cwåte

Walon (Rifondou)

Etimolodjeye 1

Tayon-bodje latén « charta », lu-minme do grek « χάρτης » (papî).

Prononçaedje

• AFE :
  • diferins prononçaedjes : /kwɔːt/ /koːt/ /kaːt/ /kaːʀt/ /kaʀt/
  • prononçaedje zero-cnoxheu : /kwɔːt/
• Ricepeures : nén rcepåve

Sustantif

singulî	pluriyal
cwåte	cwåtes

cwåte femrin

1. papî avou des desséns et des chifes dissu, po djouwer a des djeus d’ societé.
   • Vos metroz dijh lites di petrole : c’ est po nos djouweus d’ cwåtes. — Louis Piron (fråze rifondowe).
   • Dji vos va fé on tchestea d’ cwåtes. — Motî d’ Bastogne (fråze rifondowe).
2. (djeyografeye) mape.
3. pitit rafoirci papî po totès sôres d’ uzaedjes.
   • Av vosse cwåte di banke sor vos ? — Båze di dnêyes di l’ Årdene nonnrece (fråze rifondowe).

• 

  (Sinse 1) Cwåtes a djouwer.

• 

  (Sinse 2) Ene viye cwåte del Beldjike di 1845 avou l’ Dutcheye di Lussimbork.

• 

  (Sinse 3) Ene cwåte d’ idintité.

• 

  (Sinse 3) Ene cwåte avou l’ munu d’ on restorant.

Ratourneures

1. basse cwåte : cwårdjeu ki n’ bate nén les ôtes. On dit eto : schita
2. boune cwåte : dins l’ avançmint d’ ene pårt di cwårdjeu, cwåte k’ i gn a pus nole ådzeu.
3. maxhî les cwåtes : les rmete ene avå l’ ôte divant d’ rataker ene pårt.
4. ene cwåte u on fagot ! : dijhêye a onk ki n’ sait çou k’ i doet djouwer (tins d’ ene pårt ås cwåtes).
5. taper l’ cwåte u taper les cwåtes : lére li planete d’ ene djin dins les cwåtes.
   • Les djonnès djins do viyaedje si vnént fé taper l’ cwåte et, po paymint, i lyi fjhént ses comissions. — Paul Renson (fråze rifondowe).
6. tapeuse di cwåtes u bateuse di cwåtes : tapeuse di cwårdjeus.
7. djouwer s’ dierinne cwåte : fé ene dierinne saye, dabôrd k’ on vént d’ fé berwete sacwants côps.

Parintaedje

• forcwåte

Mots d’ aplacaedje

• cwårdjeu
• stok-cwåte
• cwåte poståle, cwåte di vizite, cwåte di banke

Sinonimeye

• (po djouwer) : cwårdjeu
• (di djeyografeye) : mape

Dizotrins mots

• (cwårdjeus) : triyonfe, atote, schita

Ortografeyes

Après 1900, foû rfondou (Feller, Feller ricandjî, nén Feller) :

• caute : C1, C8, O0, O100
• cåte : FO94 (a « carte »), S117 (cwårdjeu)
• cârte : FO94 (a « carte »), S0, S117, O0 (di djeyografeye, evnd.), O4
• cwâte : S0 (cwårdjeu)
• qwåte : E1
• cwåte : E1, E170 (cwårdjeu)
• carte : E170, O100 (di djeyografeye, evnd.)
• câte : FO94 (a « carte »)

E rfondou walon :

• cwåte : R10 ^(lére), R11 ^(lére), R13

Li mot n’ est nén dins : G0

Ratournaedjes

cwårdjeu

• Arabe marokin : كرتة ^(ary) =‎ kerta
• Tcheke : karta ^(cs)
• Almand : Karte ^(de)
• Inglès : card ^(en)
• Espagnol : carta ^(es)
• Estonyin : kaart ^(et)
• Finwès : kortti ^(fi)
• Francès : carte ^(fr) ; taper l’ cwåte : lire dans les cartes ; tapeuse di cwåtes : cartomancienne ; djouwer s’ dierinne cwåte : jouer son va-tout.
• Itålyin : carta ^(it)
• Lussimbordjwès : kaart ^(lb)
• Litwanyin : card ^(lt)
• Neyerlandès : kaart ^(nl)

mape (di djeyografeye)

• Arabe : خريطة ^(ar) =‎ kharîTa
• Arabe marokin : kheri6a (kheriTa) =‎ خريطة
• Inglès : map ^(en)
• Espagnol : mapa ^(en)
• Francès : carte ^(fr)

rafoirci pitit papî d’ idintité, di banke, evnd.

• Arabe : (d’ idintité) بطاقة ^(ar) =‎ biTâqa
• Arabe marokin : لكارت ^(ary) =‎ lekart
• Espagnol : tarjeta ^(es)
• Francès : carte ^(fr)

Etimolodjeye 2

Tayon-bodje latén « quartum » (cwårt), mot cité dins l’ FEW 2/2 1423a.

Prononçaedje

• AFE :
  • diferins prononçaedjes : Prononçaedje a radjouter
  • prononçaedje zero-cnoxheu : Prononçaedje a radjouter
• Ricepeures : nén rcepåve

Sustantif

cwåte femrin (vî mot)

1. viye muzeure des grins, ki valeut li cwårt d’ on stî.
   • Ene cwåte d’ avoenne, di feves. — Motî Forir (fråze rifondowe).
2. viye muzeure des likides, ki valeut deus pintes ey on pot (1,2797 lites).
   • Ene cwåte di bire, di laecea. — Motî Forir (fråze rifondowe).
3. cwårt d’ ene ône.
   • Ene ône ey ene cwåte di hanscote. — Motî Forir (fråze rifondowe).
   • C’ est del toele di cénk cwåtes. — Motî Haust (fråze rifondowe).

Ortografeyes

Divant 1900 :

• qwâte : Joseph Willem
• quâte : E212
• kwâtt : E203

Après 1900, foû rfondou (Feller, Feller ricandjî, nén Feller) :

• qwåte : E1
• cwåte : E1
• cwâte : E212b
• caute : C8

E rfondou walon :

• cwåte : R10 ^(lére), R11 ^(lére)

Li mot n’ est nén dins : G0, E170

Ratournaedjes

cwåte

• Francès : quarte ^(fr)

Waitîz eto

Lijhoz l’ årtike cwåte (discramiaedje) so Wikipedia