feve

Walon (Rifondou)

Etimolodjeye 1

Tayon-bodje latén « faba » (minme sinse).

Prononçaedje

• AFE :
  • diferins prononçaedjes : /fɛːf/ /feːf/ (minme prononçaedje cåzu pattavå)
  • prononçaedje zero-cnoxheu : /feːf/
• Ricepeures : nén rcepåve

Sustantif

singulî	pluriyal
feve	feves

feve femrin

1. (plante) sôre di påwionacêye ki dene des grossès grinnes del cogne d' on rno; ki l’ sincieus no, c’ est : Vicia faba.
2. (verdeure) cisse grosse grinne la, mindjeye come verdeure.
   • Les feves, t' endè magnes ene boesse mins ti n' sais dire li cene divins tote li boesse ki t' fwait proutler. — Christian Thirion (fråze rifondowe).
3. (plante) sôre di påwionacêye ki gripe so des stapetes ou åleas, ou dmorer so tere (ninte); ki l’ sincieus no, c’ est : Phaseolus vulgaris.
   • On seme les feves el djoû Sint-Mår di l' avant-dinner po k' ele montexhe a pîce. — Motî d’ Nivele (fråze rifondowe).
   • Les feves sont cûtes; i les fåt purer. — Motî Forir (fråze rifondowe).
4. (verdeure) schågne di cisse plante la, avou les grinnes divins, mindjeyes come verdeure.

Ratourneures

1. diner on poes po raveur ene feve, diner on poes po rawè ene feve
2. s' i m' dene des poes, dji lyi rindrè des feves
3. toumer al feve do wastea : dins l' uzance do wastea des Rwès.
4. divins les feves : sô
5. fåt k' el feve voeye s' eraler s' mwaisse do djårdén : i nel fåt nén rcatchî trop foirt.

Parintaedje

favete

Mots d’ aplacaedje

• vete feve, feve di Rome
• grosse feve
• feve di cafè (grinne di cafè)

Dizotrins mots

• ninte, cropete
• princesse
• schågne, cosse, dischågnter, netyî, splitchî

Ortografeyes

Divant 1900 :

• fév : E203

Après 1900, foû rfondou (Feller, Feller ricandjî, nén Feller) :

• féve : O4, S109, S117

E rfondou walon :

• feve : R13

Li mot n’ est nén dins :

Ratournaedjes

påwionacêye ås grossès grinnes (Vicia faba)

• Arabe : فول ^(ar) =‎ foûl
• Arabe marokin : فول ^(ary) =‎ fol
• Almand : Ackerbohne ^(de), dicke Bohne ^(de)
• Inglès : broad bean ^(en), fava bean ^(en)
• Espagnol : haba ^(es)
• Francès : fève ^(fr)
• Neyerlandès : boon ^(nl), tuinboon ^(nl), veldboon ^(nl)

påwionacêye k' on magne les cosses avou les grinnes (Phaseolus vulgaris)

• Inglès : bean ^(en)
• Francès : haricot ^(fr)

Etimolodjeye 2

Tayon-bodje latén « faber » (marixhå).

Sustantif

singulî	pluriyal
feve	feves

feve omrin (vî vî mot)

1. marixhå.

Mots d’ aplacaedje

• Lefeve
• ôrfeve

Waitîz eto

• Lijhoz l’ årtike feve (discramiaedje) so Wikipedia