bistoker

Èn årtike di Wiccionaire.

Walon (Rifondou)[candjî]

Etimolodjeye[candjî]

Bodje « bistoke », avou l’ cawete di codjowaedje « -er » des viebes. Racuzinåve avou l’ flamind « besteken » eyet l’ mîtrin francès « bistocquer », « bistoquer », pus « biscoter » (avou candjmint inte les sons /k/ et /t/) ; mot cité dins l’ FEW 15/1 99a (lére). Grandgagnage dene come cogne « buscaiter » (« buskinter »), di « buscai » (« bouket », k’ on dene a ene sakî po s’ fiesse), d’ on tayon-bodje vî francike * « bosk- ».

Prononçaedje[candjî]

Viebe[candjî]

Djin et tins Codjowa
Cåzant Ind. pr. (dji, dj’) bistoke
Atôtchî(s) Ind. pr. (vos, vs) bistokez
Cåzants Ind. pr. (nos, ns) bistocans
Rwaitants Ind. pr., nam. (i/il, ele/elle) bistocnut
Cåzant Ind. fut. (dji, dj’) bistocrè
Cåzant D.I.E. (dji, dj’) bistokéve
Cåzant Suddj. pr. (ki dji, dj’) bistoke
pårt. erirece (dj’ a, vos av) bistoké
Ôtes codjowaedjes come viker

bistoker (viebe å coplemint)

  1. saetchî des côps d’ fizik e l’ air po fiesti (ene sakî, ene sacwè).
    • Prin t’ carabene; dj’ irans bistoker les maryîs.
  2. fiesti (ene sakî), kécfeye tot lyi dnant ene bistoke.
    • Dofe Sax, vî Copere dins les fiesses
      K’ on fwait po vos cint-z ans d’ viyesse
      I gn årè nén bén seur ene vwès
      Po vs bistoker dins vosse patwès. — Vier-Goyet (fråze rifondowe).
    • Insi, dji sereu muzulman, dji m’ ritrouvreu å Paradis å mitan d’ co djonnetes, Ava Gardner, Bete Davis udonbén Birdjite Bardo a m’ bén leyî sognî et m’ fé bistoker d’ amiståvistés. José Schoovaerts (fråze rifondowe).
    • Dji so bén binåjhe di vs rivey, vî cadet ; et po vos bistoker, nos alans fé-st on clapant djama eshonne. Jean-Pierre Dumont (fråze rifondowe).
    • C’ est l’ anêye la k’ il avént bistoké Djôzef Calozet.
  3. ofri (ene bistoke).
    • Li miele, sins buke et sins violon,
      I n’ ratreut nén ene ocåzion
      Di vos bistoker ene tchanson. Pol Bossart (fråze rifondowe).
    • Dji tchante po nosse bon rwè, li grand Yopôl Prumî
      Paski des travayeus, ç' a stî l' pa, et l' amisse.
      Et do ringne di s' gårçon, dj' a bistoké l' avnowe
      Jacques Bertrand (fråze rifondowe).

Ratourneures[candjî]

  1. dji vos bistoke, dji vos rastoke ; tinoz vos bén, vos n’ tchairoz nén : dijhêye cwand k’ on bistoke ene djin.

Parintaedje[candjî]

Mots vijhéns[candjî]

Ratournaedjes[candjî]

F. fêter. F. offrir un cadeau.