clavea

Walon (Rifondou)

Etimolodjeye

Tayon-bodje latén « clavellus » (« pitit clå, boigne clå »), çou ki dene on mot avou l’ cawete « -ea » ; dedja la e vî lingaedje d’ oyi (vî francès « clavel » « clavea des bedots ») racuzinåve avou l’ francès « clavelée » ; mot cité dins l’ FEW 2 758b (lére).

Prononçaedje

• AFE :
  • diferins prononçaedjes : /kla.ˈvja/ /kla.ˈvɛː/ /kla.ˈvæː/ /kla.ˈvaː/ /klɛ.ˈvɛː/ /kla.ˈwɛː/ (betchfessî ea)
  • prononçaedje zero-cnoxheu : /kla.ˈvja/
• Ricepeures : cla·vea

Sustantif

singulî	pluriyal
clavea	claveas

clavea omrin

1. (djeyolodjeye) pitit clå foirt deur ki vént dins les rotches castinnes, et spiyî les usteyes des soyeus al pire.
2. cayô d' aiwe.
   • Eclawé inte deus claveas, li brotchet dmaneut des dmeyeures sins bodjî, li panse sol graevî, les ailetes risserêyes, li cawe plakêye ås mwelons — Jean Lejeune di Djoupeye, Avå trîhes èt bwès, p. 170 (fråze rifondowe).
3. (mot des cinsîs) deur cayô des tchamps do Condroz.
   • I gn a des claveas plin les campagnes di Goyet — Motî Gilliard (fråze rifondowe).
   • Royeyes di oirbires, avou des pires co bén pus deures, va, k’ on clavea — Andrée Bacq (fråze rifondowe).
4. tchamp avou toplin des pires.
   • Dj’ a stî tcherwer l’ clavea dizo pondire ; c’ est la k’ dj’ a peté m’ schî.
5. (mot d’ årtisse des biesses) maladeye des bedots, k’ i lzî vént des ptits clås avå totes les pårteyes do coir sins linne.
   • Li cinsî a bén marké (k’ i pleut n’ nén rpayî ses desses s’ i gn aveut) des gurzeas, des vatches monses u eto li clavea u l’ malaedje, u ôte minêye dins les biesses. — Lucyin Mahin, ratournant des papîs d’ notåres do Tchestea di 1750 rapexhîs pa Jean-Marie Pierret (fråze rifondowe et rarindjeye).
6. målåjheyté del veye, moumint målåjhey a passer.
   • Il a on bea clavea so s’ dos — Motî d’ Bastogne (fråze rifondowe).
   • Ké clavea, èn ivier parey ! — Motî d’ Bastogne (fråze rifondowe).
7. (mot do bastimint) pire djondant ls åtches d' ene vôsse

   Ene fråze d’ egzimpe est co a radjouter.

• 
  Clavea (noer minrai d’ fier dins ene rotche castinnixheuse).
• 
  Clavea ås bedots.
• 
  pire djondant ls åtches ene vôsse

Ratourneures

1. tiesse come on clavea
2. esse sol clavea

Parintaedje

• Loukîz a : « clå »
• Loukîz a : « clé »

Sinonimeye

• (maladeye des bedots): noerès plokes
• (målåjhîsté): rujhe, pûne, cale; Loukîz a : « rujhe »

Ortografeyes

Divant 1900 :

• clavâ : E177
• klavai : E203 ^(lére)
• clavai : E177, G0

Après 1900, foû rfondou (Feller, Feller ricandjî, nén Feller) :

• clawê : JLatb p. 170
• clavia : C1, C8, C9, C60, C99, C100, C106, O0
• clèvê : S0
• clavê : E2, E34, E170, S0

E rfondou walon :

• clavea : R10 ^(lére)

Li mot n’ est nén dins : C62, C65, S117, E212, R13

Ratournaedjes

clå d’ deure pire

• Francès : rognon ^(fr) de sidérite ^(fr)

maladeye des bedots

• Arabe marokin : جدري ^(ary) = جدْري =‎ jedri
• Almand : Schafpocken ^(de)
• Inglès : sheeppox ^(en)
• Francès : clavelée ^(fr)
• Neyerlandès : schapenpokken ^(nl)

pire djondant ls åtches d' ene vôsse

• Inglès : keystone ^(en)
• Francès : clef de voûte ^(fr)

Sourdants

Jean Germain, Dialectes de Wallonie 31-32-33, 2006, p. 211-238.

Waitîz eto

Lijhoz l’ årtike clavea so Wikipedia