè, ki dj' muzeure u muzrêye, dj' a muzré => a Bastogne, muzrer, A=muzr, B=C=muzeur, dji muzeure, nos muzrans, dji muzeurrè, ki dj' muzeure, dj' a muzrè
E rfondou dj' voerè bén avou candjmint -ur -> -eur so cloyowe sillabe :
muzurer, A=muzur, B=C=muzeur; dji muzeure, nos muzurans, i muzeurnut, dji muzeurrè, ki dj' muzeure, dj' a muzuré
Eto; po rimuzurer; il est metou sol wiccionaire et DTW come "rimzurer / ermuzurer / rmuzurer" ; come si "m(u)zurer" esteut spotchåve, mins i n' l' est nén. Les disfondowes coûtchantreces n' aidèt nén, la k' c' est "ermuzurer / rmuzurer"; mins :
rimuzèrè [C8] / r'muzèrè [C8] rimèz'rer [E1] / r'mèz'rer [E1]
(dji houke eto @Reptilien.19831209BE1; come cåzant d' walon coûtchanrece, est çki por vos "m(u)zurer" est spotchåve sol prumire sillabe?)
