faflote

Walon (Rifondou)

Etimolodjeye

Mot-brut « faf », avou l’ dobe cawete « -lote ».

Prononçaedje

• AFE :
  • prononçaedje zero-cnoxheu : /fa.ˈflɔt/  ^{aschoûtez lu} (minme prononçaedje pattavå)
• Ricepeures : fa·flote

Sustantif

singulî	pluriyal
faflote	faflotes

faflote femrin

1. pitit grin d’ poûssire, pitite mannesté (aprume dins on likide).
   • I n a des faflotes e vosse vere di bire — Motî Forir (fråze rifondowe).
2. sacwè di waire di valeur.
   • Des faflotes di solés — Motî Forir (fråze rifondowe).
   • Ça n’ våt nén ene faflote.
3. sacwè di waire d’ impôrtance.
   • I dmeure co seur kékes faflotes dins l’ ratournaedje e francès, mins dj’ el va evoyî come ça.
   • Emey l' cour d' ene cinse nouv ou dijh djaenes poyons,
     Corèt, rouflèt, lancèt cwand leu mere fwait ene ahote
     Et cloucsêye après zels pol mwinde pitite faflote
     K' ele trouve avå les voyes ; soexhe-t ipaye ou niguion
     — Louis Lagauche, "L' inmant", Les poyons, (1947), p. 84 (fråze rifondowe).
4. (mot d’ cwårdjeu) pitite cwåte.
5. restant d’ on frut (djaeye, peme).
   • Hinez vos faflote å batch.
6. pitite cwantité.
   • I dmeure co ene faflote di vén, boevoz l’.
   • Les Polonès avént emantchî des rominnes po sawè çou ki rivneut a tchaeconk, a l’ après d’ ene faflote. — Louis Sohy (fråze rifondowe).
7. (noûmot pa stindaedje do sinse) (linwince) accint et tot ôte sene k’ on trouve dins on scrijhaedje et ki n’ est nén ene lete, aprume l’ apostrofe et l’ coron-stitchete.
   • Si on rtire les faflotes divintrinnes, on pout arindjî les vudes inte les mots otomaticmint avou li rcwirrece — Båze di dnêyes di l’ Årdene nonnrece (fråze rifondowe).
8. comere nén foirt serieuse.
   • Vén tocial ; (ti comere k’ a fwait s’ paket,) ci n’ est måy k’ ene faflote — Daniel Droixhe (fråze rifondowe).

Ratourneures

1. ey ene faflote
2. ça n’ vént nén a ene faflote
3. ça n’ våt nén ene faflote

Parintaedje

• fafloter, fafloté
• faflotreye
• disfafloter, disfaflotaedje
• rifafloter

(minme sourdant etimolodjike)

• fafouye, fafouyî, fafouyaedje, fafouyeu, fafouyåd
• fafyî
• faflûte

Mots d’ aplacaedje

• faflote divintrinne

Sinonimeye

• (pitit grin d’ poûssire, pitite mannesté) : Loukîz a : « barbôjhe »
• (pitite cwåte å cwårdjeu) : schita
• (pitite cwantité) : barbôjhe; Loukîz l’ motyince : pitite cwantité
• (comere nén foirt serieuse) : Loukîz a : « cånoye »
• (sacwè di waire di valeur) : troyreye

Ortografeyes

Divant 1900 :

• faflotte : E212 ^(lére)
• faflott : E203 ^(lére)

Après 1900, foû rfondou (Feller, Feller ricandjî, nén Feller) :

• faflote : C1, C8, C13, C99, E1, O4, S109, S117

E rfondou walon :

• faflote : R10 ^(lére), R13

Li mot n’ est nén dins : S44

Ratournaedjes

pitit grin d’ poûssire, pitite mannesté Loukîz a : barbôjhe

• Francès : corpuscule ^(fr)

sacwè sins valeur

• Francès : vétille ^(fr)

sacwè di waire d’ impôrtance

• Francès : détail ^(fr)

pitite cwantité (d’ aboere)

• Francès : soupçon ^(fr), pointe ^(fr), larme ^(fr)

comere nén foirt serieuse Loukîz a : cånoye

• Francès : trainée ^(fr)